Kolosi 3:8 - Hano Niu Testamen

⁸ Take kadogaha gov tau dagai ginau kerageki nin rahumwa: lolhoro, alen̄ wasi, loliana sage gom bev ginau be mwa lol atatu dolua mwa ron̄ mwahantai, i gam av bwarebware lol taro ron̄ mwahantai, i gom av bwarebware lol taro be gom avo.

Kolosi 3:8 ပူးပေါင်းရင်းမြစ်များ

Matiu 5:22

Itake kadogaha inau nam bevea lalai kimiu be, ihei mwa lolhoroi tuana, wani gea vi lai silo vevegi huria. I ihei mwa bev bwarebware tuana, kea vi laiana vai lol imwan harahara gaivua. I ihei mwa uloi tuana be ‘Giḡo len̄len̄aga!’ wani gea vi haroro lol gabin ron̄ḡagarasi.

Leo Tavuha gabe Mak nu Ravae 7:22

kun surana mai atat lagi, kun bugurana, avoan tentene, tul bonogai, binihiv sage i lalaḡov deḡeteḡe.

Ravrava non Pol lalai ata Rom 13:13

Tav togo la alen̄ vavtutu, kun atatun ute rani. Ta sav la te bulbulu huri mwinmwin daltale huri ginau hantai. Atamwani mai atamwani rasav lol te bwatigoro ginginira sa vavine mai vavine. Bwaloana visigai mai binbinihi hantai.

1 Korin 3:3

bwatuna be kimiu gin hav masiri te radu gin Vui Sabuga. Binbinihi hantai mai vigaigaiana mwa du radu alolomiu, i geki mwa seserainia be vui sigai radu alolomiu. Kimiu gim lolia radu kun gabe sinombu ata lol ureure geki.

2 Korin 12:20

Nam binihi gairuruai be batena be nai mai, berevai gim hav vora te kunia be nam binihia be vi vora kunia, i inau nasav vora te atatu kunia be gin doroniau be nai vora kunia. Nam hen binihi gairuruai alolomiu be sigai ta vigaigaiana, binbinihi hantai, lolhoro, bwaloana, bugurana, avoan bibili, hun̄ahun̄a, binihiv sage, i vi len̄len̄aga.

Kelesia 5:15

Be giv lol rahurahuinia be giv varihai mulmulei kimiu i giv haḡo bora kimiu lealea, giv gitaḡoro, besigai giv lol n̄oto bwarebware mulmulei kimiu.

Kelesia 5:20

gogonai nun vatu, ram lol gabwaleva, ram binbinihi hantai, ram lolhoro, ram bugubugura, ram lol atatu ram lolhoro ginginira, ram lol harabora lol davolan atatu,

Kelesia 5:26

Tasav ravwega tehe, sage lol ginau hahantai gingin gida sage binbinihi hantai mulmulei mai gida.

Ifisas 4:22

Nu vagahi kimiu be giv lin̄ rahuan bibili be gin togo aluna tuai. Nomiu doroniva sibomiu huri rahuan ata tuai gea mwa hantai liu, bwatuna be sinombu ram daltale gin ginau hahantai be ran doron be rav lolia.

Ifisas 4:25

Haḡe mwa du be giv lin̄i be gim dentene. Giv vev mwasigi lalai vatvataha kimiu, bwatuna be gida duluai ira ududun vatvataha gida lol rebehi gaituvwa.

Ifisas 4:26

Mahavana be gim lolhoro, gisav lin̄ te nomiu lolhoro be vi lai kimiu vai lol vuro, i giv gitae be gisav mom lolhoro tehe vuvuri ute gim siv bon̄i.

Ifisas 4:29

Mahavana be gon avo gosav vev te ira avoana be rav lol ḡagaras atatu, take goi vev havanau gabe mwa du be sinombu vi lai avoana gabe rav bului atat dodolua rav muramuraga ginia. I aia havanau be gom bevea vi lol dum lalaḡova tavuha lalainira be ram roron̄tainigo.

Ifisas 5:4

I mulei avoanan bwatigoro vi sigai mai kimiu, i gisav av te daltale, i gisav vev te sov hahantai ginau kera geki ran hav vavtutu tehe mai kimiu. Take ninia gea mwa du be giv lai avkariana lalai God.

Kolosi 3:5

Giv tau kaburai ginau hantai duluai lol rahumiu: vuro lol alen̄ bwatigoro, lolian daltalei gom lin̄ binihiv taltale mwa domuainigo, gon doron ginau lete, i ginau ravravwega i bugurana (huribe bugurana kea dovon̄an gogonaiana lalai tagaro dodolua).

Kolosi 3:9

Gosav tentene tehe lalai atat dolua. Gon lai dagai gaisagan rahuan taltale ata amua i ginau be gon lolia amua.

1 Timoti 1:13

Lol taro nu ḡao huba inau nan avo vai alun Kraes i nan wehi bonogainia i nan lol lalan̄an ginau be nav lol ḡagarasia. Take God nu seserai lalaiau sine hagavi bwatuna be nan hav ilo te havanau be nan lolia. Nan hav binihi te mwasigi.

1 Timoti 1:20

Himenaeus i Aleksanda ran lolia kunia, i nan hagainira lalai Setan huri be rav huhuinia be rasav avo tehe vai alun God.

Hibru 12:1

Gida sinombu ira atatu gabe ira gaitura non God ram du dalis gida, gabe tatan̄ana gabe ram du dalis gida gaivua maragai. Haḡe bwatuna gea, tav derai ginau duluai gabe ram duḡoro gida, i bwatigoro gabe ram haḡo wasi gida, i gida tav lol binihinda vi wasi, la hala gea be mwa du lol matada.

Jemes 2:7

Kera haḡea be ram bev avoan hahantai vai alun Jisas, kea be mwa haḡo rahumiu.

1 Pita 2:1

Mulei, giv togo dagai nin ginau hahantai duluai, tenteneana duluai, bugurana, binihiv hahantai, i avoan hahantai.

2 Pita 2:18

Ram bev avoan sasagerega be binihiva ata alolona sigai. Gin nora doroniv bwatigoro ram domuai sinombu vai alolon vidin vuro---atatu be ram siv tau bwatuna be ramen romaragai nin atatu be ram dogo lol vahalana.

2 Pita 2:7

Take nu varahu Lot nin ira bwatun Vanua kera geki. Lot, atat tavuha, nu ron̄ mwahantai bwatuna rahuan hantai huri atat bwatigoro.

Ravrava nin Jud 1:13

Ram bora kun navo turu ata lol tahi, be ram domare la lalan̄an rerena mahaḡea. Ram bora kun visiu be mwa lago daltaligi lol mahao be gubwen̄ vwate God vi taua lol ute meton mateana be mwa du vatuvwai hurira vai tuai.

Ravrava nin Jud 1:8

Atatu be nam bevera ram lol ginau kun atatu be ram ḡita maturubore i mwa lolira sibora ram masiri gin vuro. Ram hav doron te didi ron̄ ira lavoa ḡoro non God i ram avo vai alun ira enjel.

Visirai 16:9

I ram onda gin mataguianan odana, i ram uloi hantai ihan God, gabe mwa muramura ḡoro ira harova kerageki. Take rasav van te burigai dum nin vurora i ram hav lol te roroai huri non vatavuha.