Leo Tavuha gabe Luk nu Ravae 17:4 - Hano Niu Testamen

⁴ Be kea si vuroga lalainigo vabitu lol gubwen̄ gaituvwa i mahavana be mwa lolia lalainigo kunia mwa mai duluai vai abemwa mwa bevea be, ‘Nam binihi leahi,’ gov binihi kaburainia.”

Leo Tavuha gabe Luk nu Ravae 17:4 ပူးပေါင်းရင်းမြစ်များ

Matiu 18:16

Ta be mwa hav ron̄ogo tehe, gov lai atatu gaituvwa sa gairua maigo, be rav tura nom avoana. Geki kun Ravrava Sabuga mwa bevea be ‘Avoan ivwalui duluai rav tu gin avoana non nom atat gaitura gairua sage gaitolu.’

Matiu 18:35

Haḡe Jisas mwa bevea be, “Kunia Tamaḡu lol ute atamare vi lolia mulei lalai kimiu be gisav vinihi te kaburai vuron ira tuamiu lol lolomiu.”

Matiu 5:44

Ita inau nam bevea lalai kimiu be giv tabe nomiu ivwalu, i giv tataro hurira gabe ram lol ḡagaras kimiu.

Matiu 6:12

Goi binihi kaburai vuromai, kun kamai gam binihi kaburai vurora hei be ram lolia lalai kamai.

Leo Tavuha gabe Luk nu Ravae 17:5

Haḡe ira hala ram hudali Ratahigi ram bevea be, “Gov lol gavuai nomai binihimasigi garagusi.”

Ravrava non Pol lalai ata Rom 12:20

Ta hiḡo gov lolia kungeki: “Be nom ivwalu maro mwaḡasia, gov van̄ania; be mwa mandou, lai wai lalainia. Gov lolia kunia vi vora kun abe gom salil beben ginau oda la bwatuna.”