Kolosi 2:12 - Hano Niu Testamen

¹² Lol taro be gon garuhisabuga, ram davinigo mai Kraes, i gom domare mulei maia sivi nom binihimwasigi garagusi lol muramura non God gabe mwa seseraiana lol taro gabe mwa domarei mulei Kraes nin mateana.

Kolosi 2:12 ပူးပေါင်းရင်းမြစ်များ

Leo Tavuha gabe Luk nu Ravae 17:5

Haḡe ira hala ram hudali Ratahigi ram bevea be, “Gov lol gavuai nomai binihimasigi garagusi.”

Lalaḡova 14:27

Haḡe mahavana be ramuru botu Antiok, ramuru hara ḡoḡo sinombun uloilua duluai ute gaituvwa, i ramuru bevea lalainira huri ginau duluai gabe God nu lolia bul maira, i kun hanigi kea nu havan̄ hala huri ira Lolobon̄i be rav binihimwasigi.

Lalaḡova 2:24

Take God nu lol domarei muleinia nin mateana, i mwa ribwesia gin non muramura, bwatuna be mateanana sihav rihu te maragai ninia.

Lalaḡova 2:32

God nu lol barahu wani gea Jisas huba nin mateana, i kamai duluai haḡe gam seserai luae huri ginau gea.

Ravrava non Pol lalai ata Rom 4:24

ta huri gida mulei. God vi dara alun nonda binihimwasigi mulei huribe tam binihimwasigi aluna be nu tomarei mulei Jisas nonda Ratahigi nin mateana.

Ravrava non Pol lalai ata Rom 7:4

Lol hala n̄an gea, ira tuaku, huria be kimiu gin tarihou huba mai Kraes lol rebehina, nu kunia n̄ano be gin mate huba mai. Geki mwa loli bwatuna be kimiu gis vora non atat dolua kea be nu tomare nin mateana i be gida tav lol rovoga tavuha non God.

1 Korin 12:13

Kraes kunia haḡea, rituai nin gida kera vara ira Jius, i rituai ira Lolobon̄i. Rituai nin gida ira turin rovoga, take rituai atat vuroi. Take gida n̄oto tam ḡaruhisabuga lol rebehi gaituvwa sivi Vui Sabuga gaituvwa. I nu tau gida duluai be tav harahara lol vui gaituvwa gea.

1 Korin 15:20

Take Kraes mwasigi nu tomare nin mateana muana i mwasigi be irahei be ram maturu lol mateana rav tomare kunia.

Ifisas 2:8

Nam bevea gin binihiva be kimiu gin rahu gin hogoi non God sivi binihimwasigi garagusi. Gin hav varahu te kimiu sibomiu; take kea hogoi non God.

Ifisas 3:17

Nam dataro be Kraes vi togo lol sibwen̄imwa gin binihimwasigi garagusi i be rahumwa vi tu wasigi lol lolotabetabe i be vi haḡoe alun tabeana.

Ifisas 3:7

Gin mwasin hogoi non God be mwa laia lalaiau sivi nin muramura, inau nam mai gi atatun rovoga be namen vev lua Roroi Tavuha gea.

Ifisas 4:5

Aia Ratahigi gaituvwa, binihimwasigi garagusi gaituvwa, i garuhisabuga gaituvwa.

Ifisas 5:14

i ginau duluai be mwa loliana mwa maron̄ron̄o vi mai dumwi gi gigita. Geki haḡea huri havanau mwa bevea be: “Mamata nin maturuva! Tomare nin mateana, i Kraes vi gigita alumwa.”

Filipae 1:29

God nu lai binihi marahi la hala gairua, nu hav vora te huria n̄an be gim binihimwasigi lol Kraes take mulei huria be gim ron̄ ḡagarasi huria, hala saraḡo ram lai sarisari lalai Kraes.

Kolosi 1:29

Huribe men loli kun geki, nam lol rovoga i nam du wasi, gin muramura wasi non Kraes be mwa lol rovoga muramuraga aloloku.

Kolosi 2:13

Lol taro gabe gom mate gin vuromwa, huribe vorate gom maribwesi nin muramuran vuromwa sibomwa. Bwatuna be kimiu ira Lolobon̄i, kimiu gim dogo avare nin Silo. Take God mwa loligo gom rahurahu mai Kraes, i mwa binihi kaburai vuroda duluai.

Hibru 12:2

Matada vi tutu alun Jisas vataha mahavana, huria be alen̄an nonda binihimwasigi garagusi nu mwalue n̄an ninia, i nu bwativuga la vavorana vai votui nogonana. Mahavana be nu hae be men mate la volovolo, nu hav derai te dagai hala gea. Nu gita batoia, be kea vi ron̄ mwa davuha nu hav mom binihia tehe be non duleana la volovolo gea vain busbusiana lalainia, kea nu samsamwara n̄ano. I kadogaha, kea mwa dogo lol ute ata amare la mwatuan Tanon togotogon Ratahigi God.

Hibru 6:2

Mwa hav tu tehe be tav avoi avoanan garuhisabuga mai vatavuhai bwatu. Kimiu gim iloe tomarean mulei i silo vevegi vai tuai lol gubwen̄i be vi mai.

1 Pita 3:21

I wai gea nu ḡun garuhisabuga be kadogaha mwa barahugo, i nu hav bwaga te dagai han̄ora nin rebehi, take tatauleo be nu loliana lalai God nin binihiv tavuha. I geki huribe Jisas Kraes nu tomare nin mateana.