Kolosi 2:18 - Hano Niu Testamen

¹⁸ Gosav lin̄ te atatu vwate be vi vevegigo huribe atatu keragea ram binihi sagera huri kera ira mataigigila i ram ḡogonai ira enjel. Bwatbwatun nora binihiva sigai i ram ravravwega huribe binihin atatu n̄ano.

Kolosi 2:18 ပူးပေါင်းရင်းမြစ်များ

Matiu 24:24

Bwatuna Kraes tentene i atatun vevsera tentene rai visirai i rav lol dovon̄a i taro ririhai be ramen salainira gabe God nu gita luara, be si dum.

Ravrava non Pol lalai ata Rom 1:25

Ram hav vinihi te mwasigi God ram binihia be mwa dentene. Ram ḡogonai i ram lol hano be God nu lolia ninia be rav uloi roroai ihan Ratahigi nonda God vai tuai vai tuai! Amen.

Ravrava non Pol lalai ata Rom 16:18

Atatu kunia ram hav lol te rovoga non Ratahigi Kraes ta ram lol ginau n̄ano be mwa hurin nora doroniva. Ram avo la avoan ravravwega i avoan lulumwu be ramen ḡalira be ram hav ilo te ginau lete.

1 Korin 13:4

Lolotabetabe kea i lin̄ mulei i lolo tavuha, tabeana vorate binbinihi hantai, vorate mwa bigaigai i vorate ravwegana.

1 Korin 3:3

bwatuna be kimiu gin hav masiri te radu gin Vui Sabuga. Binbinihi hantai mai vigaigaiana mwa du radu alolomiu, i geki mwa seserainia be vui sigai radu alolomiu. Kimiu gim lolia radu kun gabe sinombu ata lol ureure geki.

1 Korin 4:18

Rituai alolomiu ram bavora ram sasagerega, ram binihia be nasav mom mai te mulei vai abemiu.

1 Korin 4:6

Ira tuaku mai ira hogosiku, Inau nam avo maragai la ihamaru mai Apolos kun gabe malele i kimiu giv huhuinia alumaru, huribe giv gita batoi ira binihivanan avoana kera geki, “Giv huri havanau n̄an lua be mwa ravae lol Ravrava Sabuga.” I aia gosav sagerei te atatu gaituvwa liu nin atatu dodolua.

1 Korin 8:1

Kadogaha nav avoinia huri ginau duluai gabe gon ravae lalaiau huri nun vatu. Tam iloe be gida duluai “nonda iloilo abena.” Iloilo mwa sogai luago be gomen ravwega, take lolotabetabe mwa mauri hae.

1 Korin 9:24

Gom iloe be lol taron rovoana, atatu n̄oto rav rovo take atatu n̄an gaituvwa be vi lai tabeana. Haḡe giv rovo huribe giv lai tabeana gea.

2 Korin 11:3

Take nam matagu be binihimiu rav sala dagai nin halamiu mwasigi i hal melmelo be gim huri Kraes kunia be teltele nu ruruhi Iv mai non hal hahantai.

2 Korin 12:20

Nam binihi gairuruai be batena be nai mai, berevai gim hav vora te kunia be nam binihia be vi vora kunia, i inau nasav vora te atatu kunia be gin doroniau be nai vora kunia. Nam hen binihi gairuruai alolomiu be sigai ta vigaigaiana, binbinihi hantai, lolhoro, bwaloana, bugurana, avoan bibili, hun̄ahun̄a, binihiv sage, i vi len̄len̄aga.

Ifisas 4:17

Nam bevea lalainigo geki be la ihan Ratahigi, rahumiu sihav togo rahurahu kun ira len̄len̄aga be nora binbinihi nu hav dadariha tehe.

Ifisas 5:6

Gosav mahin̄a tehe be atatu vi saruruhigo ginia be men vev ginau lalainigo be ram hav vora te mwasigi, bwatuna be ginau kerageki vi lai lolhoro non God vai alura be ram hav tabe te silona.

Filipae 3:14

Nam lol ron̄oe tagaro be nai votui tovtovo gea i nav lai tavwe kea be God nu uloiau sivi Kraes Jisas huri rahuana amare.

Kolosi 2:23

Bwatbwatun ira silo geki gitavanana nu hav tavuha tehe, huribe ram haḡo alen̄ tentene n̄ano huri lin̄mulei. I ram lol gogona tentene lalai ira enjel, i ram lol ron̄oe be ramen vwalau rebehira gin alen̄a be nu marahi i nu wasi. Take ginau gea mwa hav buluira tehe be ramen vwalau rebehira nin alen̄an vuro lol rebehi.

Kolosi 2:4

Nam bevea kungeki huribe atatu vwate si hav saruruhigo tehe gin vigaigaiana be men tavuha, take tenteneana.

Kolosi 2:8

Gov iloe be atatu vwate si hav tomuai te dagainigo gin silo vagahi tentene gabe mwa mai nin atatu n̄ano, be mwa mai nin ira Vui hantai ata lol ureure geki, i vorate nin Kraes.

1 Timoti 1:7

Ram doron be rai vora vagahin silo, take ram hav ilo te halana mulei be ram bev havanau sa be ram binihimwasiginia.

1 Timoti 4:1

Kadogaha Vui Sabuga mwa bevea mwa melmelo be vai ataguna atatu rituai rav van dagai nin nora binihimwasigi garagusi. Rav huri Vui be mwa dentene i mwa huri silo vagahi non atmate.

2 Pita 2:14

Vataha mahavana ram ḡita vavine be ram doronia, i nora doroniva huri vuro mwa hav haraharai tehe. Ran tomuai sinombu be ran mandamanda vai lol vidin vuro, i ran Vagahi sibwen̄ira be rav doron liu. God vi vevegira!

1 Jon 2:26

Nam ravae gi avoan dura lalai kimiu huri sinombu kera gea be ram domuai bwarebware kimiu.

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 13:14

Haḡe mwa ruruhi sinombu duluai be mwa dogo lol ureure, ginia be God mwa mahin̄ainia mwa lol ginau dan̄an̄a i tagaro la lolmatan muan ginau rahu gea. I kea mwa bevea lalainira be rav tai nunu vwate gabe nunun muan ginau rahu gabe ran saria gin buan bwaloana take mwa rahu mwa dogo radu, be kera rav gogonainia.

Visirai 13:8

Ira sinombu duluai be ram dogo lol ureure rav gogonainia, take barabe atatu gabe nu ravan ḡoro na ihara lol bukan rahuana, gabe buka non Nitui Sipsip gabe nu wehiana.

Visirai 19:10

Nan sisiabwau lol bwalagen enjel i nam dau bwatuna nam ḡogonainia. Take enjel mwa bevea lalaiau be, “Gosav lolia te kunia! Inau atatun rovoga vuroi, kunigo mai atat dodolua gabe ram bevea huri Jisas. Gosav gogonai te atatu dolua take God!” Huribe mwasigi be nu seseraiana sivi Jisas, kea haḡea nu rihui ira atatun vevsera.

Visirai 3:11

Nai mai mulei vilvilehi, giv gitaḡoro tavuhai havanau tehe gabe, gin laia huba, huria be atatu vwate sihav surainigo tehe alun tavwen nom rihu maragai.