Lalaḡova 18:3 - Hano Niu Testamen

³ ba do ba lol rovoga maira, bwatuna be kea mwa lai dum homu la rovogan imwa hauhau kun ira tuana n̄an gea.

Lalaḡova 18:3 ပူးပေါင်းရင်းမြစ်များ

1 Korin 4:12

Gam lol rovoga hahavwani huri gamai ginau sibomai. Mahavana be sinombu ram bev bwarebware kamai, gam bev tavuhainira huria. Mahavana ram lol ḡagaras kamai, kamai gam lin̄ maḡemu vai aluna.

1 Korin 9:14

La hala n̄an gea, God mwa bevea be kera be ram bev lua Roroi Tavuha rav lai tavwe nin rovoga geki.

1 Korin 9:15

Take nam hav haḡo te ira mwasigi kerageki. I nam hav ravae tehe kadogaha be nav lai ginau rituai nin kimiu. Mwa du maragai be nav mate muana! Atatu vwate sihav lol te bwedai dum noḡu avoan tavtavuha!

1 Korin 9:18

I hava tavwe haḡea nam laia? Geki haḡea tavweku: lol taro be nam bev lua Roroi Tavuha. Nam hav hudali te tavwe huribe nas lai dum tavwe, take nam hav hudaligi te huria.

2 Korin 11:7

Nan toretore huri Leo Tavuha non God lalai kimiu voliku sigai. Nan lolia siboku kun be nan hav vora te muai atatu be kimiu giv vora muai atatu. Gim binihia be kunia nu vahala?

2 Korin 11:9

Be nas doron ginau batena be inau mai kimiu, nan hav lol te bidoi kimiu. Ira tuada be ran mai nin Masedonia kera ran lai ginau duluai be nan doronia. Nan hav doron tehe be nav butu alumiu la hava hala tehe i nasav butu tehe alumiu.

2 Korin 12:13

Haḡe kimiu gin lai ginau duluai be ira binihimwasigi rituai ram laira. Ginau gaituvwa dolua: Nam hav vora te marahin rovoga lalai kimiu, giv binihi kaburai vuroku huria!

1 Tesalonaeka 2:9

Ira tuaku, nam iloe be gim binihi dum nomai rovoga hahavwani i taro ririhai duluai. Gan lol rovoga hahavwani i taro ririhai duluai. Gan lol rovoga bon̄i i ute rani be gasav mai tehe gi marahin rovoga lalai ihei tehe alolomiu, taro be gan toretore huri Roroi Tavuha non God lalai kimiu.

1 Tesalonaeka 4:11

Giv lol ginau duluai be giv togo lol rahuana be nu masiri gin rahuanan tamwata. Gisav sogai tehe bwarin̄anhumiu lol ginau non atat dodolua i giv lol nomiu rovoga sibomiu kunia be gan vevea huba lalai kimiu.