Lalaḡova 12:3 - Hano Niu Testamen

³ Haḡe mwa ḡitae be ira Jius ram samsamwara huria, kea mwa lol ron̄oe be vi haḡo batugehi Pita mulei. Ginau geki nu loli lol taron Samsamwaran Bereti Vatuga.

Lalaḡova 12:3 ပူးပေါင်းရင်းမြစ်များ

Matiu 26:17

Lol muan Samsamwaran Bereti Vatuga, ira roron̄tai ram mai aben Jisas, ram hudalinia be, “Gom doron be gav lol vatuvwai ginaganianan Halbisḡalau hurigo halabehe?”

Leo Tavuha gabe Jon nu Ravae 12:43

Kera geki ram doron maragai be atatu rav tabera lol doroniva, ninia be God si tabera.

Leo Tavuha gabe Jon nu Ravae 19:11

Jisas mwa bwaliua be, “Gom haḡo roron̄o ḡoroau n̄ano bwatuna be God nu laia lalainigo. I wani gabe nu lin̄iau lalainigo mwa bahala gin vuro hantai maragai.”

Leo Tavuha gabe Jon nu Ravae 21:18

Nam bev mwasigi lalainigo be: mahavana be giḡo mwalaḡelo, gon lol vatuvwai vataha mahavana be gomen van halabehe tehe be gom doron be gomen vano aia. Take batena be gom bwatmetuaga gov sogai lua limwamwa i atat dolua vi vauhigo i vi laigo vai lol ute gabe gom hav doron tehe be gov van aia.”

Lalaḡova 12:4

I mahavana be ram haḡo batugehi Pita vuvuri ram daua lol imwa vauvauhi, i tatan̄an vatugin bwaloana gaivasi ram ḡita ḡoroe kera gaivasigi. Herod mwa lol taritari be vi taua huri nogonan vevegi lolmatan sinombu atagun Halbisḡalau.

Lalaḡova 2:14

Haḡe Pita mwa du amare, kea mai ira hala han̄vul domwan gaituvwa, mwa dau bwatuna mwa avo lalai sinombu gin silo gaivua mwa bevea be, “Kimiu ira Jius i kimiu duluai gabe gim dogo Jerusalem, giv roron̄taiau i nai vev ginau duluai geki lalai kimiu be kunia.

Lalaḡova 20:6

Gam mwalue la waḡa nin Vilipae atagun Samsamwaran Bereti Vatuga, haḡe gubwen̄ gailima ataguna gam botui nira la vanua Troas, i gam dogo aia wik gaituvwa.

Lalaḡova 24:27

Haḡe taulu gairua mwa nogo mahavana be Vilikis mwa nogoi doren non taulu lol tanon Tomuai vevev, kea mwa dau Pol mwa do lol imwa vauvauhi. Bwatuna be mwa doron be men lol ira Jius be ramen ron̄ mwa davuha ginia. I kadogaha Posias mai Vestas ramuru lai tanona.

Lalaḡova 25:9

Take Vestas mwa doron be ira Jius ramen binihi tavuhainia, i kunia mwa hudali Pol mwa bevea be, “Matu gom samsamwara be goi vano vai Jerusalem huri be nai vevegi nom avoana aia alun ginau kera geki?”

Lalaḡova 4:13

Haḡe kera rituai ata lol Kansel ram dan̄an̄a maragai bwatuna be Pita mai Jon ramuru hav matagu tehe i ram iloe be kera atatu vuroi n̄an raru hav sikulu tehe. I kera ram siv ilo batoia be kera lol tatan̄ana gaituvwa mai Jisas.

Kelesia 1:10

Gim binibe nam lol ron̄oe be namen lol atatu ba ramen ron̄ hano be nam bevea? Sigai, God haḡe gaituvwa be nam lol ron̄oe be namen lol samsamwarainia. Nam lol ron̄oe be namen lol samsamwarai atatu? Be nam doron radu be namen lol samsamwarai atatu, nasav vora te atatun rovoga non Kraes.

1 Tesalonaeka 2:4

Take gam bev Roroi Tavuha bwatuna God nu haḡo ron̄ kamai i mwa butu alumai be gav lolia. Batena be gam avo gam hav lol te ron̄oe be gav lol samsamwarai lolon sinombu, take lolon God, kea mwa haḡo ron̄ lolomai.