Kolosi 1:29 - Hano Niu Testamen

²⁹ Huribe men loli kun geki, nam lol rovoga i nam du wasi, gin muramura wasi non Kraes be mwa lol rovoga muramuraga aloloku.

Kolosi 1:29 ပူးပေါင်းရင်းမြစ်များ

Leo Tavuha gabe Luk nu Ravae 13:24

“Giv lol ron̄oe be giv haroro lol gatava ḡuḡusi, bwatuna be sinombu ivusi, nam bevea lalai kimiu, rav lol ron̄oe be rav haroro take rasav haroro te dum.

Ravrava non Pol lalai ata Rom 15:20

Nan doron maragai be nav toretore la avoan sabuga lol ute be atatu ram hav ron̄ te ihan Kraes, bwatun be nan hav doron te didi lol mulei rovoga non atatu be ran tau bwativuna huba.

Ravrava non Pol lalai ata Rom 15:30

Ira tuaku, nam navohi kimiu duluai be giv buluiau ba tav tataro lalai God huri noḡu rovoga. Giv lol ginau geki huri be nonda Ratahigi Jisas Kraes i mai binihi marahi be Vui Sabuga mwa laia lalai gida.

1 Korin 12:11

Vui Sabuga n̄an mahaḡea mwa horae be vi lai hano lalai vatvataha atatu.

1 Korin 12:6

I lalan̄an hala ivusi be God mwa lol rovoga sivi atatu take God gaituvwa n̄ano. God mwa lol rovoga lol gida duluai lol ginau n̄oto be tam lolia.

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

2 Korin 11:23

Matu kera atatun rovoga non Kraes? Inau nam lol rovoga huria liu. Nam av daltale kungeki, nam lol rovoga hahavwani liura. Nan togo lol imwa vauvauhi tagaro liu. Ran lol ḡagarasiau vaivusi liua be ran vivilisiau. Nu abena be nai mate vaivusi.

2 Korin 13:3

Gim doron dovon̄ana be Kraes mwa avo siviau. Noḡu dovon̄ana be kea mwa hav mandamanda tehe alolomiu, take kea nu masiri gin muramura.

2 Korin 5:9

Gatavada gaituvwa n̄an be tav lol samsamwarai God be tam do teti sa amare.

2 Korin 6:5

Ram bivilis kamai i ram dau kamai lol imwa vauvauhi. Gam bisogari maira be ram barihai kamai i ram dau bwatun bwaloana. Gam lol rovoga hahavwani, i mahavan rituai gam hav maturu te dumwi i ginaganiana sigai.

Ifisas 1:19

I kimiu giv iloe be muramura non God gaivua maragai huri gida be tam binihimwasigi, Muramura gea kunia n̄an gabe butuana gaivua.

Ifisas 3:20

Gin muramura non God be mwa lol rovoga bul mai gida, God vi lol dum gaivua liu nin havanau tehe be gida tam hudalinia sage tam binihia.

Ifisas 3:7

Gin mwasin hogoi non God be mwa laia lalaiau sivi nin muramura, inau nam mai gi atatun rovoga be namen vev lua Roroi Tavuha gea.

Filipae 1:27

Ginau gaituvwa n̄an be nam binihi maragainia. Be giv gitae be giv togo la hala be vi lai binihi marahi lalai Roroi tavuha huri Kraes. Be nam dogo mai kimiu sa nam lago dagai nin kimiu, be gim du wasigi mai binihiv gaituvwa, be giv lol rovoga bulbulu kun gaituvwa lol binihimwasigi garagusi huri Roroi Tavuha.

Filipae 1:30

Batena be nan togo mai kimiu gin gita taro ririhai be nu tu lol mataku, i gin ron̄oe huri taro ririhai be mwa du lol mataku kadogaha. Kimiu sinombu gim habwe taro ririhai gea.

Filipae 2:13

bwatuna be God mwa lol rovoga alolomiu, be vi bului kimiu giv doron be giv lol hano be vi lol samsamwarai lolon God.

Filipae 2:16

Giv hagai silo vagahi be vi mai mulei, inau nav samsamwara dumwi bwatuna be noḡu rovoga mwa hav van te sabwelei. Nan rovo huri tavwe i nan laia.

Kolosi 2:1

Nam doron giv ilo taro ririhai be nan lol rovoga huri kimiu, kera Laodisia, i kera dodolua be vorate ram ḡita hohoiau.

Kolosi 2:12

Lol taro be gon garuhisabuga, ram davinigo mai Kraes, i gom domare mulei maia sivi nom binihimwasigi garagusi lol muramura non God gabe mwa seseraiana lol taro gabe mwa domarei mulei Kraes nin mateana.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

1 Tesalonaeka 2:9

Ira tuaku, nam iloe be gim binihi dum nomai rovoga hahavwani i taro ririhai duluai. Gan lol rovoga hahavwani i taro ririhai duluai. Gan lol rovoga bon̄i i ute rani be gasav mai tehe gi marahin rovoga lalai ihei tehe alolomiu, taro be gan toretore huri Roroi Tavuha non God lalai kimiu.

2 Tesalonaeka 3:8

I la mahavana be gam ḡan ginau gan atatu dolua, gam bolia duluai. Gam lol rovoga wasi bon̄i i rani huribe gasav vol te ginau nin vwate alolomiu.

2 Timoti 2:10

Kunia inau nam dame gin maḡemu lol taro ririhai kera geki huria be kera be God nu gita luara rav lai dum varahuva gea be mwa du mai Kraes Jisas i mwa lai sarisari be sihav nogo tehe.

Hibru 12:4

Alun rahumiu be gin bwalo ḡoro bwatigoro, vwate nin kimiu mwa hav mate te radu.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

Visirai 2:3

Nam iloe huba be binihimiu n̄ava. Atatu ram lol ḡagaras kimiu gim ron̄ mwa hantai lol rebehimiu huri ihaku take binihimiu mwa hav hovi tehe.