Leo Tavuha gabe Luk nu Ravae 4:41 - Hano Niu Testamen

⁴¹ Kunia mulei vui hantai ram mwalue nin sinombu ivusi ram haharigi ram bevea be, “Giḡo haḡea Nitun God!” Haḡe mwa borotai ira vui hantai be rasav avo tehe bwatuna ram iloe be kea haḡea mwasigi Kraes.

Leo Tavuha gabe Luk nu Ravae 4:41 ပူးပေါင်းရင်းမြစ်များ

Matiu 26:63

Take Jisas mwa buhiga. Haḡe Muai Tataroi mwa mom bevea mulei lalainia gin avoan garagara be, “La ihan God rahu nam hudalinigo be goi vev mwasigi lalai kamai be giḡo Kraes, Nitun God sa sigai.”

Matiu 4:3

Haḡe Vui hantai mwa mai lalainia, mwa bevea be, “Sivora giḡo Nitun God, gos lol vatu kera geki gi bereti.”

Matiu 8:16

Haḡe ute mwa ravravi. Sinombu ram mai mai atatu ivusi, vui hantai mwa lolira. Haḡe Jisas mwa hora lua vui hantai ninira gin non avoana i mwa lol barahu muleinira gabe ran haro vuroi.

Matiu 8:29

Batena ramuru ḡita Jisas, ramuru haharigi darihou be, “Havanau gom doronia nin kamai, Nitun God? Gom mai daga be gomen lol ḡagaras susuvwai kamai?”

Matiu 8:4

Jisas mwa bevea lalainia be, “Ron̄oe! Gosav vevuri te lalai hei dolua huri ginau nam lolia lalainigo. Take goi van aben tataroi ba vi gitago. I gov vohai nom hogoi kun silo non Moses mwa bevea, huri be vi seserainia lalai sinombu be gon melmelo.”

Leo Tavuha gabe Mak nu Ravae 1:25

Haḡe Jisas mwa borotai vui hantai mwa bevea be, “Buhiga, mwalue dagai nin wani gea!”

Leo Tavuha gabe Mak nu Ravae 1:32

Ute mwa ravrav huba, ataguna be alo mwa roro sinombu ram lai ira harova vai aben Jisas mai irahei gabe vui hantai mwa lolira.

Leo Tavuha gabe Mak nu Ravae 1:34

Haḡe Jisas mwa barahura gabe ram haro gin lalan̄an harova, i mwa ḡoro lua vui hantai ivusi, mwa hav mahin̄ai te ira vui hantai be rav vev te hano, bwatuna ram iloe be kea ihei.

Leo Tavuha gabe Mak nu Ravae 3:11

Kera gabe vui hantai alolora ram ḡitae ram hovi ḡoro lolmatana ram haharigi ram bevea be, “Giḡo Nitun God.”

Leo Tavuha gabe Luk nu Ravae 4:39

Haḡe kea mwa ban mwa du hurin batana, mwa av wasi lalai rurutia be vi lin̄ia. Haḡe rurutia mwa lin̄ia, i vavine mwa domare darihou mwa lol ginaganiana lalainira.

Leo Tavuha gabe Jon nu Ravae 20:31

Take kera geki mwa ravana huribe giv binihimwasigi be Jisas kea Kraes, Nitun God, i be gin nomiu binihimwasigi garagusi aluna giv lai rahuana.

Jemes 2:19

Gom binihimwasigi be God gaituvwa. Nu tavuha! Atmate ram binihimwasigi be God gaituvwa, i kera ram birururu i ram matagu.