Leo Tavuha gabe Luk nu Ravae 23:34 - Hano Niu Testamen

³⁴ Jisas mwa bevea be, “Tata, gov binihi kaburai vurora! Ram hav ilo te havanau be ram lolia.” Ram bohai dais gi dovon̄ana be ihei vi lai gaisagana, kunia ram hara gaisagana batvatahara.

Leo Tavuha gabe Luk nu Ravae 23:34 ပူးပေါင်းရင်းမြစ်များ

Matiu 11:25

Lol mahavana gea Jisas mwa bevea be, “Tata, giḡo Ratahigi ḡoro ute atamare i lol ureure, nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao.

Matiu 11:26

Mwasigi, Tata, geki halana gon doron be vi loli haḡea kunia.

Matiu 5:44

Ita inau nam bevea lalai kimiu be giv tabe nomiu ivwalu, i giv tataro hurira gabe ram lol ḡagaras kimiu.

Leo Tavuha gabe Mak nu Ravae 15:24

Haḡe ram boha vuvuria alun volovolo, i ram hara gaisagana, ram bohai dais huri gaisagana be ihei vi lai hava gaisaga.

Leo Tavuha gabe Luk nu Ravae 22:42

Mwa bevea be, “Tata, be vi dumwi, lai dagai lahan ron̄ḡagarasi geki niniau. Mwa hav vora te hurin noḡu doroniva, take nom doroniva n̄ano vi dumwi.”

Leo Tavuha gabe Jon nu Ravae 17:9

“Nam dataro hurira. Nam hav tataro te huri ureure take hurira gabe gon laira lalaiau, huri be kera bilamwa.

Leo Tavuha gabe Jon nu Ravae 19:11

Jisas mwa bwaliua be, “Gom haḡo roron̄o ḡoroau n̄ano bwatuna be God nu laia lalainigo. I wani gabe nu lin̄iau lalainigo mwa bahala gin vuro hantai maragai.”

Lalaḡova 16:28

Take Pol mwa bato amare gin silo gaivua mwa bevea be, “E! Gosav lol te hantainigo sibomwa! Kamai duluai teti radu kadogaha!”

Lalaḡova 3:17

“Ira tuaku, nam iloe be havanau gabe kimiu mai ira nomiu tomuai gin lolia lalai Jisas, bwatuna n̄an be gin hav iloe tehe.

Lalaḡova 7:60

Kea mwa sisiabwau mwa haharigi gin silo gaivua mwa bevea be, “Ratahigi! Gosav vului te nora bwatigoro.” Kea mwa bev avoana geki i mwa mwaruruhi.

Ravrava non Pol lalai ata Rom 12:14

Gov lol tavuha lalai ira hei be ram lol hantainigo; gov lol tavuhainira i gosav lol te ḡagarasira.

1 Korin 2:8

Vwate nin ira tomuai ata lol ureure geki nu hav ilo te dum mataisao gea. Be ras ilo dum batoia, rasav voha te bolvolo Ratahigi roroa.

1 Korin 4:12

Gam lol rovoga hahavwani huri gamai ginau sibomai. Mahavana be sinombu ram bev bwarebware kamai, gam bev tavuhainira huria. Mahavana ram lol ḡagaras kamai, kamai gam lin̄ maḡemu vai aluna.

1 Timoti 1:13

Lol taro nu ḡao huba inau nan avo vai alun Kraes i nan wehi bonogainia i nan lol lalan̄an ginau be nav lol ḡagarasia. Take God nu seserai lalaiau sine hagavi bwatuna be nan hav ilo te havanau be nan lolia. Nan hav binihi te mwasigi.

1 Pita 3:9

Gisav lol te hantai be vi vol mulei hantai, i gisav av te hantai be vi vol mulei avoan hantai lalainigo. Take giv vol mulei mai vatavuha bwatuna be kimiu sibomiu gin uloiana be giv lol ginau geki huribe kimiu giv lai vatavuha.