Leo Tavuha gabe Luk nu Ravae 12:21 - Hano Niu Testamen

²¹ Haḡe Jisas mwa bev nogonogoinia be, “Geki haḡea vi ḡunia lalai irahei gabe ram dau ḡoḡo rosora hurira sibora take ram hav rosoga tehe la lolmatan God.”

Leo Tavuha gabe Luk nu Ravae 12:21 ပူးပေါင်းရင်းမြစ်များ

Leo Tavuha gabe Luk nu Ravae 12:33

Giv salei nomiu ginau duluai i giv lai mwane lalai ira hiru. Giv lol vatuvwai huri nomiu tan̄an mwane gabe sihav boboga te dum i giv varahu rosomiu duluai amare aben God. Aia ginau duluai rasav hantai tehe, bwatuna atat surasura sigai be men surai dumwira, kakurus mulei sihav gan te kaburai dumwira.

Leo Tavuha gabe Luk nu Ravae 16:11

Be gim hav lalaḡoi te tavuhai roso ata lol ureure, rav binihimwasigi hanini kimiu mai mwasin roso?

Leo Tavuha gabe Luk nu Ravae 6:24

“Take hahagavi lalai kimiu gabe rosomiu gaivua uhu gaha; huri be gin lai nomiu rahuan tavuha huba!”

Ravrava non Pol lalai ata Rom 2:5

Ta kimiu gim bwatwasiga ta gim hav doron te didi leahi, i gim lol mulei vevegi wasi alumiu la gubwen̄i be kea vi lol lua non lolhoro. La gubwen̄i gea atatu n̄oto rav gita mwasin vevegi non God.

2 Korin 6:10

Gam habwe ron̄ mwahantai be gaivua, take tagaro gam samsamwara. Gam hiruga, take gam lol sinombu ivusi ram rosoga lol binihimwasigi. Nomai na ginau mwa sigai, take mwasigi be ginau duluai nomai abena.

1 Timoti 6:9

Kera be ram doron be rai mai gi atat rosoga ran lai ḡoḡo kalkaliana vai alura sibora i ram saḡa alun visi. Ram doron doroniv taltale ivusi be rav lol hantai ginau be ram lol bwarebwarea, i ram lol kaburai sinombu.

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

Visirai 2:9

Nam ilo nomiu vahalana huba la vanua Smana. Nam iloe be kimiu gim hiruga, take mwasigi be kimiu ira ratahigin roso. I nam ilo nora avoan hahantai gea be ram avo vai alumiu. Ram bevera be kera ira Jius, take ram la ram dentene. Nora imwa tataro imwan Setan tavuhai haḡea.