Leo Tavuha gabe Luk nu Ravae 16:13 - Hano Niu Testamen

¹³ “Atatun rovoga sihav vora te turin rovoga dum lalai ratahigi gairua; kea vi varihai vwate i vi tabe vwate; kea vi binihi marahi vwate i vi varihai vwate. Gisav lalaḡo te dum lalai God mai homu vatuvwa.”

Leo Tavuha gabe Luk nu Ravae 16:13 ပူးပေါင်းရင်းမြစ်များ

Matiu 4:10

Take Jisas mwa bwaliua be, “Vis dagai niniau, Setan. Huri lol Ravrava Sabuga mwa bevea be, ‘Gov gogonai God gabe nom Ratahigi, i gov lalaḡo lalainia gaituvwa n̄ano.’ ”

Matiu 6:24

“Atatu si hav vora te turin rovoga dum lalai ratahigi gairua. Bereva gim hun̄ai vwate i gim dabe vwate. Sage vi gogonai vwate i vi gita hantai vwate. Gisav haḡo te bul rovoga non God mai rovogan mwane.

Leo Tavuha gabe Luk nu Ravae 11:23

“Ihei tehe mwa hav vora te ataluku mwa ivwaluiau; ihei tehe mwa hav bul te haragaituvwa maiau, mwa lus bisalsalainia niniau.”

Leo Tavuha gabe Luk nu Ravae 14:26

“Be ihei tehe mwa mai huriau sihav vora te noḡu roron̄tai dum vaivotu vi tabeau liu nin tamana mai ratahina, tasalana mai ira nituna, ira tuana mai hogosina i vaivotu kea mulei sibona.

Leo Tavuha gabe Luk nu Ravae 16:12

Be gim hav lalaḡoi te tavuhai ginau non atat dolua, ihei vi lai ginau lalai kimiu gabe nomiu sibomiu be giv gitaḡorora?”

Leo Tavuha gabe Luk nu Ravae 16:9

Haḡe Jisas mwa bev muleinia be, “Kunia nam bevea lalai kimiu be: giv mwemwearu gingin kimiu mai roso ata lol ureure, huri be batena be vi vinogonogo take rav lai ḡoḡo dum kimiu vai lol rahuana gabe vi togo vai tuai.

Leo Tavuha gabe Luk nu Ravae 9:50

Jisas mwa bevea lalainira non roron̄tai be, “Gisav lol te ḡoroe, bwatuna be ihei tehe be mwa hav varihai te kimiu kea bul mai kimiu.”

Jemes 4:4

Take gom hav mwasigi tehe lalai God! Gom iloe be doronivanan ginau ata lol ureure nuḡun atatu be mwa barihai God? Atatu be mwa doron be men mai gi tuan ureure kea mwa bora ivwalu non God.