Leo Tavuha gabe Luk nu Ravae 2:39 - Hano Niu Testamen

³⁹ Haḡe batena be Josep mai Mere raru lol nogonogoi ginau duluai hurin leo non Ratahigi, ramuru siv tabagilu mulei vai Kalili, la bwatutun vanua Nasaret gabe vanuara.

Leo Tavuha gabe Luk nu Ravae 2:39 ပူးပေါင်းရင်းမြစ်များ

Matiu 3:15

Haḡe Jisas mwa bwaliua be, “Gov lin̄ia vi vora kunia magea. Nu vavtutu be tav lolia kunia, huri be tav lol dum doroniva non God duluai.” Haḡe Jon mwa siv mahin̄a be vi garuhisabugainia.

Leo Tavuha gabe Luk nu Ravae 1:26

Batena be vulan Elisabet mwa ḡaiono, God mwa hora enjel Kebrol vai la vanua bwatutuga Nasaret lol vanua Kalili.

Leo Tavuha gabe Luk nu Ravae 1:6

Ira tarua gekado raru to vavtutu la lolmatan God, ramuru ḡoḡoi ḡoro didinigi leo horai i silo vagahi duluai non ratahigi.

Leo Tavuha gabe Luk nu Ravae 2:4

Josep mwa mwalue nin bwatutun vanua Nasaret lol vanua Kalili huri bwatutun vanua Betlehem lol vanua Judia, ute gabe Deved Ratahigi Lavoa nu vora aia. Josep mwa ban aia bwatuna kea sibona ata la varan Deved.

Leo Tavuha gabe Luk nu Ravae 2:51

I kea mwa dabagil mulei maira vai Nasaret i aia kea mwa dabe tamana i ratahina lol ginau duluai. I Mere mwa ḡoḡoi ḡoro ginau duluai kera geki lol sibwen̄ina.

Leo Tavuha gabe Luk nu Ravae 4:16

Haḡe Jisas mwa ban vai Nasaret, vanua gabe nu gaivuaga aia, haḡe lol gubwen̄ mambuharai kea mwa ban kun tagaro vai lol imwa tataro. Mwa du amare be men vasogo Ravrava Sabuga,

Leo Tavuha gabe Luk nu Ravae 4:23

Haḡe mwa bevea lalainira be, “Nam binihi mwasigi be gi vev dum avoana uhu lalaiau be, ‘Dokta, varahu muleinigo.’ I mulei giv vevea lalaiau be, nav lol ginau teti la mwasin bwatutun vanuaḡu, ginau duluai be gin ron̄ora ran loli Kapanium.