Lalaḡova 7:52 - Hano Niu Testamen

⁵² Matu atatun vevsera vwat sigai be ira sibimiu ran hav vev te hantainia? Ran wehi ira horata non God, gabe nu vevea huri maiana non mwasin non atatun rovoga vavtutu. I kadogaha gim bevegia i gim lol ḡagarasia.

Lalaḡova 7:52 ပူးပေါင်းရင်းမြစ်များ

Matiu 5:12

Giv samsamwara i giv garigari kimiu, huri be giv lai volimiu gaivua lol ute atamare. Kera ran lol ḡagarasi atatun vevsera atamua kunia.

Leo Tavuha gabe Luk nu Ravae 6:23

Giv garigari kimiu batena vi loli, i giv savwogoro gin samsamwara, bwatuna be giv lai volimiu gaivua amare. Huri be ira sibira ran lol ginau n̄an kunia lalainira atatun vevsera.”

Leo Tavuha gabe Jon nu Ravae 16:10

kera ran vahala maragai huri ginau gabe nu vavtutu, bwatuna gabe nai vano huri Tata i kimiu gisav mom ḡitau te mulei;

Lalaḡova 2:23

Gin mwasin non taritari, God nu vinihi daua be Jisas vi lin̄ia lalai kimiu, i gim wehia ginia be gim lin̄ia la limara atat bwatigoro ram bohae vai alun volovolo.”

Lalaḡova 22:14

Haḡe mwa bevea be, “God non ira sibida mwa uloi luago be gov ilo non binihiva, i be gov gita mwasin non atatun rovoga vavtutu, i be gav ron̄oe sibomwa be vi avo lalainigo gin mwasin silona.

Lalaḡova 3:18

God nu vev serae tuai lalai ira atatun vevsera be Wani Vurai gabe kea vi horae, vi ron̄ ḡagarasi, i non avoana mwa mai gi mwasigi la hala geki.

Lalaḡova 3:24

Take ira atatun vevsera gabe ram lai dum roroi lol taron Samuel i kera duluai ataguna, kera mulei ataguna ram vevsera havanau gabe mwa loli lol gubwen̄ garigi.

Lalaḡova 4:10

kunia mwa du be kimiu duluai gis iloe, i sinombu duluai ira Jius ras iloe be wani geki mwa du lol matamiu mwa rahu didinigi sivi muramura gin ihan Jisas Kraes ata Nasaret gabe gi voha bolvoloe i kea God nu lol domareinia nin mateana.

1 Tesalonaeka 2:15

Kera ran wehi saraḡo Ratahigi Jisas i ira atatun vevsera i ran garoi kamai be gav derai Vanua gea. Ram hav lol te samsamwarai lolon God i ram ban burigai sinombu duluai.

2 Timoti 3:4

Rai van burigai atatu be ram mwemwearu bulu i rav lol ginau dadaloiga be rasav lai te binihiva huria. Rav lol nora doroniv hahantai sibora, rav tabe nora doroniva sibora lol tanon God.

1 Pita 1:11

Vui non Kraes nu togo alolon ira atatun vev sera, nu vev daua huri ron̄ ḡagarasi non Kraes i huri sarisari be vi huri ron̄ ḡagarasi gea Ira atatun vev sera ran lol ron̄oe be rav hiḡehiḡe huri havanau be Vui Sabuga mwa bagahira, lol taro be ginau kerageki ran loli, i havanau haḡea ureure vi kunia lol taro gea.

1 Jon 2:1

Ira nituku nam ravae geki huria be gisav vuroga tehe. Take be tas vuroga, Jisas Kraes atat vavtutu mwa du la lolmatan God huri gida. Kraes kea nonda tataroi gabe mwa lai dagai vuroda i vuron sinombu duluai lol ureure.

Visirai 19:10

Nan sisiabwau lol bwalagen enjel i nam dau bwatuna nam ḡogonainia. Take enjel mwa bevea lalaiau be, “Gosav lolia te kunia! Inau atatun rovoga vuroi, kunigo mai atat dodolua gabe ram bevea huri Jisas. Gosav gogonai te atatu dolua take God!” Huribe mwasigi be nu seseraiana sivi Jisas, kea haḡea nu rihui ira atatun vevsera.

Visirai 3:7

Gov rava noḡu avoana vi vano lalai enjel lol uloilua Viladelvia ba bevea be, “Geki roroi nin wani gabe nu sabuga i nu mwasigi. Kea nu haḡo gaihavan̄i be non Deved, i mahavana gabe mwa havan̄ gatava gea, atatu vwate sihav goro te dumwia, i mahavana be mwa ḡoroe, atatu vwate sihav havan̄ te dumwia.