Leo Tavuha gabe Luk nu Ravae 18:7 - Hano Niu Testamen

⁷ Kun hanigi God sihav tabe te non sinombu gabe ram dan̄ihi buluiana ninia bon̄i i rani? Matu kea vi ron̄mwan̄ava huri be men buluira?

Leo Tavuha gabe Luk nu Ravae 18:7 ပူးပေါင်းရင်းမြစ်များ

Matiu 24:22

Take God nu lol vwelvwelei mahavana huba gea. Be si hav lolia te kunia, atatu si hav rahu tehe. Ta bwatuna irahei gabe God nu gita luara, kea vi lol vwelvwelei mahavana gea.

Matiu 24:24

Bwatuna Kraes tentene i atatun vevsera tentene rai visirai i rav lol dovon̄a i taro ririhai be ramen salainira gabe God nu gita luara, be si dum.

Matiu 7:11

Kimiu atat hahantai, take gim ilo halana be gim lai ginau tavtavuha lalai ira nitumiu. Haḡe kunia mulei, Tamamiu lol ute atamare vi lai ginau tavtavuha liu lalai irahei gabe ram hudalinia huria.

Leo Tavuha gabe Luk nu Ravae 11:13

Kimiu atat hantai take gim ilo halana be gim lai ginau tavuha lalai ira nitumiu. Vaviha mulei be Tamamiu amare vi lai Vui Sabuga liu lalai ira hei gabe ram hudalinia huria!”

Leo Tavuha gabe Luk nu Ravae 2:37

i nu lagi huri taul gaibitu, i kadogaha tauluna n̄avul gaivwelu domwan gaivasi. Kea mwa hav lin̄ te Imwa Tataro take mwa lalaḡo lalai God, bon̄i i rani gin garagara vwavwa i tataro.

Leo Tavuha gabe Luk nu Ravae 21:28

Haḡe mahavana be ginau kera uhu ram dau bwatuna be ramen loli, giv tu amare ba dada bwatuna nomiu varahuva mwa sosori.”

Ravrava non Pol lalai ata Rom 8:33

Ihei haḡea vi vev dum avoan hantai lalai atatu be God nu gita luara? Atatu vwate sigai, huribe God haḡea sibona nu lolira ram bavtutu.

Kolosi 3:12

God nu gita luago i mwa loligo i non atat sabuga. Mwa dabego. I kunia gov sagago lol ginau haḡe kerageki: Gov hagav atat dolua, gov tabetabe, lin̄ mulei, sine hagavi, i ron̄ mwan̄ava.

1 Tesalonaeka 3:10

Bon̄i i rani gam dataro ḡaoḡao mai lolomai duluai be gam ḡita mulei kimiu i gam lai ginau duluai lalai kimiu be gim doronia huri be vi lol nomiu binihimwasigi garagusi.

2 Tesalonaeka 1:6

God vi lol hano be nu vavtutu. Vi lai silo vevegi lalainira be ram bevegigo.

1 Timoti 5:5

Mwasin bwero, be mwa do gahena, mwa dau non doronhohov alun God i mwa dataro ḡaoḡao lalai God bon̄i i lol ute rani mwa hudali buluiana non God.

2 Timoti 1:3

Nam avkari God be nam dataro nam sibweri ihamwa, rani i bon̄i, nam lol rovoga huria, nam lol havanau be nam iloe be nu vavtutu kunia be ira sibiku ran lolia.

2 Timoti 2:10

Kunia inau nam dame gin maḡemu lol taro ririhai kera geki huria be kera be God nu gita luara rav lai dum varahuva gea be mwa du mai Kraes Jisas i mwa lai sarisari be sihav nogo tehe.

Taetas 1:1

Nin Pol, atatun rovoga non God i hala non Jisas Kraes nu horau be nav huhui ira sinombu gin binihimwasigi garagusi be God mwa ḡita luara i be nai buluira be rav ilo mwasigi kea be mwa seserainia lalai sinombu kunhanigi rav lol rovoga lalai God.

1 Pita 1:1

Nin Pita, hala non Jisas Kraes. Lalai ira atat gita lua non God gabe ram dogo dagai nin tanora i be ram dogo dedeorai dalis bwatun Vanua Pontas, Kelesia, Kapadosia, Asia, i Bitinia.

2 Pita 3:9

Ratahigi Kea mwa hav ravrava tehe huri havanau be mwa datauleo huria la hala be sinombu ravrava ram ilo tavuhai halana be rav take God mwa dogo maḡemu mai kimiu. Kea mwa hav doron te atatu Vwate be vi sala, take mwa doron Sinombu duluai be rav leahi lolora i rahura.

Visirai 18:20

“Ute ata amare vi samsamwara mai sinombu non God mai ira hala i ira atatun vevsera! God mwa bevegia huri hano be nu lolia lalainigo!”

Visirai 6:10

Ram haharigi gin silo gaivua ram bevea be, “Ratahigi God mwasin roron̄o, sabuga i mwasigi! Gosav mom hohovi tehe, goi vevegi sinombu ata lol ureure, ba lai silo vevegi lalainira, huri be ran wehi bamat kamai.”

Visirai 7:15

Kea haḡea bwatuna be ram du la lolmatan tanon togotogon ratahigi God, i ram ḡogonainia boni i rani lol non Imwa Tataro. Kea gabe mwa dogo la tanon togotogon ratahigi vi varahura ginia sibona.