Kolosi 3:5 - Hano Niu Testamen

⁵ Giv tau kaburai ginau hantai duluai lol rahumiu: vuro lol alen̄ bwatigoro, lolian daltalei gom lin̄ binihiv taltale mwa domuainigo, gon doron ginau lete, i ginau ravravwega i bugurana (huribe bugurana kea dovon̄an gogonaiana lalai tagaro dodolua).

Kolosi 3:5 ပူးပေါင်းရင်းမြစ်များ

Matiu 15:19

Bwatuna be nin lolon atatu binihiv hahantai kera geki ram mwalue, wehi bonogai, vuro mai atat lagi, vuro mai atatu dagai nin lagiana, surasura, tenteneana, i tul bonogai.

Ravrava non Pol lalai ata Rom 1:26

Bwatuna be sinombu ran lol ginau kerageki, God mwa bisdagai ninira i mwa lin̄ira ram lol ginau busbusi be ram doron be rav lolia. Ira vavine ram lin̄i be ram bulu mai ira atamwani i ram dau bwatuna ram bulu mai ira vavine.

Ravrava non Pol lalai ata Rom 1:29

Kera ran hogon bamasirira gin lalan̄an vuro duluai, kun hala lete, bugurana, atat varihai, ran masiri gin binbinihi hantai, wehi bamat atatu, bwaloana, tenteneana, i ram binihi hantai ira tuara. Ram hun̄ahun̄a

Ravrava non Pol lalai ata Rom 6:13

Gosav lin̄ te rahumwa be vi gogonai vuro, kun ginau be gamen lolia be men lol vuro. Ninia gea, lin̄igo sibomwa la liman God kunira be ran mate i kadogaha ram rahu. Kamai gam lolia gin rebehimai be gamen vuroga.

Ravrava non Pol lalai ata Rom 6:6

Tam iloe be rahuda ata amua nu mate mai Jisas alun volovolo, huribe vuroda gaitutuvwai si hav muramura tehe ḡoro gida i gida ta sav vora te turin vuro.

Ravrava non Pol lalai ata Rom 7:23

Take nam ḡita silo dolua mwa lol rovoga alolon rebehiku, kea haḡea mwa lol bwaloana mai silo be rebehiku mwa dara aluna. Silo dolua be mwa lol rovoga lol rebehiku kea silo huri vuro, i mwa loliau gi non atat to vauhi.

Ravrava non Pol lalai ata Rom 7:5

Take tuai, lol taro be tan huri alen̄an atatu n̄ano, Silo gea nu lolia tam doron maragai ira ginau hahantai be binihinda mwa doronia. Haḡe bwatun ginau geki, tam do tam lol rovoga non mateana n̄ano.

Ravrava non Pol lalai ata Rom 8:13

Kebe gov lol ginau be binihimwa mwa doronia, gov mate huria ta kebe gov lolia la buluiana non Vui Sabuga be vi tuḡorogo nin ginau hantai be gov lolia la rebehimwa, kea gov haḡo rahuan tavuha.

1 Korin 5:1

Mwasigi mwa beveana kunia be vuro lol davolamiu alun rebehi mai rebehi nu hav tavuha tehe, i ira len̄len̄aga ram hav lolia tehe kunia. Atatu vwate aia mwa lai mulei tasalan tamana.

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

1 Korin 6:13

Atatu vwate vi vevea be “Ginaganiana kea huri tabwan̄i, i tabwan̄i huri ginaganiana.” Uwe, take God vi lol kaburai saraḡora. Rebehi mwa hav vora te huri vuron bwatigoro take huri Ratahigi, i Ratahigi kea mwa ḡita ḡoro rebehi.

1 Korin 6:18

Haḡe kunia gov rov maragai nin bwatigoron rebehi mai rebehi. Bwatigoro dodolua duluai gabe sinombu mwa lolia kea dagai avare nin rebehi, take kera n̄an gabe ram buroga mai bwatigoron rebehi be nu hantai mai mwasin rebehira sibora.

2 Korin 12:21

Nan hen matagu be batena be nam mai vai abemiu mulei, noḡu God vi lolia nai busbusi lol matamiu. Bisata nav ron̄ mwahantai ginia ivusi be ram lol bwatigoro bwatun be ram hav leahi te rahura sa be rai van burigai nin bwatigoro be ram bulu gin rebehira i ginau ivusi be ram lolia.

Kelesia 5:24

Kera gabe ram dogo lalai Kraes Jisas ram boha volvol mulei vurora sibora. Ram lin̄ mulei nora ron̄ova ata tuai i ginau hahantai be ram doronbe ramen lolia.

Ifisas 4:19

Nora busbusiana duluai nu vano ninira, i ram lalaḡoi rahura be ramen lol ginau hahantai. Ram doron maragai be ramen tu ba lalaḡoi rahurahui ginau hahantai.

Kolosi 2:11

Mulei lol Kraes gim haḡo lalan̄an tav dovon̄a, tav dovon̄a gabe mwa hav loli tehe gin lima. Kea sivi tav dovon̄a non Kraes, gabe, mateana, gabe mwa lai luago nin nom muramura sibomwa.

1 Tesalonaeka 4:3

God mwa doron kimiu be giv sabuga i giv to dagai nin bwatigoro mai atamwani i vavine ram bulu lol rebehira.

1 Tesalonaeka 4:5

Gisav lol te rebehimiu lol bwatigoro mai vavine i atamwani kun ira len̄len̄aga.

1 Timoti 6:10

Doroniva huri homu mwa bwativugai lalan̄an Vui hantai duluai. Sinombu rituai ram lin̄ binihimwasigi garagusi, bwatuna be ram bwativugai taro ririhai i ron̄ mwahantai lalainira sibora.

Hibru 12:16

Giv gita ḡoro tavuhai be vwate nin kimiu sihav vora te kun Iso, be rahuna nu hav vavtutu tehe, i mwa hav vinihi te dum God mulei. I kea mwa salei non tanon tuagai mai non roso. Take volin non tanon tuagai mai roso duluai gina ganiana n̄an vuroi, be kea nu gania vatuvwa mamaha.

Hibru 13:4

I atatu duluai rai vinihi marahi silon lagiana, ira ahoai mai ira tasalai, giv togo bavtutu hurin silon lagiana gingin kimiu. God vi vevegi ihei tehe gabe ramuru sura be lagiana sigai, i ahoai mai tasalai be vwate mwa sura mai atatu dolua.

Hibru 13:5

Giv tu dagai nin doronivanan homu, i giv samsamwara mai doronivanan havanau kolo be gin togo huba maia. Bwatuna be God mwa bevea be, “Nasav lin̄ te derainigo be gov togo gahemwa. I nasav vis te dagai ninigo.”

Jemes 4:1

Gom iloe haḡea kun hanigi bwatun nomiu vigaigaiana i bwaloana? Ram mai nin nomiu binihiv hahantai gabe ram bwalo alolomiu.

1 Pita 2:11

Ira tuaku, kimiu gin ḡun atat mai i tausala lol ureure geki. Nam doron be giv lin̄ ginau hahantai be rebehimiu mwa doronia be vi lolia be mwa bwalo vai alun vui rahu.

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”

Visirai 22:15

Take atatu be ram lalaḡo hantai, ira vwiriu meto, gabwaleva i ira atat bwatigoro, i kera be ram gogonai nunu buhiga, maira duluai be ram doron be ramen tentene tagaro i ramen togo deḡeteḡe tagaro.