Lalaḡova 13:52 - Hano Niu Testamen

⁵² Haḡe sinombu ata Antiok ram masiri gin samwarana i Vui Sabuga.

Lalaḡova 13:52 ပူးပေါင်းရင်းမြစ်များ

1 Tesalonaeka 1:6

I kimiu gin mai kun kamai i kun God. Gin ron̄ ḡagarasi maragai, take gin dame ḡoro silo vagahi gin samwarana be mwa mai nin Vui Sabuga.

Ravrava non Pol lalai ata Rom 15:13

Nam dataro lalai God be mwa hogoi doronhohov be vi hogon bamasiri kimiu gin ron̄ mwandavuha i tamwata lol taro be giv binihimwasigi garagusi aluna. I nomiu doronhohov vi maumauri gin muramura non Vui Sabuga.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Lalaḡova 4:31

Haḡe mahavana be ram dataro vuvuri ute be ram ḡoḡo aia mwa rihu. Kera duluai ram masiri gin Vui Sabuga i ram dau bwatuna ram seserai lua avoana non God gin muramura.

2 Korin 8:2

Nu haḡo ron̄ora gin taro ririhai lalavoa, i ram hiruga. Take ram lai hogoi liu bwatuna be ram samsamwara.

Ravrava non Pol lalai ata Rom 5:3

Tam ron̄ mwandavuha mai nonda ginau vahala, bwatuna be ginau vahala kerageki ram lol togoan ḡoḡonai.

Lalaḡova 2:4

Haḡe kera duluai ram masiri gin Vui Sabuga, i ram dau bwatuna ram avo gin avoan dodolua, kun gabe Vui Sabuga mwa lolira be rav avo.

Matiu 5:12

Giv samsamwara i giv garigari kimiu, huri be giv lai volimiu gaivua lol ute atamare. Kera ran lol ḡagarasi atatun vevsera atamua kunia.

1 Pita 4:13

Take giv ron̄ mwandavuha be kimiu gim bului mai ron̄ ḡagarasi non Kraes bwatuna be kimiu giv ron̄ mwandavuha i giv masiri gin samwarana lol taro be Kraes vi mai mulei lol sarisari.

Jemes 1:2

Ira tuaku lol taro be gim dogo ririhai giv masiri gin samwarana,

Ravrava non Pol lalai ata Rom 14:17

Lol ute ratahigi non God, ginaganiana i wai mwinu varate ginau gaivua. Ginau n̄ano be nu marahi, kea be gom lol vavtutu lalai God, tamwata, i samwarana lol Vui Sabuga.

Lalaḡova 5:41

Mahavana be ira hala ram bwihavare, ram samsamwara, bwatuna be God vi vev dumwia ke ram dadariha be rav ron̄ ḡagarasi bwatuna Jisas.

Lalaḡova 2:46

Vataha gubwen̄i ram ḡoḡo ute gaituvwa vataha tatan̄ana lol Imwa Tataro, i ram ḡan gara ginau ute gaituvwa lol imwara gin samwarana i lolo tavuha,

Lalaḡova 11:29

Haḡe ira hala ram binihi tuhia be atatu gaitutuvwai vatvatahara vi lai udun bilana huribe vi bului ira binihimwasigi rituai gabe ram dogo Judia.