Kolosi 3:16 - Hano Niu Testamen

¹⁶ Giv lin̄ silo vagahi non Kraes vi togo mai kimiu tagaro. Giv haḡo mataisao n̄oto be giv vagahi i giv iloilo kimiu be giv lol iboi, iboin tataro mai iboi sabuga gin avoan avkari lol irubwimiu lalai God.

Kolosi 3:16 ပူးပေါင်းရင်းမြစ်များ

Matiu 26:30

Haḡe ram lol iboi vuvuri ram hae la vusin gai Oliv.

Leo Tavuha gabe Luk nu Ravae 2:51

I kea mwa dabagil mulei maira vai Nasaret i aia kea mwa dabe tamana i ratahina lol ginau duluai. I Mere mwa ḡoḡoi ḡoro ginau duluai kera geki lol sibwen̄ina.

Leo Tavuha gabe Jon nu Ravae 15:7

Be giv togo aloloku i noḡu avoana vi togo alolomiu, giv hudaligi huri havanau tehe gabe gim doronia, giv lai dumwia.

Ravrava non Pol lalai ata Rom 10:17

I binihimwasigi garagusi mwa mai ninia be mwa ron̄oana na Roroi Tavuha, i atatu ram ron̄ Roroi Tavuha lol taro be atatu vwate mwa bevea lalainira huri Kraes.

Ravrava non Pol lalai ata Rom 15:14

Ira tuaku, nam iloe be kimiu gin masiri gin tavuha. Nam iloe be kimiu gim do mai mataisao duluai be gim doronia i be kimiu giv vagahi dum kimiu gingin kimiu.

1 Korin 14:15

Havanau haḡea nav lolia? Nav tataro gin noḡu vui n̄ano? Sigai! Take nav tataro lol binihiḡu mulei. Nav lol iboi gin noḡu Vui, take gin binihiḡu mulei.

1 Korin 14:26

Ira tuaku, geki haḡea binihivanan hano be nam bevea. Lol taro be gim du bulbulu, atatu vwate nona iboi, i vwate nona silo vagahi. Vwate mwasigi gara nin God. Vwate mwa avo la avoan dodolua. I atatu vi vev binihivanan avoan dodolua. Ginau mutai huri ginau duluai geki be men bului uloilua be vi tu wasigi.

Ifisas 1:17

nam hudali God non nonda Ratahigi Jisas Kraes, Tata be nu roroa liu be vi lai vuin mataisao i visirai lalai kimiu huri be giv ilo tavuhainia.

Ifisas 5:17

Kimiu gisav taltale tehe take giv huhui havanau be Ratahigi mwa doronigo be gov lolia

Ifisas 5:19

Giv avo lalai vatvataha kimiu gin samsamwara, i iboi, i iboi ata lol vui, giv lol iboi ba lol iboi mwa gologolo lol sibwen̄imiu lalai Ratahigi.

Ifisas 5:26

be vi lolia gi bilan God. Kraes mwa avoinia gin avoana be men lol uloilua gim melmelo ginia be mwa bwagae gin wai.

Kolosi 1:28

I tav tu rahurahu be tav toretore huri Kraes lalai atat gaitutuvwai, tav haḡo mataisao duluai be tai vev dau i tav vagahi atatu duluai, la hala be tav lai gaitutuvwainira vai aben God kun gabe atat mituaga lol Kraes.

Kolosi 1:9

Bwatuna geki, lol gubwen̄i be gan ron̄oe hurigo, gam dataro rahurahu hurigo, nam hudali God be gov ilo didininia havanau be mwa doronia. Gam dataro be gov mataisaoga maragai i iloilo bwatuna be Vui Sabuga mwa laia lalainigo.

Kolosi 4:6

Lol taro be gom avo, gov av mahurigi i av maḡemu huribe gov vwaliu dum atatu duluai la hala be mwa du be gov lolia.

1 Tesalonaeka 1:8

I silo vagahi non Ratahigi God mwa bataha ute sivi kimiu, i nu vano vai Masedonia i Kris mulei, take kadogaha nomiu binihimwasigi garagusi alun God mwa iloana vataha ute. Kadogaha mwa hav tu tehe be gamen vev havanau huria.

1 Tesalonaeka 4:18

Haḡe giv turatura kimiu mai avoana kera geki.

2 Tesalonaeka 3:15

Gosav lolira tehe kunbe ira ivwalu. Gov lolira kunbe atat binihimwasigi.

1 Timoti 6:17

Vevea lalainira be ram rosoga gin ginau ata lol ureure geki be rasav sasagerega tehe. Vevea lalainira be rav doronhohov lol God, take sihav vora te alun roso be ram len̄a. God mwa hogoi tavuhai hogoi duluai lalai gida gin samsamwara.

2 Timoti 3:15

La mahavana be giḡo naturigi gon ilo Avoan Sabuga kea be mwa domuainigo vai lol varahuva sivi binihimwasigi garagusi lol Kraes Jisas.

Taetas 3:6

God mwa hora non Vui Sabuga gaivua vai aluda sivi Jisas Kraes nonda varahu.

Jemes 1:5

Take be ihei mwa doron mataisao vi hudali God huria. Kea nu maḡemu i samsamwara be vi laia lalai sinombu, i kea vi laia lalainigo mataisao.

Jemes 3:17

Take mataisao be mwa mai nin God kea muan ginau be nu melmelo. Ataguna tamwata, silo gogonai, i nu maron̄ron̄o be vi ron̄ mwahantai. Mataisao geki mwa lol vatuvwai be vi bului kera be ram dogo ririhai i vi lol tavuha lalai kera dodolua. Kea nu vavtutu i nu mwasigi.

Jemes 5:13

Be atatu vwate mwa dogo ginau hantai vwate mwa dumwia nu tavuha be vi tataro. Be vwate mwa samsamwara nu tavuha be vi lol iboi.

1 Jon 2:14

Ira naturirigi kokolo, nam ravae geki lalai kimiu, bwatuna gabe gim ilo Tata. Kimiu ira tama, nam ravae geki lalai kimiu bwatuna be gim ilo wani gabe nu togo mai kimiu la bwativuna. Ira mwalaḡelo, nam ravae geki lalai kimiu, bwatuna be kimiu gin muramura. Roroi non God nu ḡata garagusi huba lol sibwen̄imiu, i kimiu gim muramura ḡoro bwatigoro.

1 Jon 2:24

Giv tu wasigi alun roroi gabe gin ron̄oe muana vi ḡata lol sibwen̄imiu. Be roroi gabe gim ron̄oe muan mwa dogo alolomiu, kunia giv togo lol Nitui i lol Tata.

1 Jon 2:27

Kraes mwa batavuhai kimiu gin Vui Sabuga! I vui mwa dogo alolomiu, i gim hav mom doron te atatu mulei be men vagahi kimiu. Vui kea nu mwasigi i mwa bagahi kimiu huri ginau duluai. I giv tu wasigi nan alun Kraes, kun gabe vui mwa bagahi kimiu be giv tu wasigi aluna.

2 Jon 1:2

Gam dabe kimiu bwatun mwasigi be mwa dogo alolomai i vi togo mai kamai vai tuai.

Visirai 14:3

Sinombu vasan̄vul vudolu vatuvwa vena n̄avul gaivasi domwan gaivasi ram du la lolmatan tanon togotogon ratahigi, i la lolmatan ginau rahu gaivasi mai ira bwatmetua; ram lol ira iboi gara be atatu dodolua rasav lol te dumwia. Alolon atatu duluai, kera n̄an gea be rav rahu nin vurora.

Visirai 15:3

i ram lol iboi gabe Moses atatun rovoga non God nu lolia tuai, mai iboi non Nitui Sipsip ram bevea be; “Ratahigi God mwasin roron̄o, nu tavuha i nu vavtutu maragai na nom lalaḡova! Ratahigi Lavoa ḡoro varan sinombu duluai nom lalaḡova i alen̄amwa nu vavtutu!

Visirai 19:10

Nan sisiabwau lol bwalagen enjel i nam dau bwatuna nam ḡogonainia. Take enjel mwa bevea lalaiau be, “Gosav lolia te kunia! Inau atatun rovoga vuroi, kunigo mai atat dodolua gabe ram bevea huri Jisas. Gosav gogonai te atatu dolua take God!” Huribe mwasigi be nu seseraiana sivi Jisas, kea haḡea nu rihui ira atatun vevsera.

Visirai 5:9

Ram lol iboi gara ram bevea be: “Giḡo gon dadariha be gov lai buk lulun̄i i gov roto tigoro huri buka be vi mavugeri. Huri be giḡo gon bwalo, i gin mateanan gin mateanan nom ron̄ ḡagarasi mwa boligo huri sinombu non God alun varan sinombu duluai, lalan̄an avoana, i lalan̄an vanua mai lalan̄an atatu be gulira dodolua.