Kolosi 4:2 - Hano Niu Testamen

² Giv tu rahurahu lol nomiu tataro, giv mamata, i giv avkari God.

Kolosi 4:2 ပူးပေါင်းရင်းမြစ်များ

Matiu 26:41

Giv mamata ba dataro, bere gim hovi lol kalkaliana. Binihiva mwa rihumaragai, take vihogoi nu mandamanda.”

Leo Tavuha gabe Mak nu Ravae 13:33

Giv mamata, giv lol dautau, bwatuna gim hav iloe te huri mahavana gabe vi mai.

Leo Tavuha gabe Luk nu Ravae 18:1

Haḡe Jisas mwa bev avoan dalogai geki lalainira non roron̄tai be men vagahira be rav tataro tagaro huri be rasav mandamanda tehe.

Leo Tavuha gabe Luk nu Ravae 21:36

Giv mamata i giv tataro tagaro be rahumiu vi wasi be gimen van sivigi dum dagai nin ginau kera uhu gabe rav loli, i be giv tu dum la lolmatan Nitun Atatu.”

Lalaḡova 1:14

Haḡe kera duluai ram bulu ute gaituvwa be ramen tataro, maira vavine, i Mere gabe ratahin Jisas, mai ira tuana.

Ravrava non Pol lalai ata Rom 12:12

Gov ron̄ mwandavuha huribe nom doronhohov mwa hohovi huri ginau tavuha nin God. Gov lin̄ maḡemu lol taro ririhai, i gov tataro vataha mahavana.

Ifisas 6:18

Tataro lol Vui Sabuga vataha mahavana gin lalan̄an tataro, gov hudaligi huri ginau n̄oto be gom doronia. Huria be gov lolia kunia gov lol vatuvwai i si hav savigo tehe. Gov tataro vataha mahavana huri sinombu non God.

Filipae 4:6

Gisav lai te binihiva huri hano be gin doronia, take giv tataro i giv hudali God huri ginau duluai be gim doronia, tagaro giv lai avkari.

Kolosi 1:9

Bwatuna geki, lol gubwen̄i be gan ron̄oe hurigo, gam dataro rahurahu hurigo, nam hudali God be gov ilo didininia havanau be mwa doronia. Gam dataro be gov mataisaoga maragai i iloilo bwatuna be Vui Sabuga mwa laia lalainigo.

Kolosi 2:7

Giv tau bwatbwatumiu vi roro aluna i giv lol rahumiu vi mauri aluna. Giv tu wasi lol binihimwasigi garagusi, kun be gin lai silo vagahina, i giv masiri gin tabeana.

Kolosi 3:15

Gov lin̄ tamwata gabe Kraes mwa laia vi vwalau binihimwa, bwatuna be nu uloi kimiu duluai vai lol rebehi gaituvwa be giv haḡo tamwata. Giv lai avkariana vataha mahavana.

Kolosi 3:17

Ginau n̄oto be gom lolia i gom bevea vi loli be men gogonai Jisas nonda Ratahigi. I lol ginau n̄oto be gom lolia, gov lai tabeana lalai God tamanda sivi Jisas.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.