Kolosi 2:8 - Hano Niu Testamen

⁸ Gov iloe be atatu vwate si hav tomuai te dagainigo gin silo vagahi tentene gabe mwa mai nin atatu n̄ano, be mwa mai nin ira Vui hantai ata lol ureure geki, i vorate nin Kraes.

Kolosi 2:8 ပူးပေါင်းရင်းမြစ်များ

Matiu 10:17

Giv gitaḡoro, huri be atatu abena be rav vwirihi dum kimiu, i rav lai kimiu vai lol imwan harahara, i rai vivilis kimiu alolon nora imwa tataro.

Matiu 16:6

Jisas mwa bevea lalainira be, “Giv vugeri matamiu ba ḡita batoi is non ira Varise maira Sadusi.”

Matiu 7:15

“Giv gitaḡoro ira atatun vevsera tentene. Ram mai abemiu kun boe mamavu. Take alolora kera kun vwiriu turu.

Lalaḡova 17:18

Haḡe ata Kris rituai ram dogo gabe ran mataisaoga maragai la halan alen̄an nora avoana. I kera n̄an radu gea ram dogo ram biavo avo maia. Kera rituai ram bevea be, “Wani gea mwa siv lai avoana gea n̄an bonogai kunia. Mwa do mwa bev hano gea?” I atatu mulei rituai ram bevea be, “Kamai gam ron̄oe be kea mwa do mwa avo huri ira tagaro ata lol ute dodolua.” Ram do ram avo bwatuna be Pol mwa do mwa bev seserai Jisas i mwa bevea be God mwa lolia mwa rahu mulei atagun mateanana.

Lalaḡova 17:32

I ram ron̄oe be Pol mwa avo huri tomarean mulei, kunia atatu rituai ram lolia n̄an gi sovu, take atatu rituai ram bevea be, “Gam doron be gov avo alun geki mulei.”

Ravrava non Pol lalai ata Rom 16:17

Ira tuaku, nam hudali kimiu be giv gita ḡoro hurira be ram lol atatu be ramen vigaigai ginginira, i ram lol hantai binihimwasigi garagusi non atatu. Kera ram hae la mwasin silo vagahi gabe gin huhuinia, i giv togo dagai ninira.

1 Korin 10:12

Be gom binibe gon wasi, gov gitaḡoro be gosav hovi tehe.

1 Korin 8:9

Binihimiu nu maribwesi. Gov gitaḡoro be nom binihiva si hav lolira tehe be ran mandamanda lol binihimwasigi garagusi be rav hovi lol vuro.

2 Korin 10:5

i ginau ravravwega be ram lin̄ i ram ron̄ maḡemu huri Kraes.

Kelesia 1:14

Nam mai gi tomuai lol binihimwasigi lol varan ira Jius, nam lol tavuha liu varan ira Jius ivusi be taulumai dadariha. Nam lol ron̄oe liu ihei tehe be namen huri silo vagahi be nu laiana mwa himai nin ira sibida.

Kelesia 4:3

Kunia mulei huri gida. Gida lol taro vwate kun naturirigi, atat vauhi lalai ira silo lete lol ureure geki.

Kelesia 4:9

Take kadogaha gom ilo God mwasigi. Mwasigi, kea God be mwa ilogo. I huri hano be gom ban mulei huri ira silo mandamanda i silo lete be gon hurira amua? Gom doronia be goi vora turi huri ginau keragea mulei?

Kelesia 5:15

Be giv lol rahurahuinia be giv varihai mulmulei kimiu i giv haḡo bora kimiu lealea, giv gitaḡoro, besigai giv lol n̄oto bwarebware mulmulei kimiu.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

Ifisas 4:20

Take havanau be gin huhuinia nin Kraes, nu hav vora te kun geki.

Ifisas 5:6

Gosav mahin̄a tehe be atatu vi saruruhigo ginia be men vev ginau lalainigo be ram hav vora te mwasigi, bwatuna be ginau kerageki vi lai lolhoro non God vai alura be ram hav tabe te silona.

Filipae 3:2

Giv gita ḡoro hurira be ram lol ginau hantai, kera be kun ira vwiriu, kera be ram bev maragai huri tav rebehi.

Kolosi 2:18

Gosav lin̄ te atatu vwate be vi vevegigo huribe atatu keragea ram binihi sagera huri kera ira mataigigila i ram ḡogonai ira enjel. Bwatbwatun nora binihiva sigai i ram ravravwega huribe binihin atatu n̄ano.

Kolosi 2:20

Lol taro be gon mate mai Kraes i mwa lai luago nin ira Vui hantai ata lol ureure, huri hano haḡea gom lolia kun gabe gam dogo lalai ureure radu be gom huri ira silo kungeki.

Kolosi 2:22

Silo kerageki kea huri ginau ata lol ureure gabe ram bano lol taro be tam haḡora. Ram mai gi ginau vuroi n̄ano bwatuna be kea ira silo non atatu n̄ano i silo vagahi.

Kolosi 2:23

Bwatbwatun ira silo geki gitavanana nu hav tavuha tehe, huribe ram haḡo alen̄ tentene n̄ano huri lin̄mulei. I ram lol gogona tentene lalai ira enjel, i ram lol ron̄oe be ramen vwalau rebehira gin alen̄a be nu marahi i nu wasi. Take ginau gea mwa hav buluira tehe be ramen vwalau rebehira nin alen̄an vuro lol rebehi.

1 Timoti 6:20

Timoti gov gitaḡoro havanau be God nu taua huba alumwa. Gov tu dagai nin alen̄ taltale, avoan hahantai i nin vigaigaiana huri hano be mwa uloiana be, “iloute.”

2 Timoti 3:13

Take sinombu be ram hantai i ram ruruhi rituai rav tau bwatuna rav hantai i rav hantai liu. Rav ruruhi rituai, take mulei rav ruruhira sibora.

Hibru 13:9

Gisav huri te lalan̄an silo vagahi dodolua be mwa eno dagai nin hal vavtutu. Tav lai silo vagahi alun hogoi non God gabe mwa dabe gida, huria be vi lol wasi gida, take nu hav tavuha tehe be tav togo ba ḡita silo huri ginaganiana be vi lol gida tav wasi huria be ira hei gea be ram huri silo huri gina ganiana mwa hav buluira te n̄an haḡea.

Hibru 3:12

Kimiu ira tuaku mai ira hogosiku. Giv gitaḡoro be vwate nin kimiu lolona sihav masiri tehe gin binihiv hahantai, i kea sihav binihi te mwasigi God rahu, i kea vi taleva ninia.

1 Pita 1:18

Gim iloe be amua gin togo lol rahuan garagusi, la hala be mwa rovo atagu nin atatu be ran togo amua ninigo. Take gin rahu nin rahuan hantai. Nu vol kimiu, kun ginau be vi nogonogo dumwi kun vatlegiga, i vatan̄oga,

2 Pita 3:17

Ira tuaku, mulei be gin ron̄oe huri ginau geki, giv gitaḡoro. Gisav lin̄ te ira atat bwatigoro be rav tomuai dagai kimiu gin alen̄ lete be ram lolia. Giv gitaḡoro bere gim hovi nin nomiu binihimwasigi wasi.

2 Jon 1:8

Giv gitaḡoro sibomiu be gisav haḡo te bahal ginau duluai be gin lol rovoga huria, take be giv lai tavwe duluai.