Lalaḡova 8:1 - Hano Niu Testamen

¹ Sol mwa ron̄oe kun be nu tavuha n̄ano be ram wehi Stivin la hala kunia. I mwa dau bwatuna baten gea ram lol ḡagaras atatun uloilua Jerusalem. Ira binihimwasigi duluai ram romaragai vataha ute lol vanua Judia i Samaria duluai, vaivotu be ira hala n̄an sigai.

Lalaḡova 8:1 ပူးပေါင်းရင်းမြစ်များ

Matiu 22:6

Rituai ram haḡo batugehi ira atatun rovoga gea, ram bivilisira i ram wehira.

Matiu 23:34

Huri ginau gea nam bevea lalai kimiu be nav hora ira atatun vevsera maira mataisao maira vagahi lalai kimiu, i giv wehi rituai, giv voha rituai vai alun volovolo, i giv vivilis rituai lol nomiu imwa tataro, i giv mwaloi rituai nin vanua vai la vanua dolua.

Matiu 5:13

“Kimiu kun gabe solo huri atatu duluai. Be solo si leahi garagarana, ginau sigai be si lol dum muleinia be men garagara. Solo gea si hantai i si vohaian kaburai, i atatu ras lago aluna.”

Leo Tavuha gabe Jon nu Ravae 15:20

Giv vinihi dum havanau gabe nan vevea lalai kimiu be: ‘Turin rovoga mwa hav tomua tehe nin non ratahigi.’ Be rav lol ḡagarasiau, rav lol ḡagaras kimiu mulei; be rav tabe noḡu silo vagahi, rav tabe nomiu mulei.

Leo Tavuha gabe Jon nu Ravae 16:2

Rav tau dagai kimiu nin imwa tataro, i tarona vi mai mahavana be ihei tehe mwa wehi kimiu vi vinihia be mwa lol rovoga non God la hala geki.

Lalaḡova 1:8

Take giv masiri gin muramura mahavana be Vui Sabuga vi himai alumiu, i kimiu giv vora gaituraku lol vanua Jerusalem, i lol vanua Judia duluai mai Samaria vava vi votui nogonan ureure.”

Lalaḡova 13:1

Haḡe ira atatun vevsera mai ira vagahi rituai lol uloilua Antiok Banabas mai Simion mwa uloinia be gul Meto, Lusias nin Sairini, Manaen kea gabe nu togotogo mai Ratahigi Lavoa Herod, mai Sol.

Lalaḡova 13:36

Bwatuna be Deved nu lalaḡo lalai God lol taron non rovoga mau, vaivotu kea mwa mate i mai ira sibina, i rebehina mwa boboga lol tano.

Lalaḡova 2:47

ram lol roroai God, ram bulu mai nora samwarana la doroniva non sinombu. Haḡe vataha gubwen̄i Ratahigi mwa hara atatu rituai buluira la vatugi gaituvwa ira hei gabe ran rahu.

Lalaḡova 22:20

I mahavana be Stivin nom gaitura ram wehi bamatea, inau siboku aia i nan gita didinigi mateanana, i nan gita ḡoro gaisagara be ran wehia.’

Lalaḡova 26:10

Geki ginau be nan lolia lol vanua Jerusalem. Nan lai roron̄o liu ira muai tataroi i nan tau sinombu non God ivusi lol imwa vauvauhi; i mahavana be mwa bevegira huri mateana, inau mulei nam dame huria.

Lalaḡova 5:18

I kera ram haḡo batugehi ira hala ram daura lol imwa vauvauhi.

Lalaḡova 5:33

Haḡe mahavana be kera ata alolon Kansel ram ron̄ avoana geki, lolora mwa horo maragai, ram ron̄oe kun be rai vevegi ira hala huri mateana.

Lalaḡova 5:40

Haḡe ram uloi ira hala ram haroro mulei, i ram dalvusira, i ram borotainira be rasav mom avo ke mulei alun ihan Jisas, i ram hora dagainira.

Lalaḡova 7:38

Atatu gea kea haḡea gabe nu togo bulbulu mai sinombu ira Jius lol vanua vuroi, kea bul mai ira sibida aia i mai enjel gabe nu avo maia la vusi Saenae, i nu lai avoan rahu non God be vi ḡao aluda kadogaha.”

Lalaḡova 7:54

Haḡe mahavana be kera lol kansel ram roron̄tai Stivin, lolora mwa biaroi maragai ram ḡan livora huria gin lolhoro.

Lalaḡova 7:58

ram bohainia vai avare nin bwatutun vanua, i ram bohae gin vatu. Kera gabe ram du gi gaitura ram derai gaisagara la liman mwalaḡelo ihana Sol.

Lalaḡova 8:14

Haḡe ira hala Jerusalem ram ron̄oe be sinombu ata Samaria ran lai avoana non God, i ram hora Pita mai Jon vai abera.

Lalaḡova 8:2

Haḡe ira binihimwasigi rituai ninira Jius ram dan̄ihi Stivin maragai i ram davinia.

Lalaḡova 8:4

Haḡe ira binihimwasigi be ran rov maragai ram doretore huri roroi tavuha lol vanua Samaria.

Lalaḡova 8:5

Vilip nu vano lol muan bwatutun vanua ata Samaria i mwa doretore huri Wani Vurai lalai sinombu aia.

Lalaḡova 9:31

Haḡe kunia uloilua Judia duluai, Kalili mai Samaria ram dogo lol tamwata. Haḡe uloilua mwa mauri doratora gin buluiana non Vui Sabuga, kun gabe mwa dogo gin binihi marahi alun Ratahigi.

Ravrava non Pol lalai ata Rom 1:32

Ram iloe huba be God vi vevegi atatu be ram lol alen̄a geki, be vi mate huria, take ram lol rahurahui alen̄a gea. Hage ninia gea, kera ram ron̄ mwandavuha n̄ano be ramen bului atatu be ram do ram lol alen̄a kunia.

Filipae 1:12

Ira tuaku nam doronia be giv iloe be, hano be nu loli lalaiau, nu loli huria be vi vavtutui Roroi Tavuha.

Hibru 11:27

Huria be Moses mwa binihimwasigi garagusi alun God, i bwatuna gea kea mwa mwalue nin Ijip, i kea mwa hav matagui te ratahigi lavoa gea be mwa lol horo maragai. Kea sihav van te burigai be men mom bano mulei, take mwa du bavtutu la hala be mwa huria, kun gabe matama mwa dutu la God gea gabe atatu sihav gita te dumwia gin mwasin matana.