Kolosi 3:17 - Hano Niu Testamen

¹⁷ Ginau n̄oto be gom lolia i gom bevea vi loli be men gogonai Jisas nonda Ratahigi. I lol ginau n̄oto be gom lolia, gov lai tabeana lalai God tamanda sivi Jisas.

Kolosi 3:17 ပူးပေါင်းရင်းမြစ်များ

Matiu 28:19

Bwatuna gea, giv van vai lol sinombu duluai vataha ute, i giv lolira gi noḡu roron̄tai. Giv garuhisabugainira vai lol ihan Tata i Nitui i Vui Sabuga.

Lalaḡova 19:17

Haḡe ira Jius mai ira Lolobon̄i gabe ram dogo Ivisas ram ron̄oe huri ginau geki; i kera duluai ram masiri gin mataguana, i ram gogonai maragai ihan Ratahigi Jisas.

Lalaḡova 4:30

Gov sogai lua limwamwa ba barahu, i gam dataro be tagaro i ginau dan̄an̄a vi dumwi gin liman nom atatun rovoga Jisas.”

Ravrava non Pol lalai ata Rom 1:8

Muana nam doron be nav vevea be nam hav vev te tabeana lalai noḡu God sivi Jisas Kraes huri kimiu duluai, bwatuna be sinombu duluai lol ureure ram avoi nomiu binihimwasigi garagusi.

1 Korin 10:31

Mwasigi n̄ano be, gom ḡan ginau, sage gom lol hano tehe, gom lolia duluai huri sarisari non God.

Ifisas 1:17

nam hudali God non nonda Ratahigi Jisas Kraes, Tata be nu roroa liu be vi lai vuin mataisao i visirai lalai kimiu huri be giv ilo tavuhainia.

Ifisas 5:20

Giv avkari God huri vataha ginau duluai, lol ihan Ratahigi gida Jisas Kraes.

Filipae 1:11

be giv lol ginau tavuha ivusi mai buluiana non Jisas Kraes be vi lai roroa i avkari lalai God.

Filipae 2:11

I Kera duluai rav seserainia be Jisas Kraes kea Ratahigi, vi lai sarisari lalai God Tata.

Kolosi 1:12

I gov samwara ba lai tabeana lalai tata be nu loligo gom haḡo dum houn ginau duluai be nu lol vatuvwainia huri non sinombu lol ute ratahigi huri gigita.

Kolosi 2:7

Giv tau bwatbwatumiu vi roro aluna i giv lol rahumiu vi mauri aluna. Giv tu wasi lol binihimwasigi garagusi, kun be gin lai silo vagahina, i giv masiri gin tabeana.

Kolosi 3:15

Gov lin̄ tamwata gabe Kraes mwa laia vi vwalau binihimwa, bwatuna be nu uloi kimiu duluai vai lol rebehi gaituvwa be giv haḡo tamwata. Giv lai avkariana vataha mahavana.

Kolosi 3:23

Lol rovoga tavuha be gom lol dumwia, gov lolia kunia gabe gom lolia lalai God, take vorate lalai atatu.

1 Tesalonaeka 1:1

Nin Pol, Sailas, i Timoti. Lalai ira ata lol uloilua Tesalonaeka, i ata lol uloilua non God Tata i Ratahigi Jisas Kraes: Hogoi i tamwata lalai kimiu.

1 Tesalonaeka 5:18

i giv lai avoan avkari huri havanau te be mwa loli gaituvwa be loli. Kea haḡea havanau be God mwa doronia be vi loli lalai kimiu lol Kraes Jisas.

Hibru 1:5

God nu hav vevea tehe lalainira ira enjel vwate be, “Giḡo haḡea Nituku, bwatuna garigi Nam bora Tamamwa!” God mwa hav avo te hohoigi lalai enjel vwate ninira kunia be, “Nai vora Tamana, i kea vi vora Nituku!”

Hibru 13:15

Tataroi tuntun gea nu vavtutu huribe mwa mwalue nin atatu be ram uloi God be nora Ratahigi.

1 Pita 2:5

Kimiu mulei gin ḡun vatun rahuana, i giv lin̄ kimiu sibomiu ba lol tanon tataroi sabuga i be giv ḡun lalaḡo sabuga gabe mwa lai tataroi tuntun sabuga lalai God. Kea vi lai ira tataroi geki sivi Jisas Kraes.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

1 Pita 4:11

Ihei tehe be vi avo ta mwa du be si vev avoana nin God. Ihei tehe be vi bului tuana ta mwa du be vi bului mai muramura be God nu laia bwatuna be lol ginau duluai God vi uloi roroai sivi Jisas Kraes. Muramura i ute roroai nona vai tuai i tuai. Amen.

1 Jon 2:23

Be tas siehi naturigi tas siehi Tamana mulei. Take be tas vevea be tam dabe Nitui, tam dabe Tamana mulei.

1 Jon 3:18

Naturirigi gisav avo tehe n̄an huri lolotabetabe, take gin nom lalaḡova.