Leo Tavuha gabe Luk nu Ravae 18:14 - Hano Niu Testamen

¹⁴ Haḡe Jisas mwa bevea be, “Nam bev lalai kimiu be, atatun harahara homu, ta mwa hav vora te Varise kea nu vavtutu la lolmatan God batena gabe nu tabagil mulei vai la vanuana. Bwatuna be ihei tehe mwa binihi lavoania sibona vi togo maḡemu, ta be ihei mwa dogo maḡemu vi mai i lavoa.”

Leo Tavuha gabe Luk nu Ravae 18:14 ပူးပေါင်းရင်းမြစ်များ

Matiu 23:12

Ihei gabe mwa lol gaivuainia sibona vi lol bahivoinia, i ihei gabe mwa lol bahivoinia sibona vi lol gaivuainia.

Matiu 5:3

Mwa bevea be, “Irahei be ram lin̄ rosora hurin nora doroniva, kera haḡea rav ron̄ mwandavuha, huri be kera haḡea Ute Lavoa atamare vi vora nora!

Leo Tavuha gabe Luk nu Ravae 1:52

Kea mwa rav hurira ratahigi lavoa nin tanora, mwa hagai luara binihi maḡemu.

Leo Tavuha gabe Luk nu Ravae 10:29

Take Vagahin Silo mwa doron be vi lol bavtutui binihina duluai, mwa hudali Jisas be, “Ta ihei be ata la vanuaḡu?”

Leo Tavuha gabe Luk nu Ravae 14:11

Bwatuna be ihei tehe be mwa binihi sagea sibona vi togo hivhivo, i ihei tehe gabe mwa binihi bahivoinia sibona vi togo haehae.”

Leo Tavuha gabe Luk nu Ravae 16:15

Jisas mwa bevea lalainira be, “Kimiu haḡea atatu gabe gim lol kimiu sibomiu kun be atat vatutu la lolmatan atatu duluai, take God mwa ilo nomiu binihiva duluai lol lolomiu. Huri havanau tehe be ran marahi lol binihiva non atatu kea ginau vuroi n̄an la lolmatan God.”

Ravrava non Pol lalai ata Rom 3:20

bwatuna be atatu vwat sigai be vi lol vavtutu mai God be vi huri ira silo. Silo ram bagahi gida be tav ilo vuroda.

Ravrava non Pol lalai ata Rom 4:5

Ta atatu si hav lol te dum rovoga vwate be vi lolira rai vavtutu la lolmatan God. Mwa du maragai be rai binihimwasigi garagusi aluna, be mwa lol atat vuroga ram bavtutu la lolmatana. I God mwa ḡita nora binihimwasigi, i nora binihimwasigi garagusi haḡea mwa lolira ram bavtutu la lolmatan God.

Ravrava non Pol lalai ata Rom 5:1

Batena be tan vavtutu lolmatan God sivi nonda binihimwasigi, gida tan lol tamwata mai God i geki nu loli sivi nonda Ratahigi Jisas Kraes.

Ravrava non Pol lalai ata Rom 8:33

Ihei haḡea vi vev dum avoan hantai lalai atatu be God nu gita luara? Atatu vwate sigai, huribe God haḡea sibona nu lolira ram bavtutu.

Kelesia 2:16

Radu, tam iloe be atatu mwa lolian bavtutu mai God vorate huria be mwa huri silo, take be mwa dau binihimwasigi garagusi alun Jisas Kraes. I gida mulei, tan tau nonda binihimwasigi alun Kraes Jisas, huribe tav vavtutu mai God bwatuna be tam binihimwasigi garagusi alun Kraes. Nu hav vora te bwatuna be tam huri silo, bwatuna be atatu vwate si hav vavtutu tehe lolmatan God gabe mwa huri silo.

Jemes 4:10

Giv togo lolomohigi lolmatan Ratahigi, i kea vi sagego.

Jemes 4:6

Take hogoi be God mwa daua aloloda gaivua maragai, kun ravrava sabuga mwa bevea be, “God mwa avo vai alun ravwegana, take mwa lai hogoi lalai ira maḡemu.”