Lalaḡova 10:2 - Hano Niu Testamen

² Kea atat vavtutu vwate i kea mai tasalana i ira nituna ram ḡogonai God. Kea mulei mwa bului maragai ira hiru ira Jius i mwa dataro vataha mahavana lalai God.

Lalaḡova 10:2 ပူးပေါင်းရင်းမြစ်များ

Matiu 25:17

Kunia mulei atatun rovoga gabe nu lai dola vasan̄vul varua mwa bano mwa lol rovoga aluna i mwa lai dola vasan̄vul varua mulei aluna.

Leo Tavuha gabe Luk nu Ravae 18:1

Haḡe Jisas mwa bev avoan dalogai geki lalainira non roron̄tai be men vagahira be rav tataro tagaro huri be rasav mandamanda tehe.

Leo Tavuha gabe Luk nu Ravae 2:25

La mahavan gea atatu vwate ihana Simion nu togo Jerusalem. Kea atat vavtutu mwa ḡogonai God i mwa hohovi huri gubwen̄ ribwesiva nora ata Israel. I Vui Sabuga mwa do maia,

Lalaḡova 10:22

Haḡe ram bwaliua ram bevea be, “Tomuai Konilias mwa hora kamai. Kea mwasin atat tavuha mwa ḡogonai God i ira Jius ram binihi marahi maragainia. Enjel non God nu vevea lalainia be vi warego vai la imwana, huribe vi ron̄ hano be mwa du be goi vevea.”

Lalaḡova 10:31

i kea mwa bevea lalaiau be, ‘Konilias! God mwa ron̄ nom tataro i mwa ilo nam lalaḡov tavuha huri lolotabetabe.

Lalaḡova 10:35

Ihei tehe gabe mwa ḡogonainia i mwa lalaḡo bavtutu nu tavuha n̄an lalainia, son̄o be kea hava guli.

Lalaḡova 10:4

Haḡe kea mwa ḡita mutmutai enjel gin mataguana i mwa bevea lalainia be, “Havanau, Vagahi?” Haḡe enjel mwa bwaliua mwa bevea lalainia be, “God mwa ron̄ mwa davuha gin nom tataro i nom rovoga alun lolotabetabe, i kea mwa dogo be vi vwaliugo.

Lalaḡova 10:7

Haḡe enjel mwa ban dagai ninia i Konilias mwa uloi non atatun rovoga gairua mai atatun bwaloana vwate, atat vavtutu vwate gabe buluina.

Lalaḡova 11:14

I kea vi avo lalainigo huri be giḡo mai ira ata la imwamwa duluai giv rahu.”

Lalaḡova 13:16

Haḡe Pol mwa du amare mwa hagai limana i mwa dau bwatuna mwa avo mwa bevea be, “Kimiu ira Jius mai ira Lolobon̄i teti gabe gim gogonai God, giv ron̄oau.

Lalaḡova 13:26

“Ira tua kimiu ira Jius, gabe gim mai nin varan Ebraham, mai ira Lolobon̄i duluai teti gabe gim ḡogonai God: roroi huri varahuva geki be nu horae haḡea lalai gida!

Lalaḡova 13:50

Take ira Jius ram suvwai ira tomuai ḡoro sinombu la bwatutun vanua i ira vavin binihi marahi alolon ira Lolobon̄i gabe ram binihimwasigi God. I ram dau bwatuna ram lol ḡagaras Pol mai Banabas i ram bohai kaburainira nin vanuara.

Lalaḡova 18:8

Krispas, gabe tomuai ḡoro imwa tataro, mai tasalana i ira nituna ram binihimwasigi alun Ratahigi; haḡe sinombu dodo lua ivusi mulei nin Korin gabe ram lai dum roroi ram binihimwasigi, i ram ḡaruhi sabuga.

Lalaḡova 2:5

Haḡe ira Jius ran tu Jerusalem, atatun tataro kera geki ran mai vataha bwatutun vanua la ureure.

Lalaḡova 22:12

“Lol bwatutun vanua gea atatu vwate ihana Ananias, gabe mwa binihimwasigi God maragai i mwa dabe nonda Silo, i ira Jius be ram dogo aia ram binihi marahinia.

Lalaḡova 8:2

Haḡe ira binihimwasigi rituai ninira Jius ram dan̄ihi Stivin maragai i ram davinia.

Lalaḡova 9:11

Haḡe Ratahigi mwa bevea lalainia be, “Gov lol vatuvwai ba bano vai la bwatutun vanua mwa do bavtutu banaia, i gov hudaligi lol imwan Judas huri atatu ata Tasis ihana Sol. Kea mwa dataro

Lalaḡova 9:31

Haḡe kunia uloilua Judia duluai, Kalili mai Samaria ram dogo lol tamwata. Haḡe uloilua mwa mauri doratora gin buluiana non Vui Sabuga, kun gabe mwa dogo gin binihi marahi alun Ratahigi.

Lalaḡova 9:36

Lol vanua Jopa vavine vwate ihana Tabita, kea binihimwasigi vwate (Ihana la avoana ata Krik be Dokas, binihiva be Dia). Lol mahavan rahuna duluai nu lalaḡo tavuha i mwa bului ira hiru.

Kolosi 4:2

Giv tu rahurahu lol nomiu tataro, giv mamata, i giv avkari God.

1 Tesalonaeka 5:17

Giv tataro ḡaoḡao,

Jemes 1:5

Take be ihei mwa doron mataisao vi hudali God huria. Kea nu maḡemu i samsamwara be vi laia lalai sinombu, i kea vi laia lalainigo mataisao.

Visirai 15:4

God, ihei tehe sihav vinihi te marahinigo? Ihei tehe sihav lol te roroai ihamwa? Giḡo n̄an gon sabuga. Varan sinombu duluai la ureure rav mai ba ḡogonainigo, bwatuna be gon seserai alen̄amwa be alen̄ vavtutu lalai sinombu.