Leo Tavuha gabe Luk nu Ravae 24:27 - Hano Niu Testamen

²⁷ Haḡe Jisas mwa dugu halana lalainira huri havanau nu vevea huria sibona alolon Ravrava Sabuga duluai, nu tau bwatuna lol buka non Moses mai ravrava non ira atatun Vevsera duluai.

Leo Tavuha gabe Luk nu Ravae 24:27 ပူးပေါင်းရင်းမြစ်များ

Leo Tavuha gabe Mak nu Ravae 4:34

Mwa hav avo te dagai gin avoan dalogai, mwa avo lalainira gin avoan dalogai duluai, take mahavana be kea mwa dogo gahena maira non roron̄tai mwa siv seserai binihiva ata lol avoana duluai lalainira.

Leo Tavuha gabe Luk nu Ravae 24:25

Jisas mwa bevea lalainira be, “Ira daloi, gim ravrava maragai be gimen binihimwasigi ginau duluai gabe ira atatun vevsera ran vevea!

Leo Tavuha gabe Luk nu Ravae 24:44

Haḡe mwa bevea lalainira be, “Geki haḡea ginau be nan vevea lalai kimiu mahavana be nan togo radu mai kimiu: ginau duluai nu ravae huriau lol Silo non Moses, i Ravrava non ira Atatun Vevsera, i lol bukan Sam mwa bisirai mwasigi.”

Leo Tavuha gabe Jon nu Ravae 1:45

Vilip mwa habwe Nataniel mwa bevea lalainia be, “Gan habwe wani gabe Moses nu ravae huria lol bukan Silo i kera atatun vevsera mulei ran ravae huria. Kea haḡea Jisas nitun Josep ata Nasaret.”

Leo Tavuha gabe Jon nu Ravae 12:41

Aesaia nu vev ginau geki bwatuna nu gita sarisarin Jisas i nu avo huria.

Leo Tavuha gabe Jon nu Ravae 5:37

I tamaḡu be nu horau kea mulei mwa durau. Gim hav ron̄ te hohoi silona, sa gim hav gita te hohoi lolmatana.

Leo Tavuha gabe Jon nu Ravae 5:39

Gim hiḡehiḡe lol Ravrava Sabuga duluai huri be gim binihia be giv habwe rahuana vai tuai alolona. I ravrava sabuga kera geki gabe ram bev huri huriau.

Lalaḡova 10:43

Haḡe ira atatun vevsera duluai ran vevea huria be, atatu duluai be ram binihimwasigi aluna vi binihi kaburai vurora alun muramura lol ihana.”

Lalaḡova 3:18

God nu vev serae tuai lalai ira atatun vevsera be Wani Vurai gabe kea vi horae, vi ron̄ ḡagarasi, i non avoana mwa mai gi mwasigi la hala geki.

Lalaḡova 3:22

“Bwatuna be Moses mwa bevea be, ‘Ratahigi gabe nomiu God vi hora atatun vevsera lalai kimiu, kunia be mwa horau, i wani gea vivora atatu vwate nin kimiu sinombu. I mwa du be giv tabea lol ginau duluai be mwa bevea lalai kimiu be giv lolia.

Lalaḡova 3:24

Take ira atatun vevsera gabe ram lai dum roroi lol taron Samuel i kera duluai ataguna, kera mulei ataguna ram vevsera havanau gabe mwa loli lol gubwen̄ garigi.

Lalaḡova 7:37

Moses haḡea atatu gabe nu vevea lalai sinombu ira Jius be, “God vi hora atatun vevsera lalai kimiu, kunia gabe nu horau, wani gea vivora vwate nin kimiu sibomiu.

Lalaḡova 8:35

Haḡe kunia Vilip mwa dau bwatuna mwa avo, mwa bwativugainia alun tavihen leo tavuha geki, mwa bevea lalainia alun Roroi tavuha huri Jisas.

Visirai 19:10

Nan sisiabwau lol bwalagen enjel i nam dau bwatuna nam ḡogonainia. Take enjel mwa bevea lalaiau be, “Gosav lolia te kunia! Inau atatun rovoga vuroi, kunigo mai atat dodolua gabe ram bevea huri Jisas. Gosav gogonai te atatu dolua take God!” Huribe mwasigi be nu seseraiana sivi Jisas, kea haḡea nu rihui ira atatun vevsera.