5 Len̄len̄a be inau sigai maigo lol rebehiku, irubwiku mwa dogo maigo, i nam samwara be nav gita rahumwa tavuha i nom binihimwasigi garagusi alun Kraes.
Ihei be maro mwa gasia vi gan ginau lol imwana huribe lol taron togoan bulbulu gosav lai te silo vevegi non God alumwa sibomwa. Nai vevea huri hano be giv lolia lol taro be nav mai mulei.
Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.
Ira tuaku, gaituvwa be gam do dagai nin kimiu huri mahavan vwelvwele, binihimai duluai ram do radu mai kimiu. Gam doron maragai be gav gita kimiu, i gam lol ron̄oe maragai be gav gita kimiu, i gam lol ron̄oe maragai be gav lol dumwia.
Alen̄a gea be tam dau nonda doronhohov mwa du wasigi huria be tav lai dum ginau gea, kun gabe marahin waḡa be vi haḡo rahuda. Doronhohov vwate be nu saga mwasigi, be sihav rihu te dumwi. Doronhohov mwa ban sivi gavu gabe mwa du huba lol ute gogona non God.