Kolosi 4:11 - Hano Niu Testamen

¹¹ Josua, gabe mwa uloiana be Jastas, mulei mwa lai non avoan helheloi lalai kimiu. Kera n̄ano ira atat binihimwasigi la varan Israel be ram lol rovoga maiau huri ute ratahigi non God, i kera ran vora gitaḡoro lalaiau.

Kolosi 4:11 ပူးပေါင်းရင်းမြစ်များ

Lalaḡova 10:45

Ira Jius gabe ram binihimwasigi alun Jisas Kraes, kera gabe ran mai nin Jopa mai Pita ram dan̄an̄a maragai be God mwa salil non hogoi Vui Sabuga alun ira Lolobon̄i mulei.

Lalaḡova 11:2

I mahavana be Pita mwa bano vai Jerusalem, ira binihimwasigi be ram doron be rav lol tav dovon̄ana alun ira Lolobon̄i ram hun̄ainia ram bevea be,

Ravrava non Pol lalai ata Rom 16:3

Giv lai noḡu avoan laiḡoḡo lalai Prisila i Akwila, be raru lol rovoga maiau lol ihan Kraes Jisas,

Ravrava non Pol lalai ata Rom 4:12

I Ebraham kea mulei tamara gabe ran tav dovon̄ara i ram dogo alun binihimwasigi garagusi be tamanda Ebraham nu haḡoe amua ram siv tav dovon̄ana.

2 Korin 6:1

I gam lol rovoga bul mai God, i gam hudali kimiu be gisav lin̄ te hogoi be gin laira huba nin God be rai van sabwelei.

Ifisas 2:11

Gisav vinihi te malioi be kimiu ira Lolobon̄i. Taro vwate ran uloi kimiu be ira “tavdovon̄ana sigai” na kera be ran sasagerega be ran tav dovon̄ara.

Filipae 4:3

I nam hudali kimiu, ira tuaku be gin masiri gin binihimwasigi, giv bului ira vavine uhu. Kera ram lol rovoga buluiau be ramen vev Roroi tavuha, kera mai Klemen i rituai mulei be ram lol rovoga maiau, ihara nu ravana lol bukan rahuana.

Kolosi 4:7

Tikikas kea tuaku lol Kraes i atat mwasigi i atatun rovoga maiau lol God. Vi vevea lalainigo ginau duluai be mwa loli maiau.

1 Tesalonaeka 3:2

I nav hora Timoti vai abemiu. Timoti, kea tuamai mwa lol rovoga mai kamai huri God i mwa bului kamai be gai vevea lalai sinombu huri Roroi Tavuha huri Kraes. Gam horae be vi vamuramura i vi avdura kimiu lol nomiu binihimwasigi garagusi,

1 Tesalonaeka 3:7

Haḡe ira tuaku, batena be gam habwe hal ririhai i ron̄ḡagarasi, kimiu gim dura kamai bwatuna nomiu binihimwasigi garagusi.

Taetas 1:10

Atatu ivusi ram lol ginau deḡeteḡe i ram bev ginau deḡeteḡe, huribe ram binhimwasigi non ira Jius.

Filimon 1:1

Nin Pol atat vauvauhi lol Kraes Jisas, i nin Timoti tuada. Lalai Vilimon, mwasin nonda buluana i atatun rovoga bul mai gida;

Filimon 1:24

I Mak mulei, Aristakas, Dimas, i Luk, kera be ram lol rovoga bulmaiau ram hora nora avoan helheloi.