Lalaḡova 6:9 - Hano Niu Testamen

⁹ Take sinombu ram ban burigainira, kera rituai gabe ram lol rovoga lol Imwa Tataro (mwa uloinira be) atat rahurahu, mwa bulu mai ira Jius ata Sairini i Aleksandria. Kera mai tavalura Jius ata lol uloilua ata Silisia i Esia ram dau bwatuna ram bigaigai mai Stivin.

Lalaḡova 6:9 ပူးပေါင်းရင်းမြစ်များ

Matiu 10:17

Giv gitaḡoro, huri be atatu abena be rav vwirihi dum kimiu, i rav lai kimiu vai lol imwan harahara, i rai vivilis kimiu alolon nora imwa tataro.

Matiu 23:34

Huri ginau gea nam bevea lalai kimiu be nav hora ira atatun vevsera maira mataisao maira vagahi lalai kimiu, i giv wehi rituai, giv voha rituai vai alun volovolo, i giv vivilis rituai lol nomiu imwa tataro, i giv mwaloi rituai nin vanua vai la vanua dolua.

Matiu 27:32

Mahavana be ira atatun bwaloana ram ban maia la hala, ram habwe ata Saerini vwate, ihana Saemon, i ram lolia be vi tatal volovolo non Jisas.

Leo Tavuha gabe Mak nu Ravae 13:9

“Kimiu sibomiu giv gitaḡoro. Rav haḡo batugehi kimiu i rav lai kimiu vai lol imwan harahara. Rav wehi kimiu lol imwa tataro, i giv tu la lolmatara tomuai mai ira Ratahigi lavoa huriau, be gimen vev lua Roroi Tavuha lalainira.

Leo Tavuha gabe Luk nu Ravae 21:12

Ginau kera geki rav loli amua, rav lai kimiu i rav lol bwarebware maragai kimiu, rav lin̄ kimiu be ramen vevegi kimiu lol imwa tataro, i be rav tau kimiu lol imwa vauvauhi; rav lai lua kimiu be giv tu lolmatan ira Ratahigi Lavoa maira tomuai huri ihaku.”

Lalaḡova 11:20

Take, ira binihimwasigi rituai ata Saipras i Sairini, ram bano vai Antiok ram bev lua roroi lalai ira Lolobon̄i, i mulei ram be Roroi Tavuha lalainira huri Ratahigi Jisas.

Lalaḡova 13:1

Haḡe ira atatun vevsera mai ira vagahi rituai lol uloilua Antiok Banabas mai Simion mwa uloinia be gul Meto, Lusias nin Sairini, Manaen kea gabe nu togotogo mai Ratahigi Lavoa Herod, mai Sol.

Lalaḡova 13:45

Mahavana be ira Jius ram ḡita sinombu gaivua be ram ḡoḡo, sinera mwa hantai ram bigaigai alun havanau gabe Pol mwa bevea ram rav kaburainia.

Lalaḡova 15:23

i ram horara mai ravrava geki, i mwa bevea alolon ravrava geki be: “Kamai ira hala mai ira bwatmetua, gabe ira tuamiu, gam hora nomai samwarana lalai kimiu ira tuamai gabe gin vora alolon ira Lolobon̄i take kadogaha kimiu ira tuamai gim dogo lol vanua Antiok, Siria, mai Silisia.

Lalaḡova 15:41

Haḡe ramuru bano vai lol vanua Siria mai Silisia ramuru lol wasi uloilua gin nora avoan dura.

Lalaḡova 16:6

I kera ram dol lago lol vanua Vrijia i Kalili bwatuna be Vui Sabuga mwa hav mahin̄ainira tehe be rai vano lol vanua Esia.

Lalaḡova 18:24

Lol mahavana gea Jiu vwate ihana Apolos, gabe nu vora Aleksandria, mwa mai vai Ivisas. I kea atat muramura lol non avoana i nu vavtutu lol non binihiva huri rav rava sabuga.

Lalaḡova 19:10

Haḡe mwa loli kungeki huri taul gairua, huri be atatu duluai be ram dogo lol vanua a Esia, ira Jius mai ira Lolobon̄i duluai ram ron̄ avoana non Ratahigi.

Lalaḡova 19:26

I kadogaha gim ḡitae i gim ron̄oe sibomiu huri ginau gabe atatu tiri geki Pol mwa lolia. Mwa bevea be tagaro be tanon liman atatu barabe mwasin tagaro, kea mwa leahi binihiva non atatu ivusi i mwa rav atatu ivusi, lol ute gairua teti Ivisas, i mwa abena be vanua Esia duluai.

Lalaḡova 21:27

Take mwa abena huri nogonan gubwen̄i huri wik gaituvwa, ira Jius gabe ram dogo lol vanua Esia ram ḡita Pol lol imwa Tataro. I ram lol loḡeloḡe sinombu duluai, i bwatuna gea ram ban burigai Pol.

Lalaḡova 21:39

Pol mwa bwaliua mwa bevea be, “Inau Jiu, nan vora Tasas la vanua Silisia, atatu vai la mwasin bwatutun vanua. I nam doron maragai be nav avo lalai sinombu.”

Lalaḡova 22:19

I nam bwaliua be, ‘Ratahigi,’ ‘Ram ilo didininia be nan vano lol imwa tataro nam haḡo batugehira i nam wehira gabe ram binihimwasiginigo.

Lalaḡova 22:3

“Inau Jiu, nan vora Tasas la vanua Silisia, take nam hamai vai teti Jerusalem bwatuna nan sikul aben Kamaliel. I nan lai silo vagahi wasi alun Silo non ira sibida, i nan lin̄iau siboku lalai God la hala gea kun kimiu n̄au haḡea be gim du teti garigi.

Lalaḡova 23:34

Haḡe tomuai vevev mwa basogo letasi vuvuri mwa hudali Pol be kea mwa dogo lol ara huri hava vanua. Take mahavana be mwa habwe luae be kea lol ara non vanua Silisia,

Lalaḡova 24:18

Kera ram habweau lol imwa tataro lol mahavana haḡea geki be nam lol hara harai tataro huri lol melmeloi. I vatugin sinombu sigai bul maiau aia i silo daha mulei sigai.

Lalaḡova 26:11

Vaivusi nan vevegira lol imwa tataro gaivua, i nan lol ron̄ora be rav tugu nora binihimwasigi garagusi. Nan lol horoi maragainira, i nam bano vai lol bwatutun vanua dodolua be namen lol ḡagarasira.”

Lalaḡova 6:10

Take Vui sabuga mwa lai muramura lalai Stivin, i mahavana be mwa avo ram hav vwaliu te dumwia.

1 Korin 1:20

Atat mataisaoga geki behe? Atat iloute kehibehe? Gaivamaten avoana ata lol ureure kehibehe? God nu lol mataisao ata lol ureure be rav bwaḡelega.

Kelesia 1:21

Ataguna nan vano vai lol ara Siria i Silisia.