Kolosi 1:6 - Hano Niu Testamen

⁶ Lol ute duluai lol ureure, Roroi Tavuha gea mwa lon̄ahi ute n̄oto lol ureure. Roroi Tavuha geki mwa lai vatavuha vataha ute lol ureure, kun vatavuha be nu mai alumwa lol muan gubwen̄i be gon ron̄oe huri hogoi non God. Kadogaha gom iloe ginau n̄oto i mwasigi huri hogoi non God.

Kolosi 1:6 ပူးပေါင်းရင်းမြစ်များ

Matiu 24:14

I Roroi Tavuha huri rahuan gara God mwa ratahigi ḡoro non sinombu alolona vi toretore huria lol ureure duluai, be vi vora turaturana lalai sinombu duluai, i ataguna gea nogonan gubwen̄ gim siv mai.

Matiu 28:19

Bwatuna gea, giv van vai lol sinombu duluai vataha ute, i giv lolira gi noḡu roron̄tai. Giv garuhisabugainira vai lol ihan Tata i Nitui i Vui Sabuga.

Leo Tavuha gabe Mak nu Ravae 16:15

Haḡe Jisas mwa bevea lalainira be, “Gin van lol ureure duluai ba doretore huri Leo Tavuha.

Leo Tavuha gabe Mak nu Ravae 4:8

Take biri rituai ran hovi lol mwasin tano, ram dabwahu ram mauri, vaivotu ram bwae: rituai vwaira n̄avul gaitolu, i rituai n̄avul gaiono, i rituai vudolua.”

Leo Tavuha gabe Jon nu Ravae 15:16

Gin hav gita te luau; nan gita lua kimiu i nam uloi kimiu be giv vano ba bwavwae bilin̄ai, vwae gai gabe vi tu vai tuai. Haḡe Tata vi lai havanau tehe lalai kimiu gabe gim hudalinia lol ihaku.

Leo Tavuha gabe Jon nu Ravae 17:19

Nam lin̄iau siboku lalainigo bwatuna kera, huribe kera mulei, mwa du be rav lin̄ira sibora lalainigo.”

Leo Tavuha gabe Jon nu Ravae 4:23

Take mahavana vi mai, i nu votu huba batena be sinombu rav tataro lalai tata gin muramura non Vui Sabuga non God, rav lol lalainia mwasin tataro gabe kea mwa doronia, gin avoana gabe mwa mwalue ninira sibora.

Lalaḡova 11:18

Haḡe mahavana be ram ron̄oe kunia, ram hav mom avte hantai vai aluna, take ram uloi roron God ram bevea be, “I mulei be God mwa lai mahavana lalai ira Lolobon̄i tanon binihi leahi i rahuana.”

Lalaḡova 12:24

Kadogaha avoana non God mwa mauri i mwa lon̄ahi ute.

Lalaḡova 16:14

I vavine vwate mwa dogo mwa roron̄tai kamai kea vavine ata Tuatira ihana Lidia. Vavine geki non silo abena i mwa salei gav memea tavtavuha maragai. Lidia geki mwa ḡogonai God, i Ratahigi mwa havan̄ non binihiva be men roron̄tai havanau gabe Pol mwa bevea.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Ravrava non Pol lalai ata Rom 1:13

Ira tuaku, nam doron be giv iloe be, nan lol taritari vaivusi be nav mai abemiu, take ginau geki mwa hav dumwi tehe. Nam doron be nav mai bwatuna be nav bului kimiu be giv mauri lol vui kunia be nan bului ira vara dagai nin varan Israel.

Ravrava non Pol lalai ata Rom 15:19

bwatuna, muramuran ira ginau dan̄an̄a i ginau lalavoa be ran gitae, i huribe muramura non Vui Sabuga. Nan toretore la avoan Sabuga nin Jerusalem la hala mwa dalis vanua Ilirikum, i nan nogoi doren noḡu rovoga.

Ravrava non Pol lalai ata Rom 15:28

Ataguna be nan iloe, huri ira Jius ran lai mwane be nu laiana hurira, nav lin̄ia huri ute Spen, nav togo ba barahi sera kimiu.

Ravrava non Pol lalai ata Rom 16:26

Nu loliana mwa melmelo sivi ravrava nin ira atatun vevsera. I hurin avoan wasi non God, be mwa dogo vai tuai mwa loliana lalai ureure duluai huribe kera rav binihimwasigi i rav gogonainia.

2 Korin 10:14

Gam hav av te sasagerega maragai, kunia be mwa du be gav lolia be gan hav mai te radu vai abemiu. Take gan mai vai abemiu mai Leo Tavuha huri Kraes.

2 Korin 6:1

I gam lol rovoga bul mai God, i gam hudali kimiu be gisav lin̄ te hogoi be gin laira huba nin God be rai van sabwelei.

Ifisas 3:2

Mwasigi gin ron̄oe be God nu lai rovoga geki lalaiau sivi non hogoi be vi bului kimiu.

Ifisas 4:21

Nam iloe be gin ron̄oe huria, i kimiu haḡea alolona, i kimiu gin lai silo vagahi huri mwasigi be mwa dogo alolon Jisas.

Ifisas 4:23

Take kimiu nu vagahi kimiu be giv lol garai kimiu lol sibwen̄imiu,

Ifisas 5:9

Gigita mwa lai mwasin lalan̄an tavuha duluai, i togoan vavtutu i mwasigi.

Filipae 1:11

be giv lol ginau tavuha ivusi mai buluiana non Jisas Kraes be vi lai roroa i avkari lalai God.

Filipae 4:17

Mwasigi be barabe hurira be nam doron be nav lai hogoi nin kimiu, take nam doron be kimiu giv lai vatavuha nin nomiu hogoi.

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Kolosi 1:23

Geki vi loli be gov tu rahurahu wasigi i gov ilo didinigi lol non binihimwasigi. Gosav tagara te dagai nin doronhohov be nu laiana lalainigo sivi Roroi Tavuha. Inau Pol, atatun rovoga be nam bului lol toretoreanan Roroi Tavuha gea, Roroi Tavuha gea be atatu n̄oto lol ureure ram ron̄oe.

1 Tesalonaeka 1:5

bwatuna be Roroi Tavuha be gan laia vai abemiu nu hav vora te gin avoana n̄ano, take gin muramura, non Vui Sabuga, i mai binihimwasigi wasi be kea mwasigi. Mulei gin iloe be gon togo kun hanigi batena be kamai abemiu be gai bului kimiu.

1 Tesalonaeka 2:13

Mulei, gam avkari God bwatuna be batena be gin ron̄ non roroi nin kamai, gin lai ḡoḡoe kun be avoana non God, nu hav vora te avoana non atatu. I mwasigi be avoana non God, nu hav vora te avoana non atatu. I mwasigi be avoana non God be mwa lol rovoga alolomiu be gim binihimwasigi.

2 Tesalonaeka 2:13

Ira tuaku, kimiu gabe God mwa doron kimiu, God nu gita luago la bwativuna be gov rahu. I gida duluai tav avkari God vataha mahavana hurigo. Giḡo gom rahu gin Vui Sabuga be mwa loligo gom sabuga gin nom binihimwasigi garagusi lol mwasigi.

1 Pita 5:12

Nam rav avoan vwelvwele geki mai buluiana non Sailas, kea nam iloe be atat binihimwasigi lol Kraes. Nam ravae be nav lai avoan dura lalai kimiu i nav vevea lalai kimiu be geki haḡea mwasin hogoi nin God. Giv tu wasigi lol vatavuha gea.