Kolosi 2:13 - Hano Niu Testamen

¹³ Lol taro gabe gom mate gin vuromwa, huribe vorate gom maribwesi nin muramuran vuromwa sibomwa. Bwatuna be kimiu ira Lolobon̄i, kimiu gim dogo avare nin Silo. Take God mwa loligo gom rahurahu mai Kraes, i mwa binihi kaburai vuroda duluai.

Kolosi 2:13 ပူးပေါင်းရင်းမြစ်များ

Leo Tavuha gabe Luk nu Ravae 15:24

Huri be nituku uhu nu mate take uhugaha mwa rahu mulei; kea nu sala take mwa habwean mulei.” Haḡe ginaganian lavoa mwa daubwatuna.

Leo Tavuha gabe Luk nu Ravae 15:32

Take mwa du be tav samsamwara ba ḡan ginau huria, bwatuna be tuamwa nu mate haḡe ta mwa rahu mulei; nu sala take mwa habwean mulei.’ ”

Leo Tavuha gabe Luk nu Ravae 9:60

Jisas mwa bwaliua be, “Lin̄ atatmate ba ran tavi nora atatmate. Giḡo vano ba doretore huri rahuan gara gabe God mwa Ratahigi ḡoro non sinombu alolona.”

Leo Tavuha gabe Jon nu Ravae 5:21

Kun tata nu lol domarei ira atatmate i mwa lai rahuana lalainira, kunia mulei inau Nituna nav lai rahuana lalai irahei be nam doronira.

Leo Tavuha gabe Jon nu Ravae 6:63

Ginau gabe mwa lai rahuana kea Vui Sabuga non God, take muramura non atatu nu hav dadariha tehe. Ta avoana duluai gabe nam laia lalai kimiu mwa lai rahuana i Vui Sabuga.

Ravrava non Pol lalai ata Rom 4:17

Kunia gabe mwa ravana lol avoan sabuga be, “Nam loligo i taman varan sinombu ivusi.” Geki mwasigi amua la lolmatan God, God gabe Ebraham mwa binihimwasiginia, God gabe mwa lai rahuana lalainira be ran mate i vi lol dum ginau be ram dogo, i rav visirai, i ram du.

Ravrava non Pol lalai ata Rom 6:13

Gosav lin̄ te rahumwa be vi gogonai vuro, kun ginau be gamen lolia be men lol vuro. Ninia gea, lin̄igo sibomwa la liman God kunira be ran mate i kadogaha ram rahu. Kamai gam lolia gin rebehimai be gamen vuroga.

Ravrava non Pol lalai ata Rom 8:11

God nu lol domarei mulei Jisas nin mateana, i kebe Vui Sabuga non God mwa dogo maigo, kea vi lai rahuana mulei lalai rebehimwa be mwa mate. God kea haḡea be nu lol domarei mulei Jisas nin mateana, i vi lai rahuana sivi non Vui Sabuga be mwa dogo alolomwa.

1 Korin 15:36

Atat bwaḡelega! Lol taro be gom riv biri, vi mate lol tano amua gim siv rahu ba mauri.

1 Korin 15:45

Nu ravana lol avoan sabuga be; “Muan atatu, Adam, kea muan atatu be nu lai rahuana, take nogonan Adam kea vui be mwa lai rahuana.

2 Korin 3:6

Nu lol kamai gam mai dum gi atatun rovoga huri damean gara ninia sibona lalai non sinombu. Damean gara uhu nu hav vora te silo be nu rava, take kea vui. Silo be nu ravana mwa lai mateana, take Vui kea mwa lai rahuana.

2 Korin 5:19

God kea lol Kraes, mwa lol tamwata lol davolan ureure i kea sibona. Lol Kraes, God nu hav haḡo te wasi ureure be vi ron̄oe be mwa bahala lol bwatigoro, i nu lai lalai gida roroi geki huri tamwata.

Ifisas 2:1

Tuai huba kimiu gin mate lol Vui bwatuna be vuromiu i ginau be gin lolia vai alun God.

Ifisas 2:11

Gisav vinihi te malioi be kimiu ira Lolobon̄i. Taro vwate ran uloi kimiu be ira “tavdovon̄ana sigai” na kera be ran sasagerega be ran tav dovon̄ara.

Ifisas 5:14

i ginau duluai be mwa loliana mwa maron̄ron̄o vi mai dumwi gi gigita. Geki haḡea huri havanau mwa bevea be: “Mamata nin maturuva! Tomare nin mateana, i Kraes vi gigita alumwa.”

Kolosi 2:12

Lol taro be gon garuhisabuga, ram davinigo mai Kraes, i gom domare mulei maia sivi nom binihimwasigi garagusi lol muramura non God gabe mwa seseraiana lol taro gabe mwa domarei mulei Kraes nin mateana.

1 Timoti 5:6

Take bwero be lol rahuna mwa lol ginau kun be mwa doron be men ron̄ mwandavuha, kea nu mate mwasigi be mwa rahu radu.

1 Timoti 6:13

La lolmatan God, kea be mwa lai rahuana lalai ginau duluai, i alun Kraes Jisas, nam lai avoan wasi lalainigo. Kraes Jisas nu vev lua tavuhainia batena be nu tu lolmatan Pontus Paelat.

Hibru 6:1

Huri ginau geki si tavuha maragai be tas van bavtutu la avoana be mwa lol gida tam mituaga huba lol nonda binihimwasigi garagusi. Tasav mom lol te mulei bwatbwatun imwa. Gim ilo ginau kera geki huba. Mwa hav tu tehe be gisav mom lol te mulei alen̄a gea be tamen avoinia be gida tav leahi rahuda nin alen̄a ata tuai be nu salai gida nin God.

Hibru 9:14

Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

Jemes 2:17

Nom avoana ram bora ginau vuroi n̄ano. La hala n̄an gea, binihimwasigi garagusi be mwa du sibona, binihimwasigi garagusi be mwa hav lol te ginau vwate, binihimwasigi garagusi gea nu mate.

Jemes 2:20

Kimiu ira daloi! Gom doronbe nai vagahigo be binihimwasigi garagusi mwa hav lol te ginau vwate?

Jemes 2:26

Kunia be rebehin atatu be vui alolona nu mate, i binihimwasigi garagusi be mwa hav lol te ginau vwate kea mulei nu mate!

1 Jon 2:12

Ira nituku, nam ravae geki lalai kimiu, bwatuna be vuromiu nu binihi kaburainia la ihan Kraes.