Kolosi 1:16 - Hano Niu Testamen

¹⁶ Sivi non muramura God nu lol ginau duluai mwa lol ginau amare i ata lol ureure, ginau be mwa ḡitana i mwa hav gitana tehe, muramura duluai, ginau mutai ratahigi i tomuai. Ginau duluai mwa loli sivi Kraes i huri Kraes.

Kolosi 1:16 ပူးပေါင်းရင်းမြစ်များ

Leo Tavuha gabe Jon nu Ravae 1:10

Avoan mwa dogo lol ureure, i God nu tau ureure ginia, take ureure mwa hav gita te batoia.

Leo Tavuha gabe Jon nu Ravae 1:3

God nu lol ginau duluai ginia; ginau vwate lol tauva nu hav tauana te dagai ninia.

Ravrava non Pol lalai ata Rom 11:36

Uwe, God nu lol ginau duluai, i ginau duluai mwa du mwa loli sivinia i lalainia. Lalainia sarisari vai tuai! Amen.

Ravrava non Pol lalai ata Rom 8:38

Uwe, nam iloe be mateana, sa rahuana, sa ira enjel, sa vui, sa ginau sigai kadogaha, sa ginau sigai lol taro be vi mai, sa muramura,

Ravrava non Pol lalai ata Rom 9:5

Kera haḡea varan ira sibida, i kera mulei ran togo lol taron Kraes be nu vora, kea be God ḡoro gida sinombu duluai, tav uloi roroainia vai tuai i tuai! Amen.

1 Korin 8:6

take lalai gida God gaituvwa n̄ano gabe tamanda. Ginau duluai ram mai ninia, i tam rahu huria. Mulei Jisas Kraes gaituvwa n̄ano. Ginau duluai mwa loli sivinia, i gida mulei tam bora sivinia.

Ifisas 1:10

Nona be vi lol haraharai non taritari duluai, i batena be mwasin tarona mwa mai, be ginau duluai lol mahao i lol ureure rai bulu duluai utegaituvwa lol Kraes kun be bwatu gaituvwa,

Ifisas 6:12

Nonda bwaloana vorate vai alun atatu lol ureure, take tam bwalo vai alun ira vui hahantai ata lol ureure amare, ira gitaḡoro hahantai, i ira muramura hahantai ata lol taro geki.

Filipae 2:10

huri be bwau duluai rav hivbwaubwau vai la ihan Jisas Kera duluai lol mahao, alun ureure, i halaten tano.

Kolosi 1:15

God kea ta sav gita te dumwia gin mwasin matada, take be gom ḡita Jisas, kea kunia n̄ano be gom ḡita God. Kraes kea tuagai naturigi non God, i nu holomare hae liu ginau duluai nu loliana.

Kolosi 1:20

I sivi Nituna, God mwa lai mulei ginau duluai huria sibona-ginau lol ureure i ginau amare. God mwa lol tamwata sivi dagan Nituna gin mateana alun volovolo.

Kolosi 2:10

I gom dogo gin rahuana duluai be gom bulu lol Kraes, gabe nu holomare hae liu ira tomuai duluai i muramura.

Kolosi 2:15

La volovolo gea, Kraes mwa maribwesi dagai nin ira muramura non ira vuin vwalaua be ran hantai. Kraes nu haravira huba, i mwa lolia lalainira kun ratahigi lavoa be mwa harav ira non ivwalu, i mwa domuainira ram bano lolmatan sinombu be atatu rav gitara.

Hibru 1:2

Take la nogonana kadogaha, God nu hora Nituna be vi lai roroi lalai gida. God nu tau ginau duluai gin Nituna, i ginau duluai vai gubwen̄ vwate, vi vora non Nituna.

Hibru 2:10

Ginau duluai bilan God, i nu tau ginau duluai halaten non muramura. God nu lol mwasin ginau mahavana be nu lol Jisas mwa bavtutu gin ron̄ ḡagarasi, i rav lai ira naturirigi ivusi be rav lai sarisari non God. Huribe Jisas haḡea mwa domuainira be rav bulu lol non varahuva.

1 Pita 3:22

Kadogaha Jisas nu vano vai lol ute atamare i mwa dogo la mwatuan God i mwa ḡitaḡoro ira enjel, ira roron̄o i ira muramura.