Leo Tavuha gabe Luk nu Ravae 22:41 - Hano Niu Testamen

⁴¹ Haḡe Jisas mwa ban dagai ninira, kun n̄avanan mahavana be vatu mwa bohaiana, haḡe mwa sisiabwau mwa dataro.

Leo Tavuha gabe Luk nu Ravae 22:41 ပူးပေါင်းရင်းမြစ်များ

Matiu 26:39

Haḡe mwa mom bano, mwa hiv bahudui, mwa dataro, mwa bevea be, “Tata, be si dumwi, lai dagai lahan ron̄ḡagarasi geki niniau! Take noḡu doroniva vina ta nomwa n̄ano.”

Leo Tavuha gabe Mak nu Ravae 14:35

Haḡe mwa bano mahavana vwelvwele n̄an mwa hiv bahudui mwa dataro be, be si dum si hav van te sivi ron̄ḡagarasi.

Leo Tavuha gabe Luk nu Ravae 18:11

Varise mwa du hautu dagai gahena mwa dataro kungeki be, “Nam avkarigo God, huri be nam hav vora te bugurana, sa nam hav binihi te mamarai atatu, sa nam hav vuroga te mai vavine kun atat dodolua. Nam avkarigo huri be nam hav vora te kun atatun harahara homu kahaḡa.

Leo Tavuha gabe Luk nu Ravae 18:13

“Take harahara homu mwa du ban dagai hautu mwa dutui bwabwana mwa bevea be, ‘God gov hagaviau mai vuroku!’ ”

Lalaḡova 20:36

Mahavana be Pol mwa avo vuvuri, mwa sisiabwau bul maira ram dataro.

Lalaḡova 21:5

I kadogaha gav derainira i gam bano la halamai. Haḡe kera duluai mai tasalana i ira nituna ram hivo mai kamai vai avare nin bwatutun vanua ram botu lol one. I aia gam sisiabwau i gam dataro.

Lalaḡova 7:60

Kea mwa sisiabwau mwa haharigi gin silo gaivua mwa bevea be, “Ratahigi! Gosav vului te nora bwatigoro.” Kea mwa bev avoana geki i mwa mwaruruhi.

Lalaḡova 9:40

Haḡe Pita mwa hora dagainira vai avare nin vwavwan imwa, i kea mwa sisiabwau mwa dataro haḡe mwa ban burigai huri rebehina mwa bevea be, “Tabita, tomare!” Haḡe mwa bugeri matana, i mahavana be mwa gita Pita, kea mwa domare.

Hibru 5:7

Lol taro be Jisas nu rahu teti lol ureure, lol mahavan non tataro mwa hudaligi gin deiana gaivua i mataruana mwa duturu lalai God. Huria be God nu muramura be vi varahua atagun mateanana. Haḡe bwatuna be alen̄ana nu vavtutu i nu maḡemu bwatuna gea God mwa ron̄oe.