Kolosi 3:10 - Hano Niu Testamen

¹⁰ Gom saga gaisagan rahuan gara, kebe mwa lol garainigo i gom mai kun wani gabe nu loligo. Rahuan gara geki mwa lai lalainigo iloilo nin God.

Kolosi 3:10 ပူးပေါင်းရင်းမြစ်များ

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

Ravrava non Pol lalai ata Rom 12:2

Gosav leahigo te sibomwa be goi vora kun ata lol ureure geki, ta gov leahi la hal gara la halan binbinihi. Vuvuri gov vinihi dum hano be God mwa doronia hurigo, gov iloe be havanau nu tavuha i mwa lol dum binihina i havanau nu tavuha be giv lolia.

Ravrava non Pol lalai ata Rom 13:12

“Bon̄i” mwa bwelvwel gim nogo, “Rani” mwa sosori gin gida. I gida tav lin̄ ginau ata lol ute meto i tas lai vatahanan bwaloana ata lol gigita.

Ravrava non Pol lalai ata Rom 13:14

Take gov sagago mai ratahigi Jisas Kraes i gov vinihi malioi vuro be gom lolia hurin binihimwa sibomwa.

Ravrava non Pol lalai ata Rom 6:4

La mahavana be tam ḡaruhisabuga, tam davi gida mai Ratahigi i tam hara mateanana. Kunia n̄ano be Jisas nu tomare nin mateana gin muramura non God, gida mulei tav rahu gin rahuan tavuha.

Ravrava non Pol lalai ata Rom 8:29

God mwa ilora amua vuri mwa siv lol ureure, i mwa bevea be rai vora kun nituna, huribe Jisas vi vora tuagai lol ira huhugaituvwa ivusi.

2 Korin 3:18

Lol matada, mwa hav mom ḡagavuan te ḡoro. Gida duluai tam seserai dum sarisarin God, i tam leahi be tai mai kunia. Leahi geki be mwa mai aluda mwa lai sarisari gaivua, be mwa mai nin God, be kea Vui Sabuga.

2 Korin 4:16

Bwatuna gea binihimai mwa hav hovi tehe, haḡe gam hav lin̄ te rebehimai be rav metuaga i rav mandamanda, take vui alolomai mwa lol kamai gam ḡara vataha gubwen̄i.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

2 Korin 5:17

Be ihei kea bilan Kraes, kea mwa mai gi atat gara. Rahuan ata tuai mwa nogo. Ginau duluai ram mai gara.

Kelesia 6:15

Mwa hav vora te liu be atatu mwa lai tav dovon̄a sa sigai. Muan ginau liu be rav lol garainira mai atatu gara be God nu lolira.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Ifisas 2:15

Silo non ira Jius mwa haḡo avoan wasi ivusi mai leo horai, take Kraes mwa lol nogonogoi kaburai silo gea. Bwatuna lalainia huri hano kea mwa lol tatan̄ana gairua ramuru bora sinombu gara gaituvwa alolona i la hala geki mwa lol tamwata.

Kolosi 3:12

God nu gita luago i mwa loligo i non atat sabuga. Mwa dabego. I kunia gov sagago lol ginau haḡe kerageki: Gov hagav atat dolua, gov tabetabe, lin̄ mulei, sine hagavi, i ron̄ mwan̄ava.

Kolosi 3:14

Gov lol ginau n̄oto kerageki; take liu n̄ano be, gov tabe tuamwa. Lolotabetabe haḡea havanau be mwa haḡo bul kimiu duluai lol tamwata.

Filimon 1:6

Nam dataro be binihimwasigi be gom hogoinia vi loligo gov iloe huri vatavuha duluai be gam laia nin Kraes.

Hibru 6:6

Take ataguna ran lai tagunai nora binihimwasigi garagusi i ram bano mulei. I kadogaha hala vwate mulei sigai be vi mom lai dabagilui muleinira rai mai bilin̄ai nin vurora. Bwatuna be ran lol hala gea kun be ram boha Nitun God vai la volovolo mulei, ram lol busbusinia lolmatan sinombu.

1 Jon 2:3

Mahavana be tam dabe God, tam iloe mwasigi be tam dabe God.

1 Jon 2:5

Gida tav tabe God mwasigi n̄ano be tav tabea liu, i tam iloe be gida ira atatuna.

Visirai 21:5

Haḡe kea gabe mwa dogo la tanon togotogon ratahigi mwa bevea be, “Gita nam lol garai ginau duluai.” Haḡe mwa bevea lalaiau be, “Ravae ḡoroe, huri avoana geki mwasin avoana mwasigi.”