Kolosi 3:11 - Hano Niu Testamen

¹¹ Lol rahuan gara ginau vwate nu hav dolua tehe lol davolan ira Lolobon̄i mai ira Jius, kera gabe ran tav dovon̄ara i kera gabe ran hav tav te dovon̄ara, ira tausala sage ira len̄len̄aga, ira turi i ira mwaribwesi. Take Kraes kea lol ginau n̄oto, i Kraes mwa dogo lol ginau duluai.

Kolosi 3:11 ပူးပေါင်းရင်းမြစ်များ

Leo Tavuha gabe Jon nu Ravae 14:23

Jisas mwa bwaliua be, “Ihei tehe mwa dabeau vi ḡoḡoi noḡu silo vagahi. Tamaḡu vi tabea, i kamaru mai Tamaḡu garu vi mai huria ba dogo maia.

Leo Tavuha gabe Jon nu Ravae 15:5

“Inau mwasin bwatun taligaon waen, i kimiu rarana. Ihei tehe mwa bulu maiau, inau maia, i vi vwavwae bilin̄iai; huribe gisav lol te dum hano dagai niniau.

Leo Tavuha gabe Jon nu Ravae 17:23

Inau alolora i giḡo aloloku, huribe rai vora gaituvwa mwasigi, be ureure men iloe be gon horau i be gom dabera kun gabe gom dabeau.”

Lalaḡova 15:17

I kunia atatu duluai lol ureure rav mai huriau, i ira Lolobon̄i gabe nau uloinira be rai vora bilaku siboku.’

Lalaḡova 28:2

I atatu ata la vanua gea ram ḡita ḡoro tavuhai kamai. Haḡe mahavana be mwa dau bwatuna mwa uhe, ute mwa hohoga, kera ram bal gabi lalai kamai i gam dalainia.

Lalaḡova 28:4

Take mahavana be kera ata lol ute gea ram ḡitae be teltele mwa bivihi liman Pol ram bevea ginginira be, “Sihav vahala tehe, wani geki atat wehi surai. Kea nu rahu lol tahi gaivua huba, take God sihav varahua tehe.”

Ravrava non Pol lalai ata Rom 1:14

Noḡu rovoga lalai atatu n̄oto ata Krik i kera be ram hav vora te ata Krik, atat mataisao i kera be ram hav vora te atat mataisaoga.

Ravrava non Pol lalai ata Rom 3:22

God mwa lol atatu ram bavtutu maia sivi nora binihimwasigi garagusi alun Jisas Kraes. Geki mwasigi lalainira duluai be ram binihimwasigi Kraes, bwatuna be atatu duluai ran dadariha n̄ano:

Ravrava non Pol lalai ata Rom 3:29

I ke God kea God non ira Jius n̄ano? Ke kea nu hav vora te God non ira Lolobon̄i mulei? Uwe kunia,

1 Korin 12:13

Kraes kunia haḡea, rituai nin gida kera vara ira Jius, i rituai ira Lolobon̄i. Rituai nin gida ira turin rovoga, take rituai atat vuroi. Take gida n̄oto tam ḡaruhisabuga lol rebehi gaituvwa sivi Vui Sabuga gaituvwa. I nu tau gida duluai be tav harahara lol vui gaituvwa gea.

1 Korin 14:11

Take be nasav ilo binihiva huri ginau vwate be atat vwate mwa bevea lalainigo, nai vora tausala lalainia, i vi vora tausala lalaiau.

1 Korin 7:19

Nu hav vora te ginau vwate be atatu nu tavana sa sigai. Ginau mutai n̄ano be vi gogonainia na avoan dura non God.

Kelesia 2:20

Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Ifisas 1:23

kea gabe rebehin Kraes. Uloilua nu masiri latlate gin Kraes, i Kraes nu hogon bamasiri ginau duluai la hala duluai.

Ifisas 2:14

Kraes sibona kea nonda tamwata. Kea mwa lol saraḡo sinombu ata Jius mai kera be ram hav vora te sinombu ata Jius ram bora sinombu gaituvwa. Kera ram harabora kun gabe ute bwatu mwa bwat ḡorora, take Kraes mwa salan̄ai kaburai ute bwatun varihaiana gea ginia be mwa lin̄ mwasin rebehina sibona.

Ifisas 2:15

Silo non ira Jius mwa haḡo avoan wasi ivusi mai leo horai, take Kraes mwa lol nogonogoi kaburai silo gea. Bwatuna lalainia huri hano kea mwa lol tatan̄ana gairua ramuru bora sinombu gara gaituvwa alolona i la hala geki mwa lol tamwata.

Ifisas 3:17

Nam dataro be Kraes vi togo lol sibwen̄imwa gin binihimwasigi garagusi i be rahumwa vi tu wasigi lol lolotabetabe i be vi haḡoe alun tabeana.

Ifisas 3:6

Geki haḡea ginau dahuligi gea: be sivi Roroi Tavuha, ira Lolobon̄i rav bulu mai ira Jius lol vatavuha non God. Kera bilan rebehi n̄an gea, i ram bulbulu utegaituvwa lol tatauleo be God mwa lolia lol Kraes Jisas.

Ifisas 6:8

Gov vinihi dumwia be God vi lai tavwe lalai atatu duluai, turin rovoga sage atat vuroi, huri lolian tavuha.

Kolosi 2:10

I gom dogo gin rahuana duluai be gom bulu lol Kraes, gabe nu holomare hae liu ira tomuai duluai i muramura.

1 Jon 5:20

Tam iloe be Jisas Kraes nitun God nu mai, i nu vagahi gida gin mwasin God, i Jisas Kraes haḡea bwatuna be kadogaha tam bora bilan mwasin God gabe mwa lai rahuana vai tuai.

2 Jon 1:9

Ihei tehe be mwa ban avare la silo vagahi non Kraes i mwa hav lol te rahurahuinia be men huri non Silo Vagahi n̄ano kea mwa hav huri te God Vai lol rahuna. Take ihei be mwa huri rahurahu silo vagahi non Kraes kea mwa lai saraḡo tamanda i nituna vai alolona.