Leo Tavuha gabe Luk nu Ravae 17:21 - Hano Niu Testamen

²¹ Ihei tehe sihav vev te dumwia be, ‘Gitae geki!’ sa ‘Kahaḡa haḡea!’; bwatuna Rahuan Gara gabe God mwa Ratahigi alolona mwa dogo lol davolamiu.”

Leo Tavuha gabe Luk nu Ravae 17:21 ပူးပေါင်းရင်းမြစ်များ

Matiu 12:28

Be inau nam hora lua vui hantai gin muramura non Vui Sabuga non God, mwa seserainia be God mwa rihumaragai nin ira non ivwalu be vi vora Ratahigi lavoa ḡorora atatu duluai.

Leo Tavuha gabe Mak nu Ravae 13:21

“Be ihei tehe si vevea lalai kimiu be, ‘Gitae, Kraes teti! Sage Kraes kahaḡa!’ Gisav vinihi te mwasigi non avoana.

Leo Tavuha gabe Luk nu Ravae 17:23

Atatu rituai rai vev dumwia lalai kimiu be, ‘Giv garere vai kahaḡa!’ sa ‘Giv garere vai teti!’ Take gisav huri te avoana kera gea.

Leo Tavuha gabe Luk nu Ravae 21:8

Haḡe Jisas mwa bwaliura mwa bevea be, “Giv gitaḡoro; nin ruruhiana. Bwatuna atatu ivusi rav mai lol ihaku rav vevea be, ‘Inau haḡea! Mahavana mwa mai haḡea!’ Take gisav hurira tehe.

Leo Tavuha gabe Jon nu Ravae 1:26

Jon mwa bwaliura be, “Nam garuhisabuga gin wai, take atatu vwate mwa du bul mai kimiu gim hav iloe tehe.

Leo Tavuha gabe Jon nu Ravae 18:36

Haḡe Jisas mwa bevea be, “Noḡu ute Ratahigi mwa hav vora te ata lol ureure geki; be noḡu ute ratahigi sivora ata lol ureure geki, kera gabe ram huriau ras bwalo ḡoroau huribe sihav lin̄iau te lalai muramura non ira lavoa nora Jius. Noḡu ute Ratahigi mwa hav vora te ata lol ureure geki!”

Ravrava non Pol lalai ata Rom 14:17

Lol ute ratahigi non God, ginaganiana i wai mwinu varate ginau gaivua. Ginau n̄ano be nu marahi, kea be gom lol vavtutu lalai God, tamwata, i samwarana lol Vui Sabuga.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.