Leo Tavuha gabe Luk nu Ravae 14:32 - Hano Niu Testamen

³² Be mwa habwea be non muramura nu hav dadariha tehe be vi bwalo mai ratahigi dolua, kea vi hora non horata vai aben ratahigi gea, batena mwa mai hautu radu, vi hudalinia huri tamwata.”

Leo Tavuha gabe Luk nu Ravae 14:32 ပူးပေါင်းရင်းမြစ်များ

Matiu 5:25

“Nu tavuha be gov lol tamwata vilvilehi mai ihei be gumuru hav to te tavuha bulu, la mahavana be gumuru hav haroro te radu lol imwan harahara. Bereva gim laigo vai aben wani vevegi, i kea vi laigo vai aben ira polis, i ira polis rav taugo lol imwa vauvauhi.

Matiu 5:42

Be atatu mwa hudalinigo gin ginau vwate, gov laia lalainia. Be atatu mwa doron hano huba ninigo, gov mahin̄ainia lalainia.

Leo Tavuha gabe Luk nu Ravae 12:58

Be atatu vwate si gitae be gom lol hantai lalainia i mwa doron be vi laigo vai lol imwan harahara nu tavuha be gov lol tamwata maia amua gom siv haroro lol imwan harahara. Be sigai kea vi laigo vai aben wani vevegi i wani vevegi vi laigo vai aben polis i ira polis rav taugo lol imwa vauvauhi.

Leo Tavuha gabe Luk nu Ravae 14:31

“Be ratahigi lavoa vwate mwa mwalue mai non atatun bwaloana vasan̄vul vahan̄vulu be men bwalo mai ratahigi lavoa dolua gabe mwa mai huria mai non atatun bwaloana vasan̄vul van̄avul gairua, wani gea vi tomahuri amua vi binbinihi huria, vi gitae be kea non muramura nu dadariha be vi bwalo dum mai ratahigi lavoa dolua gea sa sigai.

Leo Tavuha gabe Luk nu Ravae 14:33

Haḡe Jisas mwa bev nogonogoinia be, “La hala n̄an kea mulei, tuamiu vwate nin kimiu sihav vora te noḡu roron̄tai dum vaivotu be vi binihi dul rosona duluai.”

Leo Tavuha gabe Luk nu Ravae 19:14

Take sinombu ata la vanua gea ram barihainia, i ram hora ira horata ataguna be rav vevea be, “Gam, hav doron te atatu uhu be vi vora nomai Ratahigi Lavoa.”

Lalaḡova 12:20

Herod mwa lolhoroi maragai sinombu ata Taea mai Saidon, i kunia ram bano lol tatan̄ana be rav gitae. Muana ram rav atatu ihana Blastas, kea gabe mwa do mwa ḡitaḡoro rovoga alolon imwan Herod be vi vano bul maira. Haḡe ram mai aben Herod ram hudalinia be vi lol tamwata lalainira, bwatuna be atatu ata la vanuara ram bol gara ginau n̄an nin vanuan ratahigi lavoa.