Kolosi 3:3 - Hano Niu Testamen

³ Nom lolian vuroga sibomwa nu mate, i rahumwa gabe ginau gara mwa dogo mai Kraes lol God sibona.

Kolosi 3:3 ပူးပေါင်းရင်းမြစ်များ

Matiu 11:25

Lol mahavana gea Jisas mwa bevea be, “Tata, giḡo Ratahigi ḡoro ute atamare i lol ureure, nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao.

Leo Tavuha gabe Jon nu Ravae 14:19

Tiri ḡalia n̄an ureure sihav mom ḡitau tehe, take kimiu giv gitau; i bwatuna be nam rahu kimiu mulei giv rahu.

Leo Tavuha gabe Jon nu Ravae 3:16

Huri God mwa dabe mutai ureure haḡe mwa horau, inau gabe mwasin Nituna vora gaituvwa be irahei gabe rav binihimwasigiau, rasav mate tehe ta rav rahu vai tuai.

Leo Tavuha gabe Jon nu Ravae 4:14

Take ihei tehe gabe vi mwin wai gabe inau nav laia lalainia sihav mandou te mulei. Wai uhu gabe nav laia lalainia vi mai lalainia gi matavuravuran wai alolona i kea vi laia ninia wain rahuana i rahuana vai tuai.”

Leo Tavuha gabe Jon nu Ravae 5:21

Kun tata nu lol domarei ira atatmate i mwa lai rahuana lalainira, kunia mulei inau Nituna nav lai rahuana lalai irahei be nam doronira.

Leo Tavuha gabe Jon nu Ravae 5:24

“Nam bev mwasigi lalai kimiu be, ihei tehe be mwa ron̄ noḡu avoana, i mwa binihimwasigi wani be nu horau, wani gea vi haḡo rahuana vai tuai.

Leo Tavuha gabe Jon nu Ravae 5:40

Take gim hav doron tehe be gimen mai vai abeku huri be gimen rahu.”

Ravrava non Pol lalai ata Rom 5:10

Lol taro be tan vora ivwalu non God, nu mwemwearu mai gida sivi mateanan nituna kadogaha be gida tam bora ira tuana, kea vi varahu gida sivi rahuana non nituna.

Ravrava non Pol lalai ata Rom 5:21

Vuro nu lol mateana be vi tomuai gida, take mwa lai hogoi non God sivi vavtutu i vi lai rahuana vai tuai sivi Jisas Kraes nonda Ratahigi.

Ravrava non Pol lalai ata Rom 6:11

Kunia mulei, giv gita kimiu sibomiu kunabe gin mate alun muramura non vuro i gim rahu mai God sivi Kraes Jisas.

Ravrava non Pol lalai ata Rom 6:2

Sigai! Tam mate alun vuron rahuda ata amua, i kun hanigi haḡea tav lol rahu be vi togo lol vuro vataha mahavana?

Ravrava non Pol lalai ata Rom 8:2

Sivi Kraes Jisas, silon Vui Sabuga be mwa lai rahuana mwa loliau nam du dagai nin silo be mwa lai vuro i mateana.

1 Korin 15:45

Nu ravana lol avoan sabuga be; “Muan atatu, Adam, kea muan atatu be nu lai rahuana, take nogonan Adam kea vui be mwa lai rahuana.

1 Korin 2:14

Atatu be Vui Sabuga sigai alolona si hav lai te dum ira hogoi be mwa mai nin Vui non God, bwatuna be ginau keragea ram bwaḡelega n̄ano lol matara.

2 Korin 5:14

Lolotabetabe non Kraes mwa haḡo bul gida, bwatun be gam iloe be kea nu mate huri atatu duluai. Kera duluai rav mate lol Kraes.

2 Korin 5:7

Tam rahu alun havanau be tam binihimwasigi garagusi aluna, take mwa hav vora te alun hano be tam ḡita dumwia.

Kelesia 2:20

Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Ifisas 3:9

I God nu laia lalaiau rovoga be nav vevea lalai non sinombu, huri non taritariana be mwa du dahuligi, be mwa dahulinira ginia la bwatun tauva. Kea haḡea atatu be nu tau ginau duluai.

Filipae 4:7

I Tamwata non God, be kea gaivua, tasav ilo te dum huria, vi haḡo ḡoḡo lolomiu i binihimiu lol Kraes Jisas.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

Kolosi 2:20

Lol taro be gon mate mai Kraes i mwa lai luago nin ira Vui hantai ata lol ureure, huri hano haḡea gom lolia kun gabe gam dogo lalai ureure radu be gom huri ira silo kungeki.

Kolosi 2:3

Kraes kea bwatun gaihavan̄i be mwa haḡo ira ute rosoga dahuligi, kun ira iloilo i mataisao non God.

Kolosi 3:4

Kraes kea rahuda, i lol taro gabe vi mai mulei tav haḡohaḡo lol sarisarina.

Hibru 7:25

Haḡe bwatuna gea, mwa dau bwatuna garigi vaivotu mosmosianana sigai, kea vi varahu dumwira gabe ram huria, huria be rav hae dum aben God. Huria be kea vi rahu vai tuai, i vi tu vai tuai la lolmatan God, i vi tataroi hurira.

1 Pita 3:4

Sigai, tavuha gea si mai alolomiu tavuhan Vui be mwa dogo ḡoḡonai i sihav lol te kaburai dumwi i nu tavuha liu, lolmatan God.

1 Pita 4:2

Giv tu wasigi Sibomiu huribe giv rahu teti lol ureure i giv lol havanau be God mwa doronia.

1 Jon 3:2

Ira noḡu buluana, gida ira nitun God, take huria be tai vora atatu kun hanigi, kea mwa hav melmelo tehe lalai gida radu. Take tam iloe be mahavana be Kraes vi mai mulei, gida tai vora kunia, be tav gitae be kea mwasigi.

Visirai 2:17

“Atatu be bwerona abena, na roron̄tai tavuhai huri havanau gabe Vui mwa bevea lalai uloilua duluai!” “Lalainira gabe ran muramuraga lol bwaloana, nav lai ginaganiana mwa du dahuligi be mana. Nav lai vatu maita lalainira batvatahara mulei gabe iha gara mwa ravana aluna be atatu vwate mwa hav iloe tehe vaivotu be atatu n̄an gabe mwa laia lalainia.”