Kolosi 2:2 - Hano Niu Testamen

² Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

Kolosi 2:2 ပူးပေါင်းရင်းမြစ်များ

Matiu 11:25

Lol mahavana gea Jisas mwa bevea be, “Tata, giḡo Ratahigi ḡoro ute atamare i lol ureure, nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao.

Matiu 11:27

“Tamaḡu nu lai ginau duluai lalaiau. Atatu vwate mwa hav ilo te Nitui, take Tata n̄an. Haḡe atatu vwate mwa hav ilo te Tata, take Nitui n̄an, i irahei Nitui mwa doron be vi lol bisirainia lalainira.

Matiu 13:11

Haḡe kea mwa avkorora be, “Mwa hogoi lalai kimiu be gimen ilo ginau ririhai huri Ute Lavoa atamare, take mwa hav hogoi tehe lalainira.

Leo Tavuha gabe Luk nu Ravae 1:1

Ratahigi Tiovilas: Atatu ivusi ran lol ron̄oe huba be ramen rava roroi huri ginau duluai gabe ran lolia abemai.

Leo Tavuha gabe Jon nu Ravae 10:30

Inau mai Tata gaituvwa n̄an.”

Leo Tavuha gabe Jon nu Ravae 10:38

Take be nam lol dumwira, son̄o be gim hav vinihi te mwasigiau, mwa du be giv binihimwasigi noḡu lalaḡova, huribe gimen ilo vatuvwainia vai tuai be Tata mwa dogo aloloku i inau nam dogo lol Tata.”

Leo Tavuha gabe Jon nu Ravae 16:15

Ginau non Tamaḡu duluai noḡu; bwatuna higea nam bevea be Vui vi lai ginau gabe nam laia lalainia ba bevea lalai kimiu.”

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

Leo Tavuha gabe Jon nu Ravae 5:17

Haḡe Jisas mwa bwaliura mwa bevea be, “Tamaḡu mwa lalaḡo vataha mahavana i inau mulei nav lalaḡo kunia.”

Leo Tavuha gabe Jon nu Ravae 5:23

Huri be vataha atatu rav binihimarahiau kun n̄an gabe ram binihi marahi Tata. Ihei tehe be mwa hav binihi te marahiau Nitun Tata, mwa hav binihi te marahi Tata be nu horau.”

Leo Tavuha gabe Jon nu Ravae 6:69

I kadogaha gan binihimwasigi i gam iloe be giḡo Wani Sabuga gabe mwa mai nin God.”

Lalaḡova 4:32

Ira binihimwasigi ram dogo gin binihiv gaituvwa mai lolora duluai. Atatu vwate sigai alolora be mwa uloi non ginau sibona be nona gahena, take ram hara ginau be nora sibora batvatahara.

Ravrava non Pol lalai ata Rom 15:13

Nam dataro lalai God be mwa hogoi doronhohov be vi hogon bamasiri kimiu gin ron̄ mwandavuha i tamwata lol taro be giv binihimwasigi garagusi aluna. I nomiu doronhohov vi maumauri gin muramura non Vui Sabuga.

Ravrava non Pol lalai ata Rom 16:25

Tav uloi roroai ihan God gabe vi lol dumwigo gov wasi lol binihimwasigi garagusi gin Roroi Tavuha gabe nu vevea lalai atatu i huri roroi huri Jisas Kraes. Roroi huri Kraes kea ginau hili gabe mwa dahuliana huri taul ivusi huba ta kadogaha mwa loliana mwa iloana.

Ravrava non Pol lalai ata Rom 2:4

Kea nu tavuha i nu maḡemu lol alen̄ana, mwa hohovigo be gomen leahi, ta gom binihi bahivoi non togonai. Bisata gom hav gita te batoia be God mwa lol tavuhainigo be gomen leahi alen̄amwa i rahumwa.

1 Korin 14:31

Goi vev dum lolon avoana gaituvwa vuri dolua. La hala geki atatu n̄oto rav lai silo vagahi i avoan dura.

1 Korin 2:12

Kunia gida tam hav lai te Vui ata lol ureure; take tam lai Vui n̄ano be mwa mai nin God, huria be tav ilo dum havanau duluai be God mwa laia lalai gida.

Kelesia 3:28

Lol Kraes nu hav vora te dolua lol davolan ira varan ira Jius mai ira Lolobon̄i, atat vauhi i atat maribwesi, atamwani i vavine, kimiu n̄oto gin dadariha lol Kraes Jisas.

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

Ifisas 3:16

Nam hudali Tata lol sarisarina gaivua be vi lai muramura lalainigo be gov muramura lol lolomwa sivi non Vui.

Ifisas 3:3

Nu mahin̄aiau be nav ilo non taritari dahuligi ginia be mwa bagahiau ginia. Nan ravae tiri kolo huba hurira geki.

Ifisas 6:22

Nam horae lalai kimiu huri binbinihi geki huribe giv iloe be gam dogo kunhanigi, i vi av dura kimiu.

Filipae 2:1

Rahumiu lol Kraes mwa lai muramura lalai kimiu, non lolotabetabe mwa lol maḡomaḡo lolomiu. Gim bete ute gaituvwa lol Vui Sabuga, i gim haḡo sine hagavi i tabeana.

Filipae 3:8

Mwa hav vora te huri ginau n̄an kera gea, take nan binihia be ginau duluai tavuhara sigai be tav dadarihainira mai iloilo huri Kraes Jisas noḡu Ratahigi. Hurira, nam lin̄ ginau duluai kera gea i kadogaha nam iloe be kera han̄ora. Geki mahin̄aiau be nav lai Kraes

Kolosi 1:26

Roroi geki kea ginau hili be nu tahulinia nin atatu duluai, la bwatun tauva, take kadogaha mwa lolian seserai lalai ira atat sabuga non God.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

Kolosi 1:9

Bwatuna geki, lol gubwen̄i be gan ron̄oe hurigo, gam dataro rahurahu hurigo, nam hudali God be gov ilo didininia havanau be mwa doronia. Gam dataro be gov mataisaoga maragai i iloilo bwatuna be Vui Sabuga mwa laia lalainigo.

Kolosi 2:19

Ram hav tu te wasi la Kraes, gabe bwatbwatuna. Kraes kea bwatun rebehi. Kraes kea mwa bwalao rebehi n̄oto. Mwa ban̄an rebehi i mwa haḡo bulbulua ute gaituvwa mai ira hui i ira wesi. Rebehi gea mwa mauri la halana be God mwa doronia be vi mauri.

Kolosi 3:14

Gov lol ginau n̄oto kerageki; take liu n̄ano be, gov tabe tuamwa. Lolotabetabe haḡea havanau be mwa haḡo bul kimiu duluai lol tamwata.

Kolosi 4:3

Giv tataro mulei huri kamai be God vi lai non mwasigi lalai kamai be gav toretore dumwi la ginau dahuligi be God nu lol melmeloinia huri Kraes. Kea haḡea kadogaha nam dogo lol imwa vauvauhi.

Kolosi 4:8

Kea haḡea bwatuna nam horae: huribe gov iloe kun hanigi haḡe kamai gam dogo i kea vi av dura kimiu.

1 Tesalonaeka 1:5

bwatuna be Roroi Tavuha be gan laia vai abemiu nu hav vora te gin avoana n̄ano, take gin muramura, non Vui Sabuga, i mai binihimwasigi wasi be kea mwasigi. Mulei gin iloe be gon togo kun hanigi batena be kamai abemiu be gai bului kimiu.

1 Tesalonaeka 3:2

I nav hora Timoti vai abemiu. Timoti, kea tuamai mwa lol rovoga mai kamai huri God i mwa bului kamai be gai vevea lalai sinombu huri Roroi Tavuha huri Kraes. Gam horae be vi vamuramura i vi avdura kimiu lol nomiu binihimwasigi garagusi,

1 Tesalonaeka 5:14

Gam hudali kimiu, ira tua be, giv vasinerani kera be ram hav lol te rovoga. Giv tura sinombu be ram matagu. Bului kera be ram beuga. Giv haḡo sine mahuri hurira duluai.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 6:11

I kamai gam doron maragai be nomiu binihiva vi tu wasigi tagaro, i giv lai dum ginau gea be nomiu doronhohov mwa du wasigi aluna.

2 Pita 1:10

Ira tuaku atamwani i vavine, giv vinihi hahavwani be kimiu mwasigi gin uloiana i gin gitan lua sivi God. Kebe giv lol ginau duluai geki, gisav hovi te dumwi.

2 Pita 1:3

Jisas nu haḡo muramura non God, i kea haḡea nu lai ginau duluai lalai gida be tam doronia huri rahuana i be tav lol rovoga lalai God. Gida tam haḡo ginau kera geki bwatuna be tam iloe. Jisas mwa uloi gida gin non sarisari i non tavuha.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.

1 Jon 3:19

Kunia haḡea be tam iloe be tam huri mwasin hala non God? Geki haḡea hala be tam iloe be God mwa dogo mai gida.

1 Jon 5:7

Ginau gaitolu be ram lol seserainia,