Lalaḡova 1:3 - Hano Niu Testamen

³ Huri gubwen̄ n̄avul gaivasi atagun mateanana mwa lol bisirainia sibona vaivusi, la hala gabe mwa dovon̄ainia huri mwasigi alun binihiv lalan̄a be kea nu rahu mulei i kera ran gitae, mwa avo lalainira huri rahuan gara gabe God mwa bora Ratahigi alolona.

Lalaḡova 1:3 ပူးပေါင်းရင်းမြစ်များ

Matiu 21:43

“Bwatuna gea, nam bevea lalai kimiu be God vi lai dagai nin kimiu rahuan gara gabe kea mwa ratahigi alolona, i vi laia lalainira gabe rav vwae mwasin vwaina.

Matiu 28:9

Haḡe gita, Jisas mwa bisogari maira, mwa bevea be, “Tamwata abemiu.” Haḡe ramuru la sosoria, ramuru sisiabwau ḡoroe, ramuru haḡo bwalagena.

Matiu 3:2

mwa bevea be, “Kimiu duluai giv binihileahi huri vuromiu, bwatuna be Ute Lavoa atamare mwa sosori.”

Matiu 4:2

Jisas nu togo la vanua vuroi huri gubwen̄ n̄avul gaivasi bon̄i mai rani i maro mwa siv gasia.

Leo Tavuha gabe Mak nu Ravae 16:19

Haḡe ataguna be Jisas nu avo vuvuri maira, kea mwa hae mulei vai amare mwa dogo la mwatuan God.

Leo Tavuha gabe Jon nu Ravae 20:26

Atagun wik gaituvwa ira roron̄tai ram dogo ute gaituvwa mulei lol gatav goro, i Tomas bul maira. Gatava nu lok, take Jisas mwa mai mwa du bora lolora mwa bevea be, “Tamwata na togo abemiu.”

Leo Tavuha gabe Jon nu Ravae 21:1

Ataguna geki, Jisas mwa bisirai mulei abera non roron̄tai hurin numbu gaivua Taeberias. Geki halana gabe nu loli.

Leo Tavuha gabe Jon nu Ravae 21:14

Geki, vatoluna be Jisas mwa bisirai lalainira non roron̄tai ataguna be kea nu tomare nin mateana.

Lalaḡova 13:31

i kea mwa bisirai vaivusi lalainira gabe ran lago bulu nin Kalili vai jerusalem. I kera geki haḡea kadogaha ram bora gaitura huri non tomarean mulei lalai sinombu ira Jius.

Lalaḡova 19:8

Haḡe Pol mwa avo wasi lalai sinombu lol imwa tataro gaivua i mwa haḡo ḡoḡoana maira huri vula gaitolu, i mwa suvwai nira be rav iloe huri ute Ratahigi non God.

Lalaḡova 28:23

Haḡe ram dov mahavan gubwen̄i mai Pol, i ataguna sinombu gaivua gabe tavalura ram mai lol gubwen̄i gea vai lol ute be Pol mwa dogo aia. Haḡe Pol mwa dugu halana lalainira huri rani duluai vaivotu mwa bon̄i. Mwa bevea huri rahuan gara gabe God mwa bora ratahigi ḡoro non sinombu alolona. Kea mwa dogo mwa avo alun Silo non Moses mai ira atatun vevsera huri be vi ravara rai mai gi atatu non Jisas.

Lalaḡova 28:31

Kea nu toretore huri Rahuan gara gabe God mwa bora ratahigi ḡoro non sinombu alolona. I nu lai silo vagahi huri Ratahigi Jisas Kraes, kea nuhav matagu tehe be men avo, i atatu sihav tu ḡoro te dum non avoana.

Lalaḡova 8:12

Take mahavana be ram binihimwasigi avoana non Vilip huri Roroi Tavuha huri Rahuan gara gabe God mwa bora ratahigi ḡoro non sinombu alolona, i huri Jisas Kraes ira vavine mai atamwani duluai ram lai garuhisabuga.

Ravrava non Pol lalai ata Rom 14:17

Lol ute ratahigi non God, ginaganiana i wai mwinu varate ginau gaivua. Ginau n̄ano be nu marahi, kea be gom lol vavtutu lalai God, tamwata, i samwarana lol Vui Sabuga.

Kolosi 1:13

God nu lai lua gida nin muramura ata lol ute meto, i mwa lai gida vai lol ute ratahigi non nituna.

1 Tesalonaeka 2:12

Gan av dura kimiu gam av wasi lalai kimiu, gan doronia be giv togo lol rahuan tavuha huri God. God mwa doron be tav togo lol rahuana be tav tabea vataha mahavana.

1 Jon 1:1

Nomai roroi geki gam ravae lalai kimiu huri roroi huri rahuana, avoan mataisao. Avoana non God lalai kimiu mahavana be ureure sigai radu. Take avoan Mataisao non God gea nu togo huba. Bweromai nu ron̄oe i matamai nu gitae, i limamai nu sibweri avoana geki.