Kolosi 1:24 - Hano Niu Testamen

²⁴ Nam samwara lol noḡu taro ririhai hurigo. Huribe nam ron̄ḡagarasi lol rebehiku huribe namen lol nogonogoi ron̄ḡagarasi non Kraes. Ginau rituai abena be Kraes mwa ron̄ ḡagarasi sivi rebehina, gabe uloilua.

Kolosi 1:24 ပူးပေါင်းရင်းမြစ်များ

Leo Tavuha gabe Mak nu Ravae 10:39

Haḡe ramuru bwaliua be, “Uwe garu vi lol dumwia.” Haḡe Jisas mwa bevea lalainira be, “Giru vi mwin dum lol laha gabe inau nav mwinua i giru vi garuhisabuga dum la hala gabe inau nav garuhisabuga aluna.

Lalaḡova 5:41

Mahavana be ira hala ram bwihavare, ram samsamwara, bwatuna be God vi vev dumwia ke ram dadariha be rav ron̄ ḡagarasi bwatuna Jisas.

Ravrava non Pol lalai ata Rom 5:3

Tam ron̄ mwandavuha mai nonda ginau vahala, bwatuna be ginau vahala kerageki ram lol togoan ḡoḡonai.

Ravrava non Pol lalai ata Rom 8:17

Kebe tai vora ira nitun God, tau lai vatavuha nin God saraḡo mai Kraes. Tav tau ron̄ḡagarasi kunia be Kraes nu ron̄ḡagarasi huribe tav sarisari kunia be Kraes nu sarisari.

1 Korin 12:27

Kimiu duluai n̄ano kimiu rebehin Kraes, i gaitutuvwai alolomiu gim bulu n̄an lol rebehi gea.

2 Korin 12:15

Haḡe nam lol samsamwara be nav lai ginau duluai be noḡu, lalai kimiu, vaivotu inau siboku. Be nav tabe kimiu liu, ke kimiu giv tabeau halatena.

2 Korin 6:10

Gam habwe ron̄ mwahantai be gaivua, take tagaro gam samsamwara. Gam hiruga, take gam lol sinombu ivusi ram rosoga lol binihimwasigi. Nomai na ginau mwa sigai, take mwasigi be ginau duluai nomai abena.

2 Korin 7:4

Nam ron̄oe mwasigi huri kimiu be nam sasagerega huri kimiu. Gim lai lol maḡemu lalaiau, i lol nomai taro ririhai duluai, gan lai samsamwara gaivua.

Ifisas 1:23

kea gabe rebehin Kraes. Uloilua nu masiri latlate gin Kraes, i Kraes nu hogon bamasiri ginau duluai la hala duluai.

Ifisas 3:1

Huri ginau geki, inau Pol atat vauvauhi huri Kraes Jisas huri kimiu ira Lolobon̄i, nam dataro lalai God.

Ifisas 3:13

Haḡe nam hudali kimiu be gisav vinihi te gairuruai bwatuna ron̄ ḡagarasi mwa dumwiau huri kimiu. Noḡu ron̄ ḡagarasi huri nomiu sarisari.

Filipae 3:10

Nam doron be nav ilo Kraes i muramura be nu ragasia nin mateana. Nam doron be nav bete lol non ron̄ ḡagarasi i nai mai kunia lol mateana.

Kolosi 1:18

Kea haḡea bwatun rebehi, gabe uloilua. Ginau duluai mwa mai ninia. Kea muana gabe nu tomare nin mateana. I lol ginau duluai Jisas kea muana.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

Jemes 1:2

Ira tuaku lol taro be gim dogo ririhai giv masiri gin samwarana,