Leo Tavuha gabe Luk nu Ravae 11:39 - Hano Niu Testamen

³⁹ Haḡe Ratahigi mwa bevea lalainia be, “Kimiu ira Varise gim bwaga melmeloi tagun laha mai peleti, take alolomiu kimiu gim masiri gin bugurana mai binihiv hahantai.

Leo Tavuha gabe Luk nu Ravae 11:39 ပူးပေါင်းရင်းမြစ်များ

Matiu 15:19

Bwatuna be nin lolon atatu binihiv hahantai kera geki ram mwalue, wehi bonogai, vuro mai atat lagi, vuro mai atatu dagai nin lagiana, surasura, tenteneana, i tul bonogai.

Matiu 7:15

“Giv gitaḡoro ira atatun vevsera tentene. Ram mai abemiu kun boe mamavu. Take alolora kera kun vwiriu turu.

Leo Tavuha gabe Luk nu Ravae 16:15

Jisas mwa bevea lalainira be, “Kimiu haḡea atatu gabe gim lol kimiu sibomiu kun be atat vatutu la lolmatan atatu duluai, take God mwa ilo nomiu binihiva duluai lol lolomiu. Huri havanau tehe be ran marahi lol binihiva non atatu kea ginau vuroi n̄an la lolmatan God.”

Leo Tavuha gabe Luk nu Ravae 7:13

Batena be Ratahigi mwa ḡita bwero gea mwa hagav maragainia haḡe mwa bevea lalainia be, “Gosav dei tehe.”

Leo Tavuha gabe Luk nu Ravae 7:19

i mwa horara vai aben Ratahigi be raru men hudalinia be, “Giḡo haḡea wani gabe Jon nu vevea be vi mai, sage gav hohov radui atat dolua?”

Leo Tavuha gabe Jon nu Ravae 12:6

Judas mwa hav avo te kungeki bwatuna be mwa binihia huri ira hiru, take bwatuna be kea susurana. Mwa haḡo tan̄an homu i vi sura dum ninia.

Leo Tavuha gabe Jon nu Ravae 13:2

Ute mwa ravravi Jisas mwa ḡan ginau maira non roron̄tai. Haḡe vui hantai nu tau binihiva huba alolon Judas nitun Saemon Iskariot, huribe vi sine Jisas.

Lalaḡova 5:3

Haḡe Pita mwa bevea lalainia be, “Ananias, huri hano be gom lin̄ Setan be men tomuainigo i mwa loligo gom saruruhi Vui Sabuga, ginia be gom haḡo udun homu gabe gon laia nin udun bilamwa?

Kelesia 1:14

Nam mai gi tomuai lol binihimwasigi lol varan ira Jius, nam lol tavuha liu varan ira Jius ivusi be taulumai dadariha. Nam lol ron̄oe liu ihei tehe be namen huri silo vagahi be nu laiana mwa himai nin ira sibida.

2 Timoti 3:5

Rav lolia kun be ram lol rovoga huri God take rasav haḡo te dum non muramura. Gov to hautu nin atatu kera gea.

Taetas 1:15

Ginau duluai ran melmelo lalainira be ran melmelo; take lalainira be ran masiri gin binihiv hahantai i ram hav binihi te mwasigi, lalainira ginau vwate nu hav melmelo tehe. Binihira mai alen̄ara ran hantai.

Jemes 4:8

Mai sosori vai aben God, i God vi mai sosorigo. Giv bwaga limamiu ira atat vuroga! Giv lol melmeloi irubwimiu, kimiu ira hoḡoiḡoro!