Leo Tavuha gabe Luk nu Ravae 20:21 - Hano Niu Testamen

²¹ Haḡe ira wani sansani ram bevea lalai Jisas be, “Vagahi, gam iloe be hano gom bevea i gom bagahi aluna nu mwasigi. Gam iloe be gom hav roron̄tai te ihei lol hava tanoi tehe, take gom bagahi gin mwasigi hurin doroniva non God huri atatu.

Leo Tavuha gabe Luk nu Ravae 20:21 ပူးပေါင်းရင်းမြစ်များ

Matiu 22:16

Haḡe ram hora nora roron̄tai rituai maira gabe ram huri Herod vai aben Jisas, ram bevea be, “Vagahi, gam iloe be giḡo atat mwasigi. Gom bagahi mwasigi sinombu hurin hala gabe God mwa doronia, i gom hav matagui te atatu gaituvwa, son̄o be atatu gaivua sa tirigi.

Leo Tavuha gabe Mak nu Ravae 12:14

Ram mai abena ram bevea be, “Vagahi, gam iloe be giḡo atat mwasigi, gom bagahi mwasigi sinombu huri hala gabe God mwa doronia i gom hav matagui te atatu gaituvwa. Son̄o be atatu gaivua sa naturigi. Gov vevea lalai kamai, gom binihi haninia? Nu vahala hurin nonda silo be tai vol takis lalai Ratahigi lavoa ata Rom sa sigai?”

Leo Tavuha gabe Luk nu Ravae 20:20

Haḡe kera ram hohovi huri mahavana gabe vi dum lalainira. Ram bol atatu be ramen san Jisas gin avoan hudaligi tentene be men vinihi mwasigi huri be rav lin̄ dumwia vai lol muramura i roron̄o non Tomuai vevev ata Rom.

Leo Tavuha gabe Luk nu Ravae 20:22

Matu gomen vevea be, nu vahala hurin nomai silo be gav vol takis lalai Ratahigi lavoa ata Rom sa sigai?”

Leo Tavuha gabe Jon nu Ravae 3:2

La mahavan bon̄i vwate mwa ban vai aben Jisas i mwa bevea lalainia be, “Vagahi gam iloe be giḡo vagahi gabe God nu horago mai. Ihei si hav lol te dum ginau dan̄an̄a gabe gom lolira be God mwa hav to te maia.”

2 Korin 2:17

Gam hav salei te avoana non God huri be gav lai homu aluna kun sinombu ivusi ram lolia huba. Take alun Kraes gam bev mwasigi lolmatan God, kun be kamai ira vwalaua huri non avoana.

Kelesia 1:10

Gim binibe nam lol ron̄oe be namen lol atatu ba ramen ron̄ hano be nam bevea? Sigai, God haḡe gaituvwa be nam lol ron̄oe be namen lol samsamwarainia. Nam lol ron̄oe be namen lol samsamwarai atatu? Be nam doron radu be namen lol samsamwarai atatu, nasav vora te atatun rovoga non Kraes.

Kelesia 2:6

Ira tomuai keragea be ran lol ron̄oe kun gabe kera raumatan atatu liu ihei ram hav leahi te Roroi Tavuha be nan toretore huria. (Nan hav laia te kun gabe kera ira “atat lavoa” sage sigai. Lalai God atatu n̄oto dadariha.)