Kolosi 2:19 - Hano Niu Testamen

¹⁹ Ram hav tu te wasi la Kraes, gabe bwatbwatuna. Kraes kea bwatun rebehi. Kraes kea mwa bwalao rebehi n̄oto. Mwa ban̄an rebehi i mwa haḡo bulbulua ute gaituvwa mai ira hui i ira wesi. Rebehi gea mwa mauri la halana be God mwa doronia be vi mauri.

Kolosi 2:19 ပူးပေါင်းရင်းမြစ်များ

Leo Tavuha gabe Luk nu Ravae 5:38

Take, waen gara vi sisiaiana vai lol bwelehu gara!

Leo Tavuha gabe Jon nu Ravae 17:21

Nam dataro be kera duluai rai bul gaituvwa. Tata! Nam dataro be kera rav bulu alolodaru, kunia n̄an gabe giḡo aloloku i inau alolomwa. Nam dataro be rav bul gaituvwa, huribe ureure vi binihimwasigi be gon horau.

Lalaḡova 4:32

Ira binihimwasigi ram dogo gin binihiv gaituvwa mai lolora duluai. Atatu vwate sigai alolora be mwa uloi non ginau sibona be nona gahena, take ram hara ginau be nora sibora batvatahara.

Ravrava non Pol lalai ata Rom 11:17

Ke kunia n̄ano be tavalun raran gai nin bwatun gai oliv ran mosi dagatagai. Kimiu ira Lolobon̄i gin kun raran gai oliv turu be nu tarihouana vai la muan bwatuna. Kadogaha kimiu gim hara muramura i rahun muan bwatungai, ira Jius.

1 Korin 1:10

Ira tuaku, inau hala non Jisas Kraes, nam navohi kimiu be giv bulgaituvwa huribe harabora vi sigai lol davolamiu. Giv bulgaituvwa mai binihiv gaituvwa lol binihimiu mai alen̄amiu.

1 Korin 11:3

Ta nam doronia be giv ilo ginau geki: Tomuai huri atamwani duluai kea Kraes, i tomuai huri vavine duluai kea ahoana, i tomuai huri Kraes kea God.

1 Korin 3:6

Inau nan riv biri, i Apolos mwa ruhua gin wai. Take God kea n̄an atatu gaituvwa be mwa lolia mwa mauri.

Ifisas 1:22

God nu tau ginau duluai aten non muramura i nu lolia gi tomuai ḡoro ginau duluai huri uloilua,

Ifisas 1:23

kea gabe rebehin Kraes. Uloilua nu masiri latlate gin Kraes, i Kraes nu hogon bamasiri ginau duluai la hala duluai.

Ifisas 2:21

i haḡohaḡo imwa gea mwa bulu ute gaituvwa lol Kraes. Kea mwa lolira ram mauri i ram bora imwa tataro sabuga lol Ratahigi.

Ifisas 4:3

Kimiu giv bulu hara gaituvwa mai tamwata sivi Vui Sabuga, i giv lol dum hala duluai be vi van rahurahu hara gaituvwa la hala geki.

Ifisas 5:29

Atatu vwate mwa hav varihai te dum rebehina sibona, take mwa ban̄ania i mwa ḡitaḡoroe. I kea haḡea havanau be Kraes mwa lolia huri uloilua,

Filipae 1:27

Ginau gaituvwa n̄an be nam binihi maragainia. Be giv gitae be giv togo la hala be vi lai binihi marahi lalai Roroi tavuha huri Kraes. Be nam dogo mai kimiu sa nam lago dagai nin kimiu, be gim du wasigi mai binihiv gaituvwa, be giv lol rovoga bulbulu kun gaituvwa lol binihimwasigi garagusi huri Roroi Tavuha.

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Kolosi 1:18

Kea haḡea bwatun rebehi, gabe uloilua. Ginau duluai mwa mai ninia. Kea muana gabe nu tomare nin mateana. I lol ginau duluai Jisas kea muana.

Kolosi 2:2

Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

1 Tesalonaeka 3:12

Nam dataro be Ratahigi vi lol nomiu lolotabetabe vi mauri liu i vi mauri huri kimiu gaitutuvwai i huri sinombu duluai huri be giv lolotabetabe kera dodolua kunia be kamai gam dabe kimiu.

1 Tesalonaeka 4:10

I mwasigi gim lolotabetabe atatun Kraes duluai be ram do Masedonia. Ira tuaku, kadogaha gam dura kimiu be giv tabera vivora liu.

2 Tesalonaeka 1:3

Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

1 Pita 3:8

Nogonana, kimiu duluai gis togo lol dameana, giv ilo kimiu gaitutuvwai, giv tabetabe kimiu kun abe ata lol imwa gaituvwa, giv maḡemu i giv tavuha.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.