Leo Tavuha gabe Luk nu Ravae 24:44 - Hano Niu Testamen

⁴⁴ Haḡe mwa bevea lalainira be, “Geki haḡea ginau be nan vevea lalai kimiu mahavana be nan togo radu mai kimiu: ginau duluai nu ravae huriau lol Silo non Moses, i Ravrava non ira Atatun Vevsera, i lol bukan Sam mwa bisirai mwasigi.”

Leo Tavuha gabe Luk nu Ravae 24:44 ပူးပေါင်းရင်းမြစ်များ

Matiu 1:22

Ginau duluai geki mwa bisirai be men lol seserai hano be Ratahigi nu vev daua lalai atatun vevsera tuai be,

Matiu 16:21

Nin mahavana gea Jisas mwa dau bwatuna mwa bev luae lalai non roron̄tai be, “Mwa du be nav hae vai Jerusalem, i nav ron̄ḡagarasi maragai gin hano be ira bwatmetua ira Jius maira muai tataroi maira vagahin Silo rav lolia aluku. Kera rai wehiau, nai mate. Itake atagun gubwen̄ gaitolu God vi lol domarei muleiau.”

Matiu 26:54

Take be nav lolia kunia, si hav loliana te seserai dum na avoana mwa bevea alolon Ravrava Sabuga be mwa bevea be vi vora kunia.”

Matiu 26:56

Take mwa loli kungeki be vi lol seserai avoana nora atatun vevsera be ran ravae.” Haḡe ira roron̄tai duluai ram bis dagai ninia, ram romaragai.

Leo Tavuha gabe Mak nu Ravae 9:31

bwatun be mwa bagahira non roron̄tai mwa bevea be, “Nitun Atatu vi lin̄ia lalai sinombu i kera rav wehi bamatea. Atagun gubwen̄ gaitolu vi tomare mulei vai lol rahuana.”

Leo Tavuha gabe Luk nu Ravae 21:22

Bwatuna geki haḡea ‘Gubwen̄ vevev men visirai,’ ginau duluai gabe ravrava sabuga nu ravae huria.

Leo Tavuha gabe Luk nu Ravae 22:37

Bwatuna geki nai vevea lalai kimiu be, Ravrava Sabuga gabe mwa bevea be, ‘Kea bultai maira hantain lalaḡo,’ mwa du be vi mwasigi huriau, huri be hano gabe nu ravana huriau mwa bisirai mwasigi.”

Leo Tavuha gabe Luk nu Ravae 24:46

I mwa bevea lalainira be, “Geki havanau mwa ravae be: Kraes wani Vurai vi ron̄ ḡagarasi i vi tomare nin mateana atagun gubwen̄ gaitolu,

Leo Tavuha gabe Luk nu Ravae 9:22

I mwa bev rahurahuinia be, “Inau Nitun Atatu mwa du be nav ron̄ḡagarasi i ira bwatmetua maira muai tataroi, maira vagahin silo rai varihaiau. Kera rai wehiau nai mate, take atagun gubwen̄ gaitolu God vi lol domare muleiau.”

Leo Tavuha gabe Luk nu Ravae 9:44

“Giv havan̄ bweromiu ba lai ḡoḡo hano be nai vevea! Mwa abena be vi lin̄iau inau Nitun Atatu vai lol limara atatu.”

Leo Tavuha gabe Jon nu Ravae 3:14

Kun tuai Moses lol vanua vuroi, nu haḡo domarei nunun teltele gabe ran lolia gin vatmerameraga la gai, kunia mulei inau Nitun Atatu rav haḡo domareiau la gai,

Leo Tavuha gabe Jon nu Ravae 5:39

Gim hiḡehiḡe lol Ravrava Sabuga duluai huri be gim binihia be giv habwe rahuana vai tuai alolona. I ravrava sabuga kera geki gabe ram bev huri huriau.

Leo Tavuha gabe Jon nu Ravae 5:46

Be gis binihimwasigi Moses mwasigi, gis binihimwasigiau mulei bwatuna kea nu ravrava huriau.

Lalaḡova 13:40

Giv gita ḡoro haḡea, be havanau be ira atatun vev sera ran vevea sihav loli tehe lalai kimiu.

Lalaḡova 2:27

bwatuna be gosav derai te dum atmateku vi togo lol ureure nin ira atat mate; i gosav lin̄ te dum nom atatun rovoga binihimwasigi be rav boboga lol bwaru.”

Lalaḡova 3:18

God nu vev serae tuai lalai ira atatun vevsera be Wani Vurai gabe kea vi horae, vi ron̄ ḡagarasi, i non avoana mwa mai gi mwasigi la hala geki.

Lalaḡova 7:37

Moses haḡea atatu gabe nu vevea lalai sinombu ira Jius be, “God vi hora atatun vevsera lalai kimiu, kunia gabe nu horau, wani gea vivora vwate nin kimiu sibomiu.

Hibru 10:1

Silo be God nu laia lalai Moses, kea vorate nun tavuha huri mwasin ginau be ram dogo, i ran hav melmelo te tavuha kun mwasin ginau mwasigi be rav mai. God vataha taulu ira tataroi ram lol tataroi la hala gaituvwa n̄ano be rav lai lua vuron atatu. Take la hala geki silo geki si hav lol te dum atatu be ram mai aben God be rai vavtutu.

Hibru 3:5

Moses nu vora atatun rovoga tavuha lol imwan God, i nu vev serae huri havanau be God vi vevea vainon̄oiha.

Hibru 7:1

Melkisidek kea ratahigi lavoa la vanua Salem, i kea Tataroi non God Holomare. I ataguna be Ebraham mwa bwalo mai ira ratahigi lavoa vuvuri mwa dabagilu, i aia Melkisidek mwa habwea i mwa batavuhainia.

Hibru 9:8

Mai ginau duluai geki Vui Sabuga mwa seserainia lol taro be imwa haohao nu tu radu, hala sigai be men mahavan̄i huri gida be tav haroro lol Ute Sabuga Liu.

1 Pita 1:11

Vui non Kraes nu togo alolon ira atatun vev sera, nu vev daua huri ron̄ ḡagarasi non Kraes i huri sarisari be vi huri ron̄ ḡagarasi gea Ira atatun vev sera ran lol ron̄oe be rav hiḡehiḡe huri havanau be Vui Sabuga mwa bagahira, lol taro be ginau kerageki ran loli, i havanau haḡea ureure vi kunia lol taro gea.

Visirai 19:10

Nan sisiabwau lol bwalagen enjel i nam dau bwatuna nam ḡogonainia. Take enjel mwa bevea lalaiau be, “Gosav lolia te kunia! Inau atatun rovoga vuroi, kunigo mai atat dodolua gabe ram bevea huri Jisas. Gosav gogonai te atatu dolua take God!” Huribe mwasigi be nu seseraiana sivi Jisas, kea haḡea nu rihui ira atatun vevsera.