Leo Tavuha gabe Luk nu Ravae 13:25 - Hano Niu Testamen

²⁵ Haḡe vuigin imwa vi tomare ba ḡoro gatava; haḡe batena be giv tu avare ba sirisirin̄i la gatava i giv vevea be, ‘Ratahigi, havan̄ gatava lalai kamai!’ kea vi vwaliu kimiu vi vevea be, ‘Nam len̄ai kimiu be gim mai nin halabehe!’

Leo Tavuha gabe Luk nu Ravae 13:25 ပူးပေါင်းရင်းမြစ်များ

Matiu 25:41

“Vuvuri nai vevea lalainira la mwairiku be, ‘Giv vis dagai niniau! Silo vevegi non God mwa dogo alumiu huba. Giv vano vai lol gabin ron̄ḡagarasi gabe si hav mate te dum, gabi gea gabe nu lol dautauana huri Setan mai non enjel duluai.

Leo Tavuha gabe Luk nu Ravae 13:27

Ta kea vi mom bevea mulei be, ‘Nam len̄ai kimiu be giru mai nin halabehe. Giv vis dagai niniau, kimiu ira hantain lalaḡo!’

Leo Tavuha gabe Luk nu Ravae 3:8

Be kimiu gim binihi leahi mwasigi giv dovon̄ainia alun nomiu lalaḡova. Take gisav tau te bwatuna be gimen vevea lalai kimiu sibomiu be, ‘Gida ira nitun Ebraham.’ Nam bev mwasigi lalai kimiu be God vi lol dum vatu kera geki ram du rai vogi gi ira nitun Ebraham!

Leo Tavuha gabe Luk nu Ravae 6:46

“Huri hano gim uloiau be, ‘Ratahigi, Ratahigi,’ take gim hav lol te hano gabe nam bevea?

2 Korin 6:2

Giv roron̄tai God: “Lol taro be taro vi mai be nav lol tavuha lalai kimiu, Nan ron̄ nomiu tataro; Gubwen̄i vi mai be nav varahu kimiu, nan bului kimiu.” Giv roron̄tai! Geki taro be God vi lol tavuha mai kimiu; garigi gubwen̄i be God vi varahu kimiu.

Hibru 12:17

Tam ilo vevuriana be ataguna gea mwa doron be men lai mulei non tanon tuagai, i kea mwa ḡari maragainia be vi leahi hala gea be nu salainia huba, i kea mwa dan̄ihi maragainia, take sigai. I non hala gea nu lolia huba mwa du ḡoroe sibona.