Kolosi 1:28 - Hano Niu Testamen

²⁸ I tav tu rahurahu be tav toretore huri Kraes lalai atat gaitutuvwai, tav haḡo mataisao duluai be tai vev dau i tav vagahi atatu duluai, la hala be tav lai gaitutuvwainira vai aben God kun gabe atat mituaga lol Kraes.

Kolosi 1:28 ပူးပေါင်းရင်းမြစ်များ

Matiu 28:20

I giv vagahira be rav ḡoḡoi ḡoro ginau duluai gabe nan vevea lalai kimiu. Haḡe gita, inau mai kimiu vataha gubwen̄, vai votu nogonan ureure.”

Matiu 3:7

Take mahavana Jon mwa ḡitae be ira Varise maira Sadusi ram mai be vi garuhisabugainira mwa bevea lalainira be, “Kimiu kun teltele! Ihei mwa bevea lalai kimiu be giv romaragai dum nin silo vevegi non God gabe mwa abena be men mai?

Matiu 5:48

Mwa du be giv to vavtutu tavuhai kun Tamamiu amare mwa do vavtutu tavuhai.

Leo Tavuha gabe Mak nu Ravae 6:34

Batena be Jisas mwa bute nin waḡa mwa ḡita sinombu ivusi uhu, mwa ron̄ mwahantai hurira, bwatuna be kera ran ḡun sipsip gabe radaiḡoro sigai. Haḡe kea mwa dau bwatuna mwa bagahira gin ginau ivusi.

Leo Tavuha gabe Luk nu Ravae 21:15

bwatuna Inau nav lai avoana i mataisao gabe giv avo aluna, gabe nomiu ivwalu rasav ivwalui te dum kimiu ginia, rasav tagara te dagai dum nomiu avoana.

Lalaḡova 10:36

Gim ilo roroi gabe nu horae lalai sinombu ira Jius, nu seserai lua Roroi Tavuha huri tamwata sivi Jisas Kraes, kea Ratahigi ḡoro atatu duluai.

Lalaḡova 11:20

Take, ira binihimwasigi rituai ata Saipras i Sairini, ram bano vai Antiok ram bev lua roroi lalai ira Lolobon̄i, i mulei ram be Roroi Tavuha lalainira huri Ratahigi Jisas.

Lalaḡova 13:38

Ira tua kimiu ira Jius, roroi huri tugu kaburai vuro lalai kimiu mwa mai n̄ano sivi Jisas, i atatu duluai gabe ram binihimwasigi aluna, mwa dugura nin vurora ninia gabe silo non Moses nu hav tugua te dum ninigo.

Lalaḡova 17:18

Haḡe ata Kris rituai ram dogo gabe ran mataisaoga maragai la halan alen̄an nora avoana. I kera n̄an radu gea ram dogo ram biavo avo maia. Kera rituai ram bevea be, “Wani gea mwa siv lai avoana gea n̄an bonogai kunia. Mwa do mwa bev hano gea?” I atatu mulei rituai ram bevea be, “Kamai gam ron̄oe be kea mwa do mwa avo huri ira tagaro ata lol ute dodolua.” Ram do ram avo bwatuna be Pol mwa do mwa bev seserai Jisas i mwa bevea be God mwa lolia mwa rahu mulei atagun mateanana.

Lalaḡova 17:3

i mwa dugu halan Leo tavuha lalainira be wani Vurai vi ron̄ ḡagarasi i vi tomare mulei nin mateana. Haḡe Pol mwa bevea be, “Jisas geki gabe nam bevea lalai kimiu, kea Wani Vurai.”

Lalaḡova 20:31

Giv gita ḡoro maragai bwatuna be, nan vagahi kimiu duluai huri taul gaitolu i mataruaku mwa rovo huri kimiu bon̄i i rani.”

Lalaḡova 3:20

mahavana huri rahuana lol vui vi mai nin God, i kea vi hora Jisas gabe Wani Vurai gabe nu gita luae huba huri kimiu.

Lalaḡova 5:42

Haḡe vataha gubwen̄i lol Imwa Tataro i lol imwan vataha atatu ram doretore, i ram bagahi rahurahu i Roroi tavuha non Jisas Wani Vurai.

Lalaḡova 8:35

Haḡe kunia Vilip mwa dau bwatuna mwa avo, mwa bwativugainia alun tavihen leo tavuha geki, mwa bevea lalainia alun Roroi tavuha huri Jisas.

Lalaḡova 8:5

Vilip nu vano lol muan bwatutun vanua ata Samaria i mwa doretore huri Wani Vurai lalai sinombu aia.

Lalaḡova 9:20

Kea mwa bano vai lol imwa tataro gaivua mwa doretore mwa bevea be Jisas kea nitun God.

Ravrava non Pol lalai ata Rom 16:25

Tav uloi roroai ihan God gabe vi lol dumwigo gov wasi lol binihimwasigi garagusi gin Roroi Tavuha gabe nu vevea lalai atatu i huri roroi huri Jisas Kraes. Roroi huri Kraes kea ginau hili gabe mwa dahuliana huri taul ivusi huba ta kadogaha mwa loliana mwa iloana.

1 Korin 1:23

Take gam doretore alun Kraes be nu voha bolvoloe. I geki mwa bora ginau vahala be gaivua lalai ira Jius, i ira Lolobon̄i ivusi ram binihia be ginau bwaḡelega.

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

1 Korin 12:8

Vui Sabuga mwa lai lalai atatu vwate be vi avo gin mataisao, i Vui Sabuga n̄an gea mwa laia lalai atatu dolua be vi avo gin iloilo.

1 Korin 15:12

Kadogaha be tan toretore huria be Kraes nu tomare nin mateana, huri hano tavalumiu ram bevebe atatu rasav tomare te nin mateana, kea Kraes nu hav tomare nin mateana, huri hano tavalumiu ram bevebe atatu rasav tomare te dum nin mateana?

1 Korin 2:15

Atatu n̄ano be nu masiri gin Vui kea vi vevegi dum ginau duluai, take atatu vwate sihav vevegi te dumwia.

1 Korin 2:6

Gaituvwa n̄an be nam avo lalainira gabe ram ilo halan ginau huba. Take mataisao geki nu hav vora te ata lol ureure geki, sage nin ira tomuai ata lol ureure geki gabe ran salai nora muramura huba.

1 Korin 4:14

Inau nam lol ron̄oe kun be nasav lol te kimiu be giv ron̄oe ba busbusi. Nam ravae geki be men lai avoan vevsera dau lalai kimiu kun gabe kimiu mwasin ira nituku.

2 Korin 10:14

Gam hav av te sasagerega maragai, kunia be mwa du be gav lolia be gan hav mai te radu vai abemiu. Take gan mai vai abemiu mai Leo Tavuha huri Kraes.

2 Korin 11:2

Nam ḡitaḡoro kimiu gi gita ḡoro be mwa mai nin God. Nan tatauleo be nav hagai kimiu lalai Kraes, kun be kea n̄an ahoai. Nam doron be nav hagai kimiu be vavin melmelo.

2 Korin 4:5

Gam hav toretore te huri kamai sibomai, take gam doretore be Jisas Kraes kea Ratahigi i kamai nomiu atatun rovoga huri Jisas.

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

Ifisas 5:27

Kea nu mate huribe kea vi lai uloilua lalainia sibona kun vavin lagi mwa ḡabui rebehina sibona. Kea nu mate huribe uloilua vi melmelo dumwi i vurona vi sigai.

Kolosi 1:22

Take kadogaha, God mwa lol kimiu gi ira tuana mulei sivi mateanan Kraes. I kadogaha gov mai dum lolmatan God kun atatu gabe ran sabuga, i nu melmelo be vahalana sigai.

Kolosi 2:10

I gom dogo gin rahuana duluai be gom bulu lol Kraes, gabe nu holomare hae liu ira tomuai duluai i muramura.

Kolosi 2:3

Kraes kea bwatun gaihavan̄i be mwa haḡo ira ute rosoga dahuligi, kun ira iloilo i mataisao non God.

Kolosi 3:16

Giv lin̄ silo vagahi non Kraes vi togo mai kimiu tagaro. Giv haḡo mataisao n̄oto be giv vagahi i giv iloilo kimiu be giv lol iboi, iboin tataro mai iboi sabuga gin avoan avkari lol irubwimiu lalai God.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

1 Tesalonaeka 4:6

Mulei, gisav lol te bahala sa gisav ruruhi te atatun Kraes vwate la hala geki. Ratahigi vi vevegi sinombu be ram lol ginau kera gea kunia be gan vev serae lalai kimiu be gisav lolira tehe.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

1 Timoti 3:2

Tomuai non uloilua sihav lol te ginau be sinombu rav vinihi hantainia, i vivora tasalana n̄an gaituvwa. Kea vi vwalaunia sibona gin mataisao, atat dodolua rav binihi marahinia. Vi laiḡoḡo dumwira be non tausala, i vi vagahi dumwi.

Hibru 10:14

La tataroi tuntun gaituvwa n̄an gea Kraes mwa lol atatu duluai ram sabuga i ran vavtutu duluai, i gov togo kunia vai tuai.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

2 Pita 3:15

Giv Vinihi dumwia be gida tam rahu bwatuna nonda Ratahigi nu maḡemu. Tuada Pol, nu vevea lalai Kimiu avoan gaituvwa n̄an lol taro be nu ravae lalai kimiu mai mataisao be God nu laia lalainia.