Kolosi 1:23 - Hano Niu Testamen

²³ Geki vi loli be gov tu rahurahu wasigi i gov ilo didinigi lol non binihimwasigi. Gosav tagara te dagai nin doronhohov be nu laiana lalainigo sivi Roroi Tavuha. Inau Pol, atatun rovoga be nam bului lol toretoreanan Roroi Tavuha gea, Roroi Tavuha gea be atatu n̄oto lol ureure ram ron̄oe.

Kolosi 1:23 ပူးပေါင်းရင်းမြစ်များ

Leo Tavuha gabe Mak nu Ravae 16:15

Haḡe Jisas mwa bevea lalainira be, “Gin van lol ureure duluai ba doretore huri Leo Tavuha.

Leo Tavuha gabe Luk nu Ravae 22:32

Take nam dataro hurigo Saimon, be nom binihimwasigi garagusi si hav hovi tehe. I batena be gom dabagilu mulei huriau, gov tura wasi ira tuamiu.”

Leo Tavuha gabe Luk nu Ravae 6:48

Kea nu ḡun atatu gabe mwa haḡo imwa. Nu gel lulu roro i mwa dari bwatbwatuna alun vatu. Haḡe wai mwa rovo mwa malivwa i mwa rovo alun imwa gea; take mwa hav rihu te dumwi bwatuna be nu haḡoan tavuha.

Leo Tavuha gabe Jon nu Ravae 15:6

Ihei tehe mwa hav bulu te maiau vi vohaian kaburai kun raran gai i vi ḡoru i rara kunira gea vi haran ḡoḡo ba bohaiana vai lol gabi, i rav oda aia.

Lalaḡova 1:17

Judas kea vwate bul mai kamai, huri be Jisas nu uloi lua kamai be gav lol non rovoga, take mwa domare mwa lin̄ia la liman non ivwalu.”

Lalaḡova 1:25

be vi lai tanoi geki alun rovoga gi hala gabe Judas nu derainia mwa bano vai lol mwasin tanona.”

Lalaḡova 1:8

Take giv masiri gin muramura mahavana be Vui Sabuga vi himai alumiu, i kimiu giv vora gaituraku lol vanua Jerusalem, i lol vanua Judia duluai mai Samaria vava vi votui nogonan ureure.”

Lalaḡova 11:23

I mahavana be mwa botu i mwa ḡitae be God mwa batavuhai sinombu, kea mwa samsamwara i mwa bevea lalainira duluai be rai vavtutu lalai Ratahigi gin sibwen̄ira duluai.

Lalaḡova 14:22

Ramuru lol wasi ira binihimwasigi i ramuru av durara be rav tu wasi alun nora binihimwasigi garagusi. Haḡe ramuru bevea be, “Mwa du be tai van sivi ute ririhai ivusi vuvuri tam siv van lol Rahuan gara gabe God mwa bora ratahigi alolona.”

Lalaḡova 2:5

Haḡe ira Jius ran tu Jerusalem, atatun tataro kera geki ran mai vataha bwatutun vanua la ureure.

Lalaḡova 20:24

Take nam binihi rahuku kun be ginau vuroi n̄an vwate lalaiau siboku; ita noḡu doroniva n̄ano be tatan̄an lalaḡova be inau alolona mai noḡu rovoga gabe Ratahigi Jisas nu horau huria vi hara harai, be nav seserai Roroi Tavuha huri hogoi non God.”

Lalaḡova 26:16

Take gov tomare ba du amare. Nam bisirai lalainigo huri be nav uloi luago gi noḡu atatun rovoga. I giḡo haḡea goi vev luae lalai atatu huri noḡu visiraiana lalainigo garigi i havanau gabe nav seserainigo huri ginau be vi mai atagu.

Lalaḡova 4:12

Vi habweana na varahuva sivinia n̄an gaituvwa i lol ureure duluai atatu vwat mulei sigai gabe God nu horae be vi varahu dum gida.”

Ravrava non Pol lalai ata Rom 10:18

Ta nam hudaligi be: Atatu ram hav ron̄ te Roroi Tavuha? Uwe, ram ron̄oe kunia be ravrava sabuga mwa bevea be: “Nora roroi mwa bano vataha ureure duluai; nora avoana mwa lon̄ahi ureure duluai.”

Ravrava non Pol lalai ata Rom 15:16

huri be nav vora atatun rovoga non Kraes Jisas lalai nira Lolobon̄i. Nam lol rovoga non God be nam bagahi non Roroi Tavuha, be kera be ira Lolobon̄i rav vora ira hogoi be God vi dara aluna hogoi be nu lolian Sabuga nin Vui Sabuga.

Ravrava non Pol lalai ata Rom 2:7

Atatu rituai, be ram lol rahurahui ginau tavuha, rav togo huri lalaḡova non God, huri binihi marahi, i huri rahuana be nogonana sigai. God vi lai lalainira rahuana vai tuai.

Ravrava non Pol lalai ata Rom 5:5

I doronhohov geki sihav lol te dum lolhoro lalai gida, bwatuna be God nu salil non doroniva be vi vamasiri irubwida. Kea nu lai non doroniva lalai gida sivi non Vui Sabuga, gabe God nu laia lalai gida.

1 Korin 15:58

Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.

1 Korin 3:5

Matuke Apolos kea mwasin rau matana vwate? Sigai! Matuke Pol kea mwasin raumatana vwate? Sigai! Gida ira turin rovoga non God n̄an kunia gabe gam bului kimiu gin binihimwasigi. Gida gaitutuvwai vatvataha gida be tam lol rovoga be God mwa laia lalai gida be tav lolia.

2 Korin 10:1

Inau, Pol, nam hudali kimiu gin alen̄ maḡemu i alen̄ tavuha non Kraes. Atatu rituai ram bevea be nam lolia mwa maron̄ron̄o alumiu batena be inau mai kimiu i nam lol alen̄ wasi baten be nam do dagai.

2 Korin 11:23

Matu kera atatun rovoga non Kraes? Inau nam lol rovoga huria liu. Nam av daltale kungeki, nam lol rovoga hahavwani liura. Nan togo lol imwa vauvauhi tagaro liu. Ran lol ḡagarasiau vaivusi liua be ran vivilisiau. Nu abena be nai mate vaivusi.

2 Korin 3:6

Nu lol kamai gam mai dum gi atatun rovoga huri damean gara ninia sibona lalai non sinombu. Damean gara uhu nu hav vora te silo be nu rava, take kea vui. Silo be nu ravana mwa lai mateana, take Vui kea mwa lai rahuana.

2 Korin 4:1

God gin non sine hagavi, nu lai rovoga geki lalai kamai be gav lolia, i gosav lin̄ia tehe.

2 Korin 6:1

I gam lol rovoga bul mai God, i gam hudali kimiu be gisav lin̄ te hogoi be gin laira huba nin God be rai van sabwelei.

Kelesia 4:11

Nam matagu hurigo, be noḡu rovoga hurigo nu sabweleiana.

Kelesia 5:5

Take gida tam haḡo mwasin doronhohov be mwa mai nin lolian vavtutu mai God, i gin Vui non God tam hohovi gin doroniva maragai huri doronhohov geki.

Kelesia 5:7

Kimiu gim rovo huri rovoan tavuha. Ihei mwa du ḡorogoro kimiu be gisav huri te mwasin hala?

Kelesia 6:9

Si hav sav gita te gida gin lolian tavuha. Tav lai vwain bilada gin rahuana vai tuai la mwasin tarona kebe si hav sav te gida.

Ifisas 1:18

Mulei nam dataro be giv lai iloilo gaivua lol sibwenimiu huri be giv ilo binihiva huri doronhohov gabe kea nu uloi gida, i be giv iloe huria be kun hanigi nu rosoga i vatavuha non God gaivua be nu tatauleo lalai non sinombu sabuga.

Ifisas 2:21

i haḡohaḡo imwa gea mwa bulu ute gaituvwa lol Kraes. Kea mwa lolira ram mauri i ram bora imwa tataro sabuga lol Ratahigi.

Ifisas 3:17

Nam dataro be Kraes vi togo lol sibwen̄imwa gin binihimwasigi garagusi i be rahumwa vi tu wasigi lol lolotabetabe i be vi haḡoe alun tabeana.

Ifisas 4:16

Rebehi duluai mwa du alun Kraes, i ira mavuvun rebehi duluai ram dari i ram bulbulu n̄an utegaituvwa. Vataha mavuvu duluai mwa lalaḡoi mwasin non rovoga be men lol rebehi duluai be vi mauri wasi mai lolotabetabe.”

Kolosi 1:25

Nam mai gi atatun rovoga gea kea haḡea be nai vev n̄oto rovoga non God.

Kolosi 2:7

Giv tau bwatbwatumiu vi roro aluna i giv lol rahumiu vi mauri aluna. Giv tu wasi lol binihimwasigi garagusi, kun be gin lai silo vagahina, i giv masiri gin tabeana.

1 Tesalonaeka 3:3

i tuamai vwate sihav ron̄ te mwahantai gin taro ririhai kera geki. Kimiu sibomiu giv iloe be mwa du be tav habwe taro ririhai kera geki.

1 Tesalonaeka 3:5

Bwatuna geki, batena nasav hohovi te dum vain̄ava, nan hora Timoti vai abemiu huri be nav iloe huri nomiu binihimwasigi garagusi. Nan matagu berevai Atatmate nu haḡo ron̄ kimiu huba, i kunia nomai rovoga wasi vi vora bonogai.

1 Tesalonaeka 5:8

Take gida ata lol gigita, mwa du be tav togonai gida siboda. Mwa du be tav saga binihimwasigi garagusi i lolotabetabe be vi tuḡoro gida, i doronhohov huri varahuva kun gaisagan bwatu.

2 Tesalonaeka 2:16

Nam dataro be nonda ratahigi Jisas Kraes sibona i God tamanda vi av durago i vi lol muramurago lol ginau tavuha n̄oto be gom lolia i gom bevea. God mwa dabe gida, i sivi non hogoi mwa lai lalai gida doronhohov tavuha i avoan dura be mwa rahu vai tuai.

1 Timoti 1:12

Nam avkari Kraes Jisas nonda Ratahigi, kea nu lai hui wasi lalaiau, bwatuna be kea mwa butu aluku i nu lai rovoga lalaiau be nav lol rovoga lalainia.

1 Timoti 2:7

Ran gita luau be nai vora hala be nav vagahi ira Lolobon̄i be rav binihimwasigi garagusi i rav ilo mwasigi. Nam hav tentene tehe; ta nam bev mwasigi!

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

Taetas 3:7

Tam mai bavtutu mai God alun non hogoi, tam lai dum doronhohov be tav lai rahuana be sihav nogo tehe.

Hibru 10:38

Ira noḡu atat vavtutu rav vinihimwasigi i rav rahu. Take be vwate alolora vi van burigai nasav ron̄ te mwandavuha ginia.”

Hibru 3:14

I gida duluai tam bulu alun rovoga non Kraes la bwativuna huri be tav haḡo te dum alun udun tatauleo non God vai votui nogonana.

Hibru 3:6

Take Kraes, kea nitun God, i mwa binihi garagusi be vi gitaḡoro la imwan God. Batena be tav binihimwasigi wasigi alun God, i tam dau nonda binihiva mwa du wasigi aluna, gida tam mai gi imwan God.

Hibru 4:14

Gida tav haḡo wasi nonda binihimwasigi garagusi gabe tan vev luae huba. Huribe nonda muan Muai Tataroi gabe mwa hae i mwa du la lolmatan God sibona, kea Jisas nitun God.

Hibru 6:19

Alen̄a gea be tam dau nonda doronhohov mwa du wasigi huria be tav lai dum ginau gea, kun gabe marahin waḡa be vi haḡo rahuda. Doronhohov vwate be nu saga mwasigi, be sihav rihu te dumwi. Doronhohov mwa ban sivi gavu gabe mwa du huba lol ute gogona non God.

1 Pita 1:3

Uloi roroai lalai God i Tata non nonda Ratahigi Jisas Kraes. Lol ihan God lavoa sine hagavi kea nu lolia be tav vora mulei vai lol doronhohov lol rahuan n̄ava, bwatuna be Jisas Kraes nu tomare nin mateana.

1 Pita 1:5

Muramura non God mwa ḡitaḡorogo sivi nomiu binihimwasigi garagusi vaivotu be giv gita nomiu varahuva lol nogonan gubwen̄.

1 Jon 2:27

Kraes mwa batavuhai kimiu gin Vui Sabuga! I vui mwa dogo alolomiu, i gim hav mom doron te atatu mulei be men vagahi kimiu. Vui kea nu mwasigi i mwa bagahi kimiu huri ginau duluai. I giv tu wasigi nan alun Kraes, kun gabe vui mwa bagahi kimiu be giv tu wasigi aluna.

Visirai 2:10

Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.