Kolosi 4:3 - Hano Niu Testamen

³ Giv tataro mulei huri kamai be God vi lai non mwasigi lalai kamai be gav toretore dumwi la ginau dahuligi be God nu lol melmeloinia huri Kraes. Kea haḡea kadogaha nam dogo lol imwa vauvauhi.

Kolosi 4:3 ပူးပေါင်းရင်းမြစ်များ

Matiu 13:11

Haḡe kea mwa avkorora be, “Mwa hogoi lalai kimiu be gimen ilo ginau ririhai huri Ute Lavoa atamare, take mwa hav hogoi tehe lalainira.

Lalaḡova 14:27

Haḡe mahavana be ramuru botu Antiok, ramuru hara ḡoḡo sinombun uloilua duluai ute gaituvwa, i ramuru bevea lalainira huri ginau duluai gabe God nu lolia bul maira, i kun hanigi kea nu havan̄ hala huri ira Lolobon̄i be rav binihimwasigi.

Ravrava non Pol lalai ata Rom 16:25

Tav uloi roroai ihan God gabe vi lol dumwigo gov wasi lol binihimwasigi garagusi gin Roroi Tavuha gabe nu vevea lalai atatu i huri roroi huri Jisas Kraes. Roroi huri Kraes kea ginau hili gabe mwa dahuliana huri taul ivusi huba ta kadogaha mwa loliana mwa iloana.

1 Korin 16:9

Huribe ginau tavuha huri rovoga nu laiana lalaiau kadogaha len̄len̄a be sinombu be ram avo wasi vai aluku.

1 Korin 4:1

Sinombu duluai rav gita gida kun be gida ira turin rovoga non Kraes, mwasin atatu gabe God mwa binihimwasiginira mai non mwasigi dahuligi duluai, be mwa du radu.

2 Korin 2:12

Batena be nan mai vai Troas be nav toretore alun Leo Tavuha huri Kraes, Ratahigi nu lai taro tavuha vwat lalaiau aia.

Ifisas 3:1

Huri ginau geki, inau Pol atat vauvauhi huri Kraes Jisas huri kimiu ira Lolobon̄i, nam dataro lalai God.

Ifisas 3:3

Nu mahin̄aiau be nav ilo non taritari dahuligi ginia be mwa bagahiau ginia. Nan ravae tiri kolo huba hurira geki.

Ifisas 3:4

Be goi vasogo havanau haḡea be nan ravae, gov gita dumwia be, inau nan ilo dum ginau dahuligi huri Kraes.

Ifisas 3:9

I God nu laia lalaiau rovoga be nav vevea lalai non sinombu, huri non taritariana be mwa du dahuligi, be mwa dahulinira ginia la bwatun tauva. Kea haḡea atatu be nu tau ginau duluai.

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Filipae 1:19

Bwatuna be kimiu gim dataro huriau i vui non Jisas Kraes mwa buluiau, nam iloe be taro ririhai uhu vi lai lalaiau noḡu ribwesiva.

Filipae 1:7

I inau nam iloe be nan vavtutu be nav binihia kungeki huri kimiu duluai, bwatuna be nam haḡo kimiu lol irubwiku. Kimiu duluai gim bete alolon lolotavuha non God maia kadogaha be inau lol imwa vauvauhi i kadogaha be nam duḡoro i nam seserai lua mwasigi non Roroi tavuha.

Kolosi 1:26

Roroi geki kea ginau hili be nu tahulinia nin atatu duluai, la bwatun tauva, take kadogaha mwa lolian seserai lalai ira atat sabuga non God.

Kolosi 4:18

Inau, Pol nam lai avoan helheloi lalai kimiu i nam rav avoana geki gin mwasin limaḡu. Gisav vinihi te malioi gao vatu be ram bauhiau aluna lol imwa vauvauhi. Hogoi non God vi togo maigo.

1 Tesalonaeka 5:25

Ira tuaku, giv tataro huri kamai.

2 Timoti 1:16

Nam dataro be God vi seserai sine hagavi lalai ira ata lol imwan Onesivoras, kea tagaro nu buluiau i nu hav busbusi tehe be nan togo lol imwa vauvauhi.

2 Timoti 2:9

i nam ron̄ ḡagarasi bwatuna Roroi Tavuha, i kadogaha ram bauhiau gin gao talai kun atatun wehi surai. Take silo vagahi non God kea mwa hav togo tehe lol imwa vauvauhi.

2 Timoti 4:2

Inau nam hudalinigo be gov toretore huri Leo Tavuha. Lol vatuvwai vataha taro, i vevea lalai sinombu havanau be mwa du be rav lolia. Vevea lalainira lol taro be ram bahala. Av durara gin sine maḡemu gaivua, i silo vagahi vavtutu.

Filimon 1:22

Ginau mulei vwate gov lol vatuvwai vwavwana vwate huriau be nav togo aia, bwatuna be nam doronhohov be God vi vwaliu nomiu tataro i nav mai dumwi vai abemiu.