Lalaḡova 21:3 - Hano Niu Testamen

³ Haḡe gam mai huri be gav gita vanua gea Saipras, i gam bano gam ḡao la n̄olin vanua i gam ban rahurahu vai Siria. Haḡe kunia gam hae vai aute la vanua Taea be waḡa men tau kaku.

Lalaḡova 21:3 ပူးပေါင်းရင်းမြစ်များ

Lalaḡova 27:4

I gam mwalue nin aia mulei, take bwatuna be lan̄i mwa here son̄tai kamai, kunia gam bano haltavalun vanua gea Saipras, la tahi mate.

Lalaḡova 21:16

Haḡe ira hala rituai ata Sisaria mulei ram bano mai kamai, i ram lai kamai vai lol imwan wani gabe gav togo bulu ihana Nason kea ata Saepras, kea binihimwasigi vwate lol gubwen̄in Jisas.

Lalaḡova 12:20

Herod mwa lolhoroi maragai sinombu ata Taea mai Saidon, i kunia ram bano lol tatan̄ana be rav gitae. Muana ram rav atatu ihana Blastas, kea gabe mwa do mwa ḡitaḡoro rovoga alolon imwan Herod be vi vano bul maira. Haḡe ram mai aben Herod ram hudalinia be vi lol tamwata lalainira, bwatuna be atatu ata la vanuara ram bol gara ginau n̄an nin vanuan ratahigi lavoa.

Lalaḡova 4:36

Haḡe kunia Josep, kea ata la varan Livae nu vora Saipras, kea gabe ira hala ram uloinia be Banabas. Gin binihiva be, “Atatu be non avoana mwa hau lua binihiva non atatu.”

Matiu 4:24

Haḡe roron Jisas mwa lon̄ahi vanua duluai Siria. Haḡe sinombu ivusi maragai ram datal bilin̄ai ira harova vai abena. Atatu rituai ram haro, rituai rebehira ram ḡagarasira, i rituai vui hantai mwa dogo alolora. Haḡe rituai ram matmateivula, i rituai rebehira ram mate. I Jisas mwa barahu lalan̄an harova duluai gea.

Lalaḡova 18:18

Pol mwa dogo Korin mai ira binihimwasigi huri gubwen̄ ivusi, ataguna kea mwa mwalue ninira la waḡa vwate mai Avkila i Prisila vai Siria. Amua mwa siv mwalue nin Ken̄kria ram bal iluna huri tatauleo garagusi gabe nu laia.

Lalaḡova 15:41

Haḡe ramuru bano vai lol vanua Siria mai Silisia ramuru lol wasi uloilua gin nora avoan dura.

Lalaḡova 15:39

Haḡe vigaigaiana gaivua maragai lol davolan Pol mai Banabas, i bwatuna gea ramuru harabora: i Banabas mwa lai Mak i ramuru bano la waḡa vai Saipras,

Lalaḡova 15:23

i ram horara mai ravrava geki, i mwa bevea alolon ravrava geki be: “Kamai ira hala mai ira bwatmetua, gabe ira tuamiu, gam hora nomai samwarana lalai kimiu ira tuamai gabe gin vora alolon ira Lolobon̄i take kadogaha kimiu ira tuamai gim dogo lol vanua Antiok, Siria, mai Silisia.

Lalaḡova 13:4

Haḡe mwa hora lua ira tarua geki gin roron̄o non Vui Sabuga, Banabas mai Sol ramuru bano vai Selusia i ramuru bano nin aia la waḡa vai Saipras.

Lalaḡova 11:19

Haḡe ira binihimwasigi rituai gabe ran visalsala lol mahavan taron ron̄ ḡagarasi batena be ram wehi Stivin i ram bano vai la vanua, Vonisia, Saipras, i Antiok, ram bev roroi lalai ira Jius n̄ano.

Leo Tavuha gabe Luk nu Ravae 10:13

“E, kimiu ata Korasin, nam hagav maragai kimiu! I kimiu mulei ata Betsaeda, nam hagav maragai kimiu! Huribe lalaḡova muramura gabe nu lolira lol tanomiu daga be atatu vwate si lolia kunia la vanuara Taea mai Saidon, tuai mau sinombu aia ras sagasagai gav buburasiga, i ras bwasai rebehira gin taniavu, huribe men lol seserainia be ram binihi leahi nin vurora.

Leo Tavuha gabe Luk nu Ravae 2:2

Batena ram dau bwatuna ram lai iha, Kwaerinias nu vora tomuai vevev Siria.

Matiu 11:21

mwa bevea be, “E, kimiu ata Korasin, nam hagav maragai kimiu! I kimiu mulei ata Betsaeda, nam hagav maragai kimiu. Huri be lalaḡova muramura be nan lolira lol tanomiu daga be atatu vwate si lolia kunia la vanuara Taea mai Saidon, tuai mau sinombu aia ras sagasagai gav buburasiga, i rai bwasa rebehira gin taniavu, huri be men lol seserainia be ram binihileahi nin vurora.

Lalaḡova 21:2

I aia gam habwe waḡa vwate be mwa du be vi mwalue vai Vonisia, haḡe gam hivo rahurahu vai aluna i gam mwalue darihou.

Lalaḡova 21:7

Haḡe kamai gam bano rahurahu la halamai nin Taea vai Toleme, i aia ira binihimwasigi ram lai kamai i gam dogo maira huri gubwen̄ duluai.