Lalaḡova 8:3 - Hano Niu Testamen

³ Take Sol mwa lol ron̄oe be vi salan̄ai uloilua, i mwa bano vataha imwa, mwa lol ira binihimwasigi vavine mai atamwani be rav togo vauhi, i mwa daura lol imwa vauvauhi.

Lalaḡova 8:3 ပူးပေါင်းရင်းမြစ်များ

Lalaḡova 16:19

Haḡe non ratahigi ram ḡitae be Pol mwa duḡoro halan nora homu, ram haḡo batugehi Pol mai Sailas ram daura lol imwa ḡoḡoana huri vevegi lol ute mahavaga gaivua lol bwatutun vanua bulbulu aia.

Lalaḡova 22:19

I nam bwaliua be, ‘Ratahigi,’ ‘Ram ilo didininia be nan vano lol imwa tataro nam haḡo batugehira i nam wehira gabe ram binihimwasiginigo.

Lalaḡova 7:58

ram bohainia vai avare nin bwatutun vanua, i ram bohae gin vatu. Kera gabe ram du gi gaitura ram derai gaisagara la liman mwalaḡelo ihana Sol.

Lalaḡova 8:2

Haḡe ira binihimwasigi rituai ninira Jius ram dan̄ihi Stivin maragai i ram davinia.

Lalaḡova 9:21

Kera duluai gabe ram ron̄oe ram dan̄an̄a maragai, i ram hudaligi ram bevea be, “Matu mwa hav vora te kea gabe nu togo lol vanua Jerusalem i mwa wehira gabe ram ḡogonai wani gea Jisas. I mwa hav vora te kea mulei be nu mai vai teti la hala be men lai sinombu ba ban mulei maira vai aben ira muai tataroi?”

1 Korin 15:9

I inau haḡea nogonana lol ira hala duluai. Nan hav dadariha tehe be rav uloilua gi hala, huribe nam lol bwarebware uloilua non God.

Kelesia 1:13

Gin ron̄oe huri rahuku tuai lol binihimwasigi lol vara ira Jius. Nan tuḡorogoro sine hagavi imwa tataro non God i nan lol ron̄oe be namen lol kaburainia.

Filipae 3:6

Nan masiri gin doroniva be nav lol ron̄oe be nav lol ḡagaras uloilua. Tuara vwate nu hav habwe te dum vahalana mai hala be nan ron̄ tabetabe alun silo non Moses.

1 Timoti 1:13

Lol taro nu ḡao huba inau nan avo vai alun Kraes i nan wehi bonogainia i nan lol lalan̄an ginau be nav lol ḡagarasia. Take God nu seserai lalaiau sine hagavi bwatuna be nan hav ilo te havanau be nan lolia. Nan hav binihi te mwasigi.

Jemes 2:6

Take gom hav vinihi te marahi ira hiru. Atatu rosoga ram domuai rahumiu tagaro. Kera haḡea ram domuai kimiu vai lol imwan harahara. Kera haḡea ram domuai kimiu vai lol imwan harahara.