Leo Tavuha gabe Luk nu Ravae 18:12 - Hano Niu Testamen

¹² Nam ḡaragara vwavwa gubwen̄ gairua vataha wik, i nam lai han̄vulun bilaku lol rahuku lalainigo gabe mwa mai lalaiau.”

Leo Tavuha gabe Luk nu Ravae 18:12 ပူးပေါင်းရင်းမြစ်များ

Matiu 5:20

Nam bevea lalai kimiu be, giv haroro dum n̄an Ute Lavoa atamare be giv vora atat binihi mwasigi garagusi liu nin ira vagahin Silo maira Varise.

Matiu 6:1

“Nomiu lalaḡova duluai be gim lolia lalai God, ta giv lalaḡoinia la mwasin halana. Gisav lolira te lolmatan sinombu be atatu men gita kimiu. Be giv didi lolia kunia, Tamamiu lol ute atamare si hav tavwe te kimiu huria.

Matiu 6:16

“La mahavana be giv garagara vwavwa, lolmatamiu si hav vin̄arin̄ari tehe, kun ira hoḡoiḡoro ram lolia. Kera geki ram lago mai lolmat vin̄arin̄ari, kun gabe maro mwa ḡasira, huri be vataha atatu vi gitara be ram ḡaragara vwavwa. Mwasigi, nam bevea lalai kimiu be kera geki gabe ram lolia kunia be ran lai tavwera huba.

Matiu 6:5

“Mahavana be gim dataro, gisav lolia te kun ira hoḡoiḡoro. Kera ram doron be rav tu amare ba dataro lol imwa tataro i mulei la hal bulbulu huri be atatu ramen gitara. Nam bev mwasigi lalai kimiu be kera gea gabe ram lolia kunia, ram lai tavwera huba.

Matiu 9:14

Haḡe roron̄tai non Jon Garuhisabuga ram mai aben Jisas, ram hudalinia be, “Huri hano kamai maira Varise gam ḡaragara vwavwa vaivusi, take nom roron̄tai ram hav garagara vwavwa tehe?”

Leo Tavuha gabe Luk nu Ravae 11:42

“Hahagavi lalai kimiu, ira Varise! La mahavana be gim hogoi lalai God gin han̄vulun bilamiu ginau, gim hav binihi te malioi han̄vulun ginau ririgi kun ruḡuruḡu i sigugu take gim binihi malioi silo vavtutu i lolotabetabe lalai God. Amua giv lol ginau mutai kera geki; ta gisav tau te dagara ginau ririgi kera uhu.”

Leo Tavuha gabe Luk nu Ravae 17:10

Nuḡunia n̄an lalai kimiu; batena be gim lol haraharai ginau duluai gabe ran vevea lalai kimiu be giv lolia, giv vevea be, ‘Gida atatun rovoga vuroi duluai; tan lol haraharai hano gabe mwa du be tav lolia.’ ”

Ravrava non Pol lalai ata Rom 3:27

I ke ginau te vwate huria be tav av ravravwega huri gida siboda? Sigai! Huri hano haḡe sigai? Kea haḡea hala huri binihimwasigi garagusi be vi tuḡoro atatu nin avoan ravravwega, mwa hav vora te hala huribe ram dabe silo.

1 Korin 1:29

God mwa lolia kungeki huria be atatu vwate sihav sagea te sibona la lolmatana.

Kelesia 1:14

Nam mai gi tomuai lol binihimwasigi lol varan ira Jius, nam lol tavuha liu varan ira Jius ivusi be taulumai dadariha. Nam lol ron̄oe liu ihei tehe be namen huri silo vagahi be nu laiana mwa himai nin ira sibida.

Ifisas 2:9

Kea mwa hav vora te vwain nomiu lalaḡova sibomiu, i kea gisav vwavwa te lalavoa huria.

1 Timoti 4:8

Huhui rebehimwa be vi buluigo alun hala rituai take gov lalaḡo lalai God vi buluigo la hala duluai. Bwatuna be vi lai vatavuha lalainigo lol rahuana geki i vai lol rahuana vai tuai.